Kitob O'zbek tilida (Audiokitob) - Josh va Dotti Makdauell. O‘Smir Bilan Ochiq Suhbat.
7 bob - Bolangiz jinsiy aloqa haqida kimdan bilishni xohlaydi?
Siz balki jinsiy aloqa muhokama uchun nihoyatda nozik va qaltis mavzu, shu bois bolalar o‘z ota-onalaridan ko‘ra chetdagi boshqa odamlar bilan bu haqda osonroq suhbat qilishlari tabiiy deb o‘ylayotgandirsiz.. Ammo bu shunday emas.
Mana, “The Henry J. Kaiser Family Foundation” nimalarni xabar qiladi:
Tibbiy tadqiqotlar va jamiyat salomatligi ma’lumotlariga ko‘ra, bolalar avval o‘z ota-onalariga ma’lumot, maslahat va tavsiyalar so‘rab murojaat qilishadi, faqat balog‘at yoshiga yetganlaridagina ular, odatda, ko‘proq do‘stlariga, ommaviy axborot vositalariga va oiladan tashqaridagi boshqalarga quloq soladilar1.
Milliy kampaniyaning o‘smirlardagi rejalashtirilmagan homiladorlikni bartaraf qilish doirasidagi tadqiqotlariga ko‘ra, “o‘smirlar ilk munosabatlar bosqichida ko‘proq yo‘l-yo‘riq va bilimlar olishni ota-onalari va boshqa yoshi kattalar bilan tez-tez maslahatlashib turishni istashadi”2.
Umidbaxsh yangilik shundan iboratki, agar ota-onalar imkon qadar barvaqt o‘z bolalari bilan yaqin, iliq munosabatlar o‘rnatishsa, ular balog‘at yoshida boshqa mavzular qatori jinsiy aloqalar masalasida ham do‘st-tanishlarining maslahati, internet-targ‘ibot va ommaviy axborot vositalariga emas, balki ota-onalarining fikriga ko‘proq yondashadilar. Autizm muammosini o‘rganadigan “Talk” instituti qayd etadi: “Aksariyat o‘smir yigit va qizlar ota-onalari ular uchun jinsiy aloqa haqidagi ma’lumotlarning asosiy manbai bo‘lishlarini ma’qul ko‘rishadi”3.
Amerikada o‘tkazilgan bir demografik tadqiqotga ko‘ra, 67% o‘smirlar ota-onalarining fikrlariga yon bosishga tayyordirlar. Milliy kampaniyaning o‘smirlar o‘rtasida rejalashtirilmagan homiladorlikni bartaraf etish bo‘yicha o‘tkazgan savol-javoblarida, yoshlar o‘z ota-onalaridan jinsiy aloqa borasida ko‘proq maslahatlar olish istagida ekanliklarini bildirishgan4. “ABC News” axborot korporatsiyasining yaqinda aniqlashicha, “gap jinsiy aloqalar va u bilan bog‘liq hatti-harakatlarga borib taqalganida, o‘smirlar ko‘p hollarda o‘z ota-onalarining fikrini yuqori o‘ringa qo‘yishadi”5. Bolangiz jinsiy hayot haqida o‘zingizdan bilib olishni ma’qul ko‘radi. Xudo sizga bolangizning jinsiy aloqa borasidagi tasavvurini shakllantirishdek imkon va faxrli huquq bergan.
Книга на узбекском языке - Прямой разговор с подроском. Дотти и Джош Макдауэлл.