Сторми Омартиан. Ибодатгўй Аелнинг Қудрати (13 боб) Ўзбек тилида
МУНДАРИЖА
Ибодатнинг кучи
1 боб - Сиз Турмушга Чиќдингиз
2 боб - Унинг Ишлари
3 боб - Унинг Моддий Маблаѓлари
4 боб - Унинг Интим Хаёти
5 боб - Унинг Мехрибонлиги
6 боб - Унинг Васвасалари
7 боб - Унинг Шубхалари
8 боб - Унинг Ќўрќуви
9 боб - Унинг Маќсадлари
10 боб - Унинг Ќарорлари
11 боб - Унинг Соѓлиѓи
12 боб - Унинг Химояси
13 боб - Худонинг Синовлари
14 боб - Унинг Ахлоќий Принциплари
15 боб - Унинг Обрўйи
16 боб - Унинг Устиворликлари
17 боб - Унинг Ўзаро Муносабатлари
18 боб - Унинг Оталик Бурчи
19 боб - Унинг Ўтмиши
20 боб - Унинг Феъл-Атвори
21 боб - Унинг Оиласи
22 боб - Унинг Хиссиётлари
23 боб - Унинг Юриш-Туриши
24 боб - Унинг Гап - Сўзлари
25 боб - Унинг Тавба-Тазарруси
26 боб - Унинг Халос Бўлиши
27 боб - Унинг Итоаткорлиги
28 боб - Унинг Ўзи Тўѓрисидаги Фикри
29 боб - Унинг Ишончи
30 боб - Унинг Келажаги
13-БОБ ХУДОНИНГ СИНОВЛАРИ
Оғир пайтларда ҳаммада ҳам кўнгилсизликлар бўлади, майли, булар сизни хижолатга солмасин. Баъзан ибодатларимиз бу кўнгилсизликлардан қочишимизга ёрдам беради, баъзан эса ёрдам бера оымайди. Кўпинча бу ҳолат бошимиздан кечираётган воқеага қандай муносабат билдиришимизга боғлиқ. Агар юрагимиз ғазабга, дарду аламга тўла бўлса, кўнгилсизликлар учун доимо Худони айблайверсак, иш ёмон кетади. Агар синовларни бошдан кечириб, Худога шукр қилиб, ҳамду сано айтсак, У бизнинг қайғуларимизни фаровонликка айлантиришга ваъда беради. «Эй биродарларим, турли синовларга дучор бўлганингизда, уни катта севинч билан қабул қилинглар. Шуни билингларки, имонингизнинг синалишидан сабр-тоқат ҳосил бўлади» (Ёқуб 1:2–3).
Хотиннинг ибодати бу даврда эрнинг ҳаётида юз берган воқеани ўзгартира олмайди, чунки эр шу кўнгилсизликларни бошдан кечириш учун ҳукм қилинган. Ахир, агар ҳаётимизда азоб-уқубат бўлмаганда эди, тасаввур қилиш мумкинки, биз қандай майда, раҳмсич ва ўжар махлуқ бўлишимиз мумкин эди. Аммо ибодатингиз барибир эрингизга ёрдам беради: эрингизда руҳий кўтаринкиликни таъминлайди, юракда миннатдорчилик, сабр, хотиржамлик туйғуларини сақлайди — шу тариқа эрингиз қабул қилган нотўғри қарор оқибатларидан уни сизнинг ибодатингиз халос қилади.
Дугонам Жейн даҳшатли синовни бошдан кечирган: унинг эри Дейвни заҳарли ўргимчак тишлаб олгандан кейин, у узоқ вақт ҳаёт билан ўлим чегарасида турди. Бу бир йилдан ортиқ чўзилиб, иккалови учун ҳам оғир давр бўлди. Бу давр мобайнида Дейв бирин-кетин қатор муаммолар билан курашишига тўғри келди. Яқинда улар бошқа штатга кўчиб, қариндошларидан, дўстларидан ва қавмидан узоқлашганларидан кейин, вазият яна ҳам чигаллашди. Тиббиёт ҳисоб-китоблари учун катта тўлов муносабати бшлан уларнинг молиявий аҳволи янада мураккаблашди. Ғазабланиш учун шунинг ўзи етарли эмасми эди?! Бироқ улар ибодат қилишни тўхтатмадилар, Худога шукр айтиб, Унда ўзлари учун куч манбаини кўрдилар.
Муттасил руҳий азобда Жен кўз ёш тўкиб, Дейв бу курашда ноумид бўлмасин, бардош бериб руҳан мустаҳкам бўлсин, деб чин дилдан ибодат қилаверди. Худо уларга мадад берди, Дейв соғайиб кетди, улар имонда шунчалик кўп ҳосил бердиларки, бунақаси камдан-кам учрарди. Бугунги кунда уларнинг иккаласи ўзларининг жамоатида яхши хизмат қиляптилар, уларнинг учта фарзанди имонда мустаҳкам бўлиб, ўз истеъдодларини Худони шарафлаш учун бағишлаяптилар. Хуллас, уларнинг ҳаёти Худонинг меҳрибонлиги гувоҳидир, Имоним комилки, ҳар иккаласи бошидан кечирган синов уларнинг феъл-атворига ва дунёқарашига катта таъсир кўрсатди.
Биз сезамизми, йўқми, Худога хизмат қилганимизда, Унинг севгиси ҳаётимизнинг ҳатто энг қайғули, танҳо, оғир қолган лаҳзаларида ҳам бизни ўраб туради. Бизга ёмон бўлганда, У доимо ёнимизда туради. Агар биз Худодан ҳимоя истаб, ибодат қилсаккина, У доимо фаровонлик ва яхшилик келтиради. «Биз биламизки, Худони севганларга, яъни Худо Ўз муроди бўйича даъват этганларга ҳамма нарса яхшилик бўлиб хизмат қилади» (Рим.8:28). Биз азоб-уқубатларни бошимиздан кечириб, Худо олдшда итоаткор бўлганимиз, «мен» деб такаббурлигимизга, ўзбиларманлигимизга чек қўйганимиз Унга маъқулдир. У бизни чинакамига Ўзининг болалари сифатида — раҳмдил, сабрли, руҳан кучли, Ўзининг шуҳратини ёювчи сифатида кўришни истайди. Биз Унинг севгисига ишонишни ўрганишимиз учун, ҳар қандай вазиятда ҳам бизга У ёрдам беришга тайёр эканини ўрганишимиз учун бизга азоб юборади.
Тўлиқ ишонч билан айта оламанки, Майкл билан бирга бошдан кечирган азобларимиз, бизни қоплаган хафалик, дард, саросималик, англашилмовчилик бизни Худога яқинлаштирди.
Аммо имкон борича ҳар сафар кўнгилсизликларни бошдан кечирганимизда, Худога чин дилдан ибодат қилиб, имонимиз ўсиб борганини, Худо йўлида руҳан мустаҳкамланганимизни сезганмиз. Тўғри иш қилганимизда эса, ўзаро севгимиз муётаҳкамланиб борарди.
Агар эрингиз синовлар майдони орқали ўтса, бурчингизни бажаринг — у учун ибодат қилинг, аммо унинг юкини ўз зиммангизга олманг. Унинг азобларини баҳам кўриш истагига қарамай, унинг машаққатларининг бир қисмини зиммангизга олиб, кўтариб боришга ҳаракат қилманг, чунки бу фақат уни заифлаштириб, унда талафотга учраш ҳиссини пайдо қилади. Бундан ташқари, сиз Худонинг иродасини ижро этишга қаршилик қилишингизни, Муқаддас Руҳни ўзингиз билан алмаштиришга ҳаракат қилишингизни Худо истамайди. Эрингизнинг азобларини кўриш сиз учун қанчалик оғир бўлмасин, воқеаларнинг боришига аралашишга ҳақингиз йўқ. Эрингиз учун ибодат қилиб, унга далда бериш ва қўллаб-қувватлаш — сизнинг вазифангиздир, чунки Худо Ўз мақсадлари учун бизга синов юборади, сиз эса Унинг йўлига қарши турмаслигингиз керак.
Агар эрингиз молиявий қийинчиликларга, хасталикка, мағлубиятга дучор бўлса, ишдан маҳрум бўлса, оилада келишмовчиликлар пайдо бўлса, у кўплаб кўнгилсизликларни бошдан кечирса, унинг ҳаёти одамлар билан таранг муносабатлар натижасидан пайдо бўладиган дарду аламлар билан заҳарланади. Шунда Муқаддас Руҳдан, эримнинг ҳаётига кириб, унинг ҳаётини ўзгартиргин, деб сўранг. Худонинг ваъдаси улуғвор манзарага эга эканига эрингизнинг эътиборини тортинг: Биз азоб-уқубатларэи бошдан кечириб, ўзимизни тўғри тутганимизда, бизда Худонинг шуҳрати бўлади. Бизнинг азоб-уқубатларимиз ичимиздаги Худонинг шуҳрати билан қиёсланганда, ҳеч нарса эмаслигини унга эслатинг. Азоб-уқубатларни бошдан кечирганимизда, ўзимизни тўғри тутамиз. «Ўйлаймизки, бизга зоҳир бўлажак улуғворлик олдида шу он азоб-уқубатларни айтиб ўтиш ҳам арзимасдир» (Рим. 8:18). Унга «Мени қўллаб-қувватлаётган Исо Масиҳнинг мадади билан ҳар нарсани қила оламан» (Флп. 4:13) деган ажойиб сўзлар билан далда беринг.
Эрингич Худога ишонч билан «ёпишиб қолиши» учун ибодат қилинг, токи на ҳозирги азоблар, на келажакдаги синовлар уни Худонинг севгисидан маҳрум қила олмасин. «Мен аминманки, на ўлим ва на ҳаёт, на фаришталар ва на жин-ажиналар, на ҳозирги ва на келгуси ҳодисалар, на баландликлар ва на чуқурликлар ҳамда на яратилган бошқа бирон мавжудот Раббимиз Исо Масиҳ шахсидаги Худо севгисидан бизни жудо қилишга қодир эмас» (Рим. 8:38-39). Агар ҳеч нарса уни Худонинг севгисидан маҳрум қила олмаса, қанчалик оғир бўлмасин, у ҳар доим умид қилса бўлади.
Азоб-уқубатлар покловчи аланга ва ювадиган сув каби фаолият кўрсатади. Эрингиз оловда ёниб, сувга чўкиб кетишини истамайсиз-ку. Сиз уни покланган, янгиланган ҳолда кўришни истайсиз. Чунки «Бизни Севганнинг соясида буларнинг ҳаммаси устидан улкан ғалаба қозонамиз» (Рим. 8:37). «Лекин охиригача чидаган нажот топади» (Матто 24:13). Эрингиз ибодатларига Худодан жавоб кутиб, имонда қатъий туриш истагига эга бўлиши керак, унинг ибодатлари оловнинг ютиб юборадиган алангасидан, гирдобнинг даҳшатли тубсизликларидан қутқаради.
Ибодат
Эй Худойим, эримнинг азобларини ёлғиз Сен биласан. Мен фақат ташқи зоҳир бўлишини биламан, холос, Сен эса эрим елкасида кўтариб бораётган ҳамма оғирликларни кўрасан. Мен биламан: Сен бизни синаяпсан, мен Сенинг хоҳиш-иродангга қаршилик қилмоқчи эмасман. Эрим бу курашда ғолиб бўлиб чиқишини истайман, холос.
Эй Худойим, Сен бизнинг паноҳимиз ва қудратимизсан, кулфатда қолганимизда мададкоримизсан (Забур 45:2). Сен бизга «илоҳий марҳаматга ноил бўлиш ва зарурат вақтида иноят ва ёрдам олиш учун Сенинг иноят тахтингга жасорат билан яқинлашишимизга» имкон бердинг (Ибр. 4:16). Мен, марҳаматингдан мўл-кўл қилиб эрим устига ёғдиргин, деб Сенинг тахтингга келяпман. Курашиши учун эримни руҳан бардам қилгин, сабр-тоқат бхргин, у Сенга умид боғласин (Забур 26:1–4 га қаранг). Нима бўлганда ҳам, у қатъий ва мардонавор бўлишига ёрдам бер, Ҳар доим у «умиддан тасалли топишига ва қайғуларга сабрли бўлишига», (Рим. 12:12) доимо ибодат қилишига ёрдам бер. У ўз ҳаёт йўлини босиб ўтишига, умидсизликка тушмаслигига ёрдам бер. Чунки Сен: «...солиҳ етти марта йиқилиб, яна туради» (Ҳикмат. 36:23) деб айтган эдинг. «Бундай одамнинг одимларини Худо мустаҳкам қилар, унинг йўлларига Худо марҳамат қилар» (Забур 36:23) деган оятни ҳар доим эслайин.
Эрим Сенга таянсин, «кулфат ўтиб кетмагунча» (Забур 56:2) Сен унинг ҳимояси бўлишингга ишонсин, Сенинг жавобингни у кутишга ўргансин, деб ибодат қиламан. чунки «Худодан умид қиладиганларнинг кучи янгиланади, бургутдай қанотларини ёзиб, парвоз қиларлар — асло чарчамас, кетаверарлар — асло толиқмас» (Ишаё 40:31). Эрим Сендан куч олсин, Сен унинг ибодатини эшитгин, жамики ярамас одатлардан уни халос қилгин (Забур 33:17 га қаранг), деб ибодат қиламан.
Муқаддас Китобдан сизнинг ибодатларингизни таъсирчан қиладиган оятлар
Шу сабабдан беҳад хурсанд бўлинглар. Ҳозир турли васвасалар туфайли бироз қайғуришингизга тўғри келсада, лекин бу васвасалар имонингизни синаш учун фойдали эканлигини билинглар; Ҳатто фоний олтин ҳам оловда тобланиб, синалади. Шу сингари олтиндан ҳам қимматли бўлган имонингиз синовдан ўтиб, Исо Масиҳ осмонда зоҳир бўлгач, сизларга мақтов шараф келтирсин.
1 Бут. 1:6–7
Ташвишларингни юклагин Эгамизга, Сенга У мадад берар ва ҳеч қачон Эгамиз йўл қўймас солиҳнинг йиқилишига.
Забур 54:23
Мен эса илтижо қиларман Худога, Нажот беради Эгам менга. Ғамгин бўлиб фарёд қиларман туну кун, Менинг овозимни эшитар Эгам.
Забур 54:17–18
Дучор қилдинг мени кўп кулфат, азобларга, Мени яна ҳаётга қайтарурсан, Ер остидан яна мени чиқариб олурсан. Шуҳратимни яна юксалтирарсан, Қачонлардир менга яна таскин берурсан.
Забур 70:20–21
Книга на узбекском языке: Сила молящейся жены (Сторми Омартиан)
Книга, которую вы держите сейчас в руках, расскажет вам о великой силе молитвы. Если ваш брак переживает трудные времена, возможно, вы найдете здесь советы, которые помогут вам по-новому взглянуть на сложившуюся ситуацию в вашей семье и подскажут верное решение ваших проблем. Вы узнаете, в чем состоит истинное призвание жены. Научитесь лучше понимать своего мужа. Сторми Омартиан на примерах из жизни показывает, насколько эффективной может быть ваша молитва. Ведь часто только она одна может все исправить.
