Сторми Омартиан. Ибодатгўй Аелнинг Қудрати (6 боб) Ўзбек тилида
МУНДАРИЖА
Ибодатнинг кучи
1 боб - Сиз Турмушга Чиќдингиз
2 боб - Унинг Ишлари
3 боб - Унинг Моддий Маблаѓлари
4 боб - Унинг Интим Хаёти
5 боб - Унинг Мехрибонлиги
6 боб - Унинг Васвасалари
7 боб - Унинг Шубхалари
8 боб - Унинг Ќўрќуви
9 боб - Унинг Маќсадлари
10 боб - Унинг Ќарорлари
11 боб - Унинг Соѓлиѓи
12 боб - Унинг Химояси
13 боб - Худонинг Синовлари
14 боб - Унинг Ахлоќий Принциплари
15 боб - Унинг Обрўйи
16 боб - Унинг Устиворликлари
17 боб - Унинг Ўзаро Муносабатлари
18 боб - Унинг Оталик Бурчи
19 боб - Унинг Ўтмиши
20 боб - Унинг Феъл-Атвори
21 боб - Унинг Оиласи
22 боб - Унинг Хиссиётлари
23 боб - Унинг Юриш-Туриши
24 боб - Унинг Гап - Сўзлари
25 боб - Унинг Тавба-Тазарруси
26 боб - Унинг Халос Бўлиши
27 боб - Унинг Итоаткорлиги
28 боб - Унинг Ўзи Тўѓрисидаги Фикри
29 боб - Унинг Ишончи
30 боб - Унинг Келажаги
6-БОБ УНИНГ ВАСВАСАЛАРИ
Оила қурганимиздан кейин дастлабки кунлардаёқ, Худодан: «Майкл билан мени ҳар хил васвасалардан сақлагин», деб сўрардим. Билмадим, ибодатларимнинг натижасими ёки ўзимизни доимо пок тутишга ҳаракат қилганимизми — биттамиз бирон марта бўлса ҳам иккинчимиздан шубҳаланишга йўл қўймадик. Аммо имоним комилки, бунда катта ролни гарчи ҳаммаси муҳим бўлса ҳам, инсоний ҳаракатларимиздан кўра, Худонинг қўли иштироки ўйнади.
Мен бир неча оилаларни биламан: уларнинг ҳаётида хиёнат бор эди. Хотиннинг ибодат қилишга истаги борлиги сабабли ва эрнинг эса ўзгариши ва оилани сақлаш учун Худога юрагини очиш истаги туфайли бу оилалар тобора гуллаб-яшнаб бормоқда. Бундай мўъжизалар Муқаддас Руҳнинг ўзгартирувчи қудрати билан бирга, итоаткор қалбнинг ибодатини яратишга лаёқатлидир.
Дугоналаримдан бирининг эри, улар ажралишларидан олдин, ҳар сафар унинг бирорта энг яхши дугонаси билан кўп марта хиёнат қилди. Мен: «Дугонам «дўст» танлашда нимага амал қилар экан», деб қизиқдим, аммо бирон марта ҳам: «Юрагинг Худога қанчалик содиқ, ибодатга қанчалик жиддий муносабатда бўласан», деб сўрамадим. Дугонам ибодат қилишини билардим. Аммо қанчалик ибодат қилмасин, Муқаддас Руҳ овозини эшитишни истамайдиган юрак ўзгармайди.
Васваса бугунги кунда ҳамма жойда яшириниб кутади. Эрларимиз у ёки бу гуноҳдан ҳимоя қилинган, деб айтиш аҳмоқлик бўлур эди. Муқаддас Китоб айтади: «Ўликлар диёри ва жаҳаннам ҳеч тўймаганидай, инсоннинг кўзи ҳам асло тўймайди» (қаранг: Ҳикмат. 27:20). Агар бу ҳақиқат бўлса, васваса имконияти ҳар доим бор, биз ҳар доим ҳушёр туришимиз керак. Баъзилар ичкиликбозлик, гиёҳвандлик туфайли васвасага бериладилар, бошқалари пулга ва ҳокимиятга ўчликни бошдан кечирадилар, яна баъзилари очофатлик ёки порнографияга, шаҳватга берилиб гуноҳ қиладилар. Душман бизнинг энг заиф томонларимизни билиб, тузоқ қўяди. Масала бизнинг йўлимизда гуноҳ бўлишида эмас, балки гуноҳга дуч келганимизда ўзимизни қандай тутишимиздадир. Бундай пайтда мен битта воситани — ибодатни тавсия қиламан. Эҳтимол, одамни қарор қилган хатти-ҳаракатидан ибодат ҳимоя қила олмас, аммо ибодат восвосчининг овозини заифлаштириши ва унинг ҳужумларига қаршиликни кучайтириши мумкин. Ибодат одамга йўлни тўғри танлашни кўрсатиши мумкин.
Муқаддас Китобнинг айтишича, Худо бизни васвасага солмайди, балки ўзимизнинг истакларимиз бизни васвасага солади. Айнан истакларимиз бизни гуноҳга олиб боради, оқибатда бизни ҳалок қилади. Аммо «Синовга сабр-тоқат қилган одам бахтиёрдир. Чунки у синовдан ўтгач, Раббимизни севувчиларга насиб бўладиган ҳаёт тожига сазовор бўлади» (Ёқуб 1:12). Биз синовдан ўтишимиз Худога маъқулдир, чунки У бизга марҳамат қилишни истайди. Аммо биз танамизнинг истакларини эмас, Худонинг йўлларини танлашимиз учун Унга қанчалик ишонамиз — Худо шуни билишни истайди. Агар биз бутун қалбимиз билан Худони изласак, Ундан мадад сўрасак, Худо бизга доимо йўл кўрсатади.
Кўнгилсизликлар келишидан олдин ибодат қилишни бошлаш зарур. Исо шогирдларига «васвасага берилмаслик учун» (Лука 22:40) ибодат қилишга, ҳушёр туришга амр берган эди, чунки «руҳ тетик, тана эса заифдир» (қаранг: Марк 14:38). Агар эрингиз васваса билан кураш даврини бошдан кечираётган бўлса, ибодат қилинг, токи унинг чинакам ибодатгўй дўстлари топилсин, ўша дўстлари билан очиқчасига ўртоқлашсин, ибодат у учун катта мадад бўлсин. Худо олдида ва бошқа имонлилар олдида чинакам эътироф васвасанинг кучини пасайтиради. Афсуски, кўп эркаклар ўзларининг васвасалари тўғрисида истар-истамас сирлашадилар ва бунинг устига бу васвасалардан ҳимоя қилишга тўсиқ қўядилар.
Агар барибир ибодатлардан кейин ҳам, эрингиз васвсага берилса, ўзингизни айбламанг, чунки қарор қабул қилган — эрингиздир. У Руҳ бўйича эмас, тана йўлидан кетишни танлади. «Мен шуни айтмоқчиман: Илоҳий Руҳ амри билан яшанглар, шунда табиатингиздаги ёмон эҳтирослар жунбишга келмайди. Чунки инсон табиати Илоҳий Руҳга, Илоҳий Руҳ эса инсон табиатига қарши йўналтирилган. Бу иккови бир-бирига душман бўлгани учун, сизлар истамаганингизни қиласизлар» (Гал.5:16–17). Эрингиз учун ибодат қилишни тўхтатманглар. У васвасага қанча тушмасин, билингки, Худо уни қандай қутқаришни билади, сиз эса Худонинг хоҳиши билан бу нажот йўлини топишда эрингизга ёрдам беришингиз мумкин. Агар Худо сабабли оилангиз бу ҳужумлардан холи бўлса, ҳеч нарса ўзгармасин, деб ибодат қилинг.
Ибодат
Эй Худойим, Сенга ибодат қиламан: эрим йўлида учрайдиган ҳар қандай васвасаларга қарши туриши учун унга куч бергин. Унинг онгидан бемаъни фикрларни йўқотгин, токи бу фикрлари қалбига ўрнашиб, хатти-ҳаракатларига ўтмасин. Уни васвасага солмагин, балки хиёнат, порнография, гиёҳвандлик, ичкиликбозлик, овқатга очкўзлик, қиморбозлик ва ахлоқий бузуқликдан қутқар. Айниқса, уни (васвасанинг аниқ номи) дан қутқар. Руҳининг заиф томонларини қутқар. Ўтиб бўлмас қалъа сингари ҳаётий қийинчиликларни енгиши учун унга куч ато қилгин. У: «Кўз олдимда ҳар турли жирканч нарсанинг рози эмасман пайдо бўлишига» (Забур 100:3) деб айтсин.
Эй Ота, Сен айтган эдинг: «Ўзини тута олмайдиган одам деворсиз вайрона шаҳар кабидир» (Ҳикмат. 25:28). Эрим (исмини айтинг) ни ёвузлик кучи синдирмасин, балки Сенинг қудратинг сақласин, деб ибодат қиламан. Унинг атрофида муҳофаза деворларини ўрнат. Уни Ўзингнинг Руҳинг билан тўлдир, Сенга алоқадор бўлмаган нарсаларнинг ҳаммасини улоқтириб ташла. Унга ўзини ўз руҳи билан бошқаришни, у учун васваса бўлган ҳамма нарсага қаршилик кўрсатишни ўргат. У «ёмонликдан нафратланиб, яхшиликка чирмашиб олсин» (қаранг: Рим. 12:9). Гуноҳлардан уни муҳофаза қил, гуноҳларга қарши туриши учун шижоат ато қил, унга тананинг хоҳишига риоя қилишни эмас, Руҳ бўйича иш тутишни ўргат.
Муқаддас Китобдан сизнинг ибодатларингизни таъсирчан қиладиган оятлар
Васвасага тушганда ҳеч ким: «Худо мени синаб кўраётир», — демасин. Чунки Худо ёмонлик васвасасига тушмайди, Ўзи ҳам ҳеч кимни васвасага солмайди. Лекин ҳар ким ўзининг эҳтиросига берилиб, алданиб васвасага дучор бўлади. Кейин эҳтирос ҳомиладор бўлиб гуноҳни туғади, гуноҳ эса етилиб, ўлимга сабаб бўлади.
Ёқуб 1:13-15
Бошингизга оддий инсоний васвасадан бошқа васваса келмаган. Худо эса содиқдир, У кучингиздан ортиқ васвасага тушишингизга йўл қўймайди, лекин васваса билан бирга тоқат қилишингиз учун иложини ҳам беради.
1 Кор. 10:13
Айш-ишрат ва ичкиликбозлик билан эмас, шаҳватпарастлик ва фисқ-фужур билан эмас, жанжалкашлик ва ҳасадгўйлик билан эмас, балки кундузга яраша, одоб билан кун кечирайлик. Раббимиз Исо Масиҳни |iсовутдай| кийиб олинглар ва табиатингизнинг гуноҳли ҳавас-эҳтиросларини қониқтиришга интилманглар.
Рим. 13:13-14
Бойликка интилганлар васваса тузоғига илинадилар, инсонларни балою ҳалокатга йўлиқтирувчи кўп бемаъни ва зарарли ҳавасларга қурбон бўладилар.
1 Тим. 6:9
Башарий табиатнинг ишлари маълум, чунончи: фаҳшбозлик, ҳаром-ҳаришлик, фисқ-фужур, бутпарастлик, жодугарлик, душманлик, жанжалкашлик, рашк-ғазаб, манманлик, ихтилофчилик, бидъатчилик, ҳасад, қотиллик, ичкиликбозлик, айш-ишрат ва шуларга ўхшаган ишлар. Сизларни олдин огоҳлантирган эдим, яна огоҳлантиряпман: бу каби ишларни қилувчилар Худо Шоҳлигидан бебаҳра бўладилар.
Гал. 5:19-21
Книга на узбекском языке: Сила молящейся жены (Сторми Омартиан)
Книга, которую вы держите сейчас в руках, расскажет вам о великой силе молитвы. Если ваш брак переживает трудные времена, возможно, вы найдете здесь советы, которые помогут вам по-новому взглянуть на сложившуюся ситуацию в вашей семье и подскажут верное решение ваших проблем. Вы узнаете, в чем состоит истинное призвание жены. Научитесь лучше понимать своего мужа. Сторми Омартиан на примерах из жизни показывает, насколько эффективной может быть ваша молитва. Ведь часто только она одна может все исправить.
