Ўсмир ибодатининг кучи (Сторми Омартиан) 7 bob

Сторми Омартиан. Ўсмир ибодатининг кучи - (7-боб) Китоб Ўзбек тилида

O‘smir ibodatining kuchi (Stormi Omartian) O‘zbek tilida Audiokitob

МУНДАРИЖА

Ибодатнинг кучи нимада? Нима учун мен ибодатга муҳтожман?

1-боб. Эй Худойим, Сени билишим учун менга ёрдам бер

2-боб. Эй Худойим, олдинги хатоларимдан халос бўлишимга ёрдам бер

3-боб. Эй Худойим, бошқаларни кечиришни менга ўргат

4-боб. Эй Худойим, солиҳларча иш тутишга мени ўргат

5-боб. Эй Худойим, аҳмоқона таъсирларга қарши туришим учун менга ёрдам бер.

6-боб. Эй Худойим, ўз фикрларимни бошқаришга мени ўргат

7-боб. Худойим, Сенинг Каломингни тушунишга мени ўргат

8-боб. Эй Худойим, тенгдошларим таъсиридан халос бўлишимга ёрдам бер

9-боб. Эй Худойим, одамлар билан яхши муносабатлар ўрнатишни менга ўргат

10-боб. Эй Худойим, ҳаётим давомида Сенга ҳамду сано айтишга мени ўргат

11-боб. Эй Худойим, ҳаётимда Сенинг мақсадингни тушунишимга ёрдам бер

12-боб. Эй Худойим, тўғри танлов қилишим учун мени доноликка ўргат

13-боб. Эй Худойим, салбий эмоциялардан қутулишимга ёрдам бер

14-боб. Эй Худойим, ҳаётимда васвасалар билан курашувимга ёрдам бер

15-боб. Эй Худойим, ҳаётимнинг қийин лаҳзаларида кучли бўлишимга ёрдам бер.

16-боб. Эй Худойим, ўзимни бехатар ҳис қилишим учун ёрдам бер

17-боб. Эй Худойим, ҳаётбахш сўзларни гапиришга мени ўргат

18-боб. Эй Худойим, имконсиз нарсага ишонишни менга ўргат

19-боб. Эй Худойим, ҳаётим учун Сенинг хоҳиш-иродангни билишимга ёрдам бер

20-боб. Эй Худойим, Сен мен учун тайёрлаган меросни қўлга киритишимга ёрдам бер

7-боб. Худойим, Сенинг Каломингни тушунишга мени ўргат

Сизнинг ақлингиз ва танангиз ҳар куни озиқланишга муҳтож. Худди шу сингари, руҳингиз ва жонингиз ҳам ҳар куни озуқага муҳтожлиги сизга маълумми? Руҳингиз ва жонингизни озиқлантирадиган овқат бу Худонинг Каломидир. Агар овқатни истеъмол қилмасангиз, ақлингиз ва танангиз озуқадан маҳрум бўлгани сингари, Худонинг Каломини ўқимасангиз, руҳингиз ва жонингиз озиқсиз қолади. Агар руҳингизни ва жонингизни озиқлантирмасангиз, ҳаётда муваффақият қозона олмайсиз.

Мен имонга келмасимдан олдин, Муқаддас Китобдан айрим парчаларни ўқиган эдим, аммо уларни лозим даражада тушуна олмагандим. Мен учун улар жонсиз сатрлар бўлиб қолаверарди. Мен Худо билан учрашганимдан кейин, ҳаммаси ўзгарди. Мен Худонинг Каломини чуқурроқ тушуна бошладим, руҳим ўсаётганини, ақлим равшанлашаётганини ҳис қилардим. Муқаддас Китобни ҳар сафар ўқиганимда, Худони яхшироқ билиб борардим, Унга бўлган имоним ўсаверди. Мен ғамгин ҳолатга тушганимда ё қўрққанимда, ёки хавотирланганимда, Муқаддас Китобга мурожаат этардим, шунда бу салбий туйғулар хиралашиб, ўрнига тинчлик, умид ва шодлик келарди. Тез орада шуни тушундимки, Худонинг Кааломидан ҳеч бўлмаса бирон парчани ўқимасдан, бир кун ҳам яшай олмас эканман.

Агар Худонинг Каломи жонимиз учун озиқ бўлса, демак, биз усиз яшай олмаймиз. Исо Муқаддас Битикдан қуйидаги сатрларни иқтибос қилиб келтирган эди: «Инсон фақат нон билан эмас, балки Худонинг оғзидан чиққан ҳар бир сўз билан яшайди» (Матто 4:4). Бундан шу нарса келиб чиқадики, оддий овқат бизни тўйдирмайди, чунки инсон қалбидаги бўшлиқни руҳий озуқадан бошқа ҳеч нарса тўлдира олмайди. Агар биз Худонинг Каломидан доимо озиқланиб турмасак, оч қоламиз ва руҳан силламиз қурийди.

Худонинг Каломини ҳар куни ўқисангиз, ҳаётингизда катта ўзгаришлардан ҳайратга тушасиз. Кўп ўқиш шарт эмас, битта парчани ўқисангиз ҳам, шунинг ўзи кифоя. Ҳеч ўқимагандан кўра, бу яхшироқдир. Шунинг учун Худога ибодат қилинг: “Муқаддас Китобни ўқишим учун вақт топишимга ёрдам бер, ўқиганларимни тўғри тушунишимга ёрдам бер”, деб сўранг. Яна, Худонинг Сўзи юрагингизда ўрнашиб қолиши учун, унинг ижобий таъсири сусаймаслиги учун ҳам сўранг. Муқаддас Китобда шундай дейилади: «Шу сабабдан биз бутун эътиборимизни эшитганларимизга қаратишимиз керак. Шунда ҳақиқатан оғиб кетмаймиз» (Ибронийлар 2:1). Булар учун ибодат қилиш жуда муҳим, чунки бизнинг хотирамиз қисқа, аммо биз ўзимиз ҳам буни англай олмаймиз.

МЕН ҚУЙИДАГИ ҲОЛАТЛАРДА ИБОДАТ ҚИЛИШГА ҚИЙНАЛАМАН:

Ибодатни бошлаб олишга қийналаман;
Жавобларни кутишга сабр–тоқатим етмайди;
Қалбимдан самимий ибодат қилиб, асл эҳтиёжларимни айтишга қийналаман;
Ҳар куни ибодат қилиш учун ўзимни мажбурлашим керак;
Хуллас, ибодат билан боғлиқ ҳамма нарса мен учун қийин (16–19 ёш).

Каломни ижро этиш

Муқаддас Китобни ҳар сафар ўқиганингизда, ўзингиз учун янги ниманидир билиб оласиз. Агарда сиз бирор парчани илгари кўп марта ўқиган бўлсангиз ҳам, бари–бир ўзингиз учун янгилик топасиз. Худони қанчадан бери билишингиз аҳамиятли эмас — Унинг Каломида сиз ҳар доим ўзингиз учун фойдали нарсани кашф этасиз. Сизга маълум бўлган ҳақиқатнинг янги қирралари ёки мутлақо номаълум томони очилади. Ҳар қандай ҳолатда ҳам ҳақиқатни шунчаки билишингиз етарли эмас, ҳақиқатга итоат қилиш зарур. Худо бизга айтади: «Худонинг каломига риоя қилинглар! Каломни эшитсам бас, деб ўз–ўзингизни алдаманглар. Каломни тинглаб, амалда риоя қилмаган одам ўз юзини кўзгуда кўрган кишига ўхшайди. У ўзига қаради–ю, кетди ва ўша заҳоти ўзининг қандай эканлигини унутиб юборди» (Ёқуб 1:22–24).

Бу дегани – агар биз Муқаддас Китобни ўқисак–у, аммо уни ижро қилмасак, нафақат Каломни унутиб юборамиз, балки Худонинг ҳузурида эканимизни ҳам эсимиздан чиқариб қўямиз. Ҳаворий Ёқубнинг айтишича, агар биз Худонинг Каломига қатъий амал қилсак, Худо бизга барака беради (Ёқуб 1:25). Бу – Худонинг буюк ваъдасидир. Муқаддас Каломни ўқиганингизда Худодан: “Ҳаётимда Каломингни татбиқ қилишни менга ўргат. Каломинг бўйича яшашни менга ўргат”, деб сўранг. Сўнг Худонинг Каломини амалда қўлланг, шу орқалигина сиз Каломни тушунганингизни ва унга ишонганингизни исботлайсиз.

Каломни эшитиш мумкин, Каломни ўқиш мумкин ва ҳатто Каломдан таълим бериш мумкин, аммо шунда ҳам инсон ўзгармаслиги мумкин. Илойим, биз билан ҳеч қачон бундай бўлмасин. Гарчи Худонинг Сўзи бизга таълим берса ҳам, бизни ишонтирса ҳам, бизни огоҳлантирса ҳам, юракларимизга нур олиб келса ҳам, биз албатта унга амал қилишимиз керак. Муқаддас Китобни ўқиганингизда Худодан: “Каломинг орқали юрагимга гапир, амрларингни амалда ишлатишга ёрдам бер”, деб сўранг.

МЕН ҚУЙИДАГИ ВАЗИЯТЛАРДА ИБОДАТ ҚИЛИШНИ ХОҲЛАЙМАН:

ёлғиз қолганимда ва саросимага тушганимда;
эрталаб уйқудан уйғонганимда;
хонам қоронғу бўлиб, ёлғиз ўзим ётганимда; ё это надо удалить
ёрдамга муҳтож бўлганимда;
ғамгин, умидсиз ва хафа ҳолатда бўлганимда (16–19 ёш).

Худонинг Каломини ўқиш учун ўнта сабаб

Кўп одамлар Худонинг Каломини ўқишга қийналадилар. Агар бу сизга ҳам алоқадор бўлса, ўнта пунктни диққат билан ўқиб чиқинг. Бу пунктларда Каломни ўқишнинг жиддий сабаблари кўрсатилган бўлиб, улар сизга ёрдам беришига ва сизни мустаҳкам қилишига ишонаман.

1. Мен ҳаёт йўлимни билишни хоҳлайман, шунинг учун Худонинг Каломини ўқийман. Сиз фақат Худонинг Каломи орқалигина ўз келажагингизни равшан кўра оласиз ва қаёққа бораётганингизни аниқ билиб оласиз. Худонинг Каломи сизни тўғри йўлда ушлаб туради. У компас сингари сизга Худо тайёрлаган йўлни кўрсатади. «Сўзингга кўра, қадамимни Ўзинг бошқаргин, ҳеч қачон устимдан гуноҳ ҳукмрон бўлмасин» (Забур 118:133).

2. Мен доноликка эга бўлиш учун Худонинг Каломини ўқийман. Дунёда ҳеч нарсанинг қадри доноликка тенг келмас. Чунки донолик бизни йўлга солади ва оғир хатолардан сақлайди. Худонинг Каломини ўргана бошласангиз, доноликда ўсиб борасиз. Зеро, «Эгамизнинг қонуни мукаммалдир, бизга у янги куч ато этади. Эгамизнинг фармонлари ишончлидир, ғўр ёшларга донолик беради» (Забур 18:8).

3. Мен ҳаётда муваффақиятга эришмоқчиман, шунинг учун Худонинг Каломини ўқийман. Сиз Муқаддас Китоб амрларини бажарсангиз, ҳаётингиз яхши томонга ўзгаради, муваффақият сизга йўлдош бўлади. «Таврот китобида ёзилганлар тилингдан тушмасин, уларни битта қолдирмай бажаришинг учун кечаю кундуз улар ҳақида фикр юритгин. Шунда ишларинг юришиб, ўнгидан келади» (Ёшуа 1:8).

4. Мен Худонинг ҳузурига киришим учун юрагимни поклаб, тайёр бўлмоқчиман, шу сабабдан Худонинг Каломини ўқийман. Худо доим сизга ёрдам беради ва йўлга солади, шунинг учун ҳаётингизда бир марта бўлса ҳам Худонинг ҳузурини ҳис қиласиз. Сиз Худонинг ҳузурига кира олишингиз учун Худо сизни барча нопокликлардан тозалашни истайди. Руҳингиз ва жонингиз покланиши учун Муқаддас Китобни ўқинг, чунки қалбингизни “покловчи восита” шудир. «Йигит қандай қилиб йўлларини пок сақлайди? Каломинг бўйича яшаб, шунга эришади» (Забур 118:9).

5. Мен итоат қилишни ўрганмоқчиман, шунинг учун Худонинг Каломини ўқийман. Агар сиз илоҳий қонун нима эканини билмасангиз, қандай қилиб уни ижро этасиз? Сиз ҳаётда муваффақиятга эришмоқчисиз, шунинг учун Худонинг йўлидан юрмоқчисиз, жуда соз. «Эй Эгам, менга фармонларингни ўргат, Токи мен уларни охиригача бажарайин. Заковат бер менга, токи қонунингга риоя қилай, Чин қалбимдан қонунингни бажарай. Амрларинг сўқмоғидан мени етаклагин, Мен ундан лаззат топаман» (Забур 118:33–35).

6. Қалбим шодликка тўлишини хоҳлайман, шунинг учун Худонинг Каломини ўқийман. Шодлик Худонинг марҳаматидир, у ҳаётингиздаги вазиятларга боғлиқ эмас. Сиз бундай шодликсиз яшай олмайсиз. Худонинг Каломи юрагингизни хавотирликдан ва безовталикдан халос қилади, қалбингизга ҳақиқий шодлик келтиради. «Эгамизнинг буйруқлари тўғридир, қалбларни шодликка тўлдиради. Эгамизнинг амрлари равшандир, Улар кўзларга нур беради» (Забур 18:9).

7. Мен мустаҳкам имонга эга бўлмоқчиман, шунинг учун Худонинг Каломини ўқийман. Худонинг Сўзига ишонсангиз, У сизнинг ҳаётингизда амал қилади. Имон туфайли ҳаётингизда ҳеч қандай тасодиф юз бермайди. Аммо Худонинг Каломини ўқимасангиз ва уни амалда қўлламасангиз, сиз имонда ўсмайсиз. «Имон тинглашдан, яъни Масиҳ ҳақидаги Хушхабарни эшитишдан келиб чиқади» (Римликларга 10:17).

8. Худо мен учун буюк истиқбол тайёрлаганини биламан. Ўша истиқболга эришишим учун ҳалақит берадиган ҳамма нарсадан озод бўлмоқчиман, шунинг учун Худонинг Каломини ўқийман. Худонинг Каломини ўқимасангиз йўлингизга тўғоноқ бўлаётган нарсаларни кўра олмайсиз. Фақат Калом буни сизга намоён қилади.

9. Қалбимда тинчликка эга бўлмоқчиман, шунинг учун Худонинг Каломини ўқийман. Ҳамма тинчликни қидиради. Юрагингиздаги тинчлик ҳар бир янги кунни умид билан қаршилаб олишингизга ёрдам беради, сизга куч бағишлайди. Бу дунёдаги тинчлик Худо берадиган тинчликка тенг келолмайди. Бундай илоҳий тинчликни сиз фақат Худонинг Каломидан топа оласиз. «Қонунингни севганлар буюк тинчликка етар, ҳеч нарса уларга тўсиқ бўла олмайди» (Забур 118:165).

10. Мен яхшилик билан ёмонликнинг фарқига бормоқчиман, шунинг учун Худонинг Каломини ўқийман. Бугунги кунда одамлар ёмонликни – яхшилик, яхшиликни – ёмонлик деб айтадилар. Шу боис ҳозирда яхшилик билан ёмонлик ўртасидаги чегарани кўриш қийинроқдир. Фақат Худонинг Каломи бу чегарани аниқ кўрсатади. «Сўзларингни юрагимда асрайман, токи Сенга қарши гуноҳ қилмайин» (Забур 118:11).

Хазинани олмоқ

Худонинг Каломи хазинага бой, аммо уларни топиш керак. Ер остидан қазиб олинадиган рангли ва қимматбаҳо металлар сингари, сиз Худонинг Каломидан топадиган хазинани қайта ишланишингиз керак. Шунда уларда яширинган гўзаллик ярқираб кўринади. Ҳар сафар илоҳий ваъда ҳаётингизда амалга ошаётганда, ўша хазина қалбингизда янада покланиб, кўркам бўлади, вужудингизда равшан порлай бошлайди.

Худонинг Каломидаги қимматбаҳо хазиналардан бири – Унинг овозидир. Биз Худонинг Каломини ўқиганимизда ва эшитганимизда, Худо бизга гапиради. Тўғрисини айтганда, биз руҳимизга гапираётган Худонинг овозини фарқлай олмаймиз. Фақатгина Муқаддас Китобни ўқисакгина Унинг овозини таний оламиз. Сиз Худонинг Ўз Каломида гапираётган овозини қанча кўп эшитсангиз, кундалик ҳаётда ҳам сизга гапираётган ўша овозни яхшироқ биласиз. Худонинг овозини яхши билганингиз сари, алданиш эҳтимоли сизда шунча кам бўлади.

Худонинг Каломи руҳиятимизга тетиклик киритади, бизга тўғри фикрлашни, ҳаётга тўғри ёндашишни ўргатади. У бизни ёмон фикрлардан халос қилади, ҳаётдан мамнун ва хурсанд бўлишимизга ёрдам беради. У бизга умид бахш этади, ҳаётий йўналишимизни тўғрилайди. Биз учун мустаҳкам замин яратади, ўша замин устига муваффақиятли ҳаёт қура оламиз. Худо ҳар куни сиз билан Муқаддас Китоб саҳифаларида учрашмоқчи, сиз ҳам бу учрашувни кутишингизни У истайди.

Худонинг Каломини ҳар куни ўқиш зарур, акс ҳолда Худо билан яқин муносабат қила олмайсиз, ўз юрагингизни поклай олмайсиз, бошқаларни кечира олмайсиз, тўғри ишлар қила олмайсиз, душманга қаршилик кўрсата олмайсиз, ўз фикрларингизни ҳам бошқара олмайсиз. Сиз бир кунда бир–икки оят ўқишингиз ҳам мумкин, сўнг ўша оятни ичингизда қайта–қайта такрорланг. Шунда оятнинг мазмуни ақлингизга ва юрагингизга етиб боради. Айтайлик, сиз қуйидаги оятни танладингиз: «Менга куч–қувват берадиган Исо Масиҳнинг мадади билан ҳар нарсани қила оламан» (Филиппиликларга 4:13) ва бу оятни кун бўйи такрорладингиз, ҳаётингиз шу куни кескин ўзгаради. Дарвоқе, Худонинг Каломи сизга йўл кўрсатади, усиз манзилингизга етиб бора олмайсиз.

МЕН ИБОДАТ ҚИЛДИМ, ХУДО МЕНГА ЖАВОБ БЕРДИ: мен уч йил давомида, ўзимга ёққан отни сотиб олай, деб ибодат қилган эдим, аммо ўша отни ҳеч сотувга қўйишмади. Ҳозир эса ўзим яхши кўрган отим бор, у биз билан уч йилдан бери яшаяпти, бундан жуда хурсандман (15 ёш).

МЕНИНГ ХУДОГА ИБОДАТИМ: ё Раббий, Сен мен учун жонингни қурбон қилдинг, ўликдан тирилиб, юрагимга кириб келдинг, бунинг учун Сендан ниҳоятда миннатдорман. Менга келажагимни кўрсатганинг учун раҳмат. Ёрдам бер, Сенинг содиқ издошинг бўлай. Каломингга нисбатан қалбимда севги уйғот, токи Сенинг ҳақиқатингни яхши тушуниб олай, кўплаб одамларни Сенга олиб келай (14 ёш).

Ибодатнинг кучи

Эй Худойим, Сенинг Каломинг “қадамларим учун чироқ,

йўлимга нур сочадиган ёруғлик”дир, бундан ниҳоятда миннатдорман (Забур 118:105). Биламан, Сенинг Каломинг менинг руҳим учун озуқа, усиз мен яшай олмайман. Ўқиётганимда уни тўғри тушунишим учун менга ёрдам бер. Унда яширинган хазинани менга кўрсат. Билмаганларимни менга ўргат. Сенга маъқул бўлганларни менга намоён қил. Каломингни ҳар кун ўқишимга ёрдам бер, мен учун муҳим бўлган оятларни эслаб қолишимга ёрдам бер. Каломингни ўқиганимда, мени ўзгартир. Мен Каломингни эшитувчигина бўлиб қолмай, балки уни ижро этувчи бўлишни ҳам истайман. Каломинг бўйича яшашимга менга ёрдам бер. Нотўғри иш қилганимда ҳам, ўша ишларни менга кўрсат.

Сенинг Каломинг юрагимни покласин, нотўғри фикрларимни тўғриласин, номукаммалликларимдан юқори кўтарилишим учун менга умид берсин, деб ибодат қиламан. Каломинг мени мақсадинг томон йўналтирсин, имоним мустаҳкамлансин, менга Сен ҳақингда эслатиб турсин, Сенинг севгингни намоён қилсин.

Эй Худойим, Каломингни ўқиб, Сени чуқурроқ била бошлаганим учун Сенга шукр айтаман. Ҳар сафар Каломингни ўқиганимда, менинг юрагимга мурожаат этадиган овозингни эшитишим учун менга ёрдам бер. Ўзинг мени етакла, йўлингдан оғишимга йўл қўйма. Исо номи билан ибодат қиламан.

Сўзнинг қудрати

«Худонинг каломи жонли ва таъсирли, ҳар қандай дудама қиличдан ўткирроқдир. У жон билан руҳни, бўғинлар билан иликни ажратгудек суқилиб киради. Худонинг каломи хаёлу юракнинг ниятларини фош этади» (Ибронийлар 4:12).

«Гапга тушунадиган яхшилик топади, Эгамизга умид боғлаган бахтли бўлади» (Ҳикматлар 16:20).

«Шундай инсонлар саодатлидир:

Улар фосиқлар маслаҳатига юрмайди,

Гуноҳкорлар йўлида улар турмайди,

Мазахчилар орасида улар ўтирмайди.

2 Ҳа, улар Эгамизнинг қонунидан завқ олади,

Туну кун таълимотининг мағзини чақади.

3 Ундай инсонлар оқар сув бўйига ўтқазилган

Дарахтларга ўхшайди.

Улар ўз мавсумида мевасини беради,

Барглари асло қуримайди.

Улар неки қилса, омади келади.» (Забур 1:1–3).

Ибодат мавзусида кейинги ўйлар

1. Худонинг Каломини ҳар куни ўқиш менга қийин, чунки:

2. Худонинг Каломини тушунишим қийин, чунки:

3. Мен Муқаддас Китобдаги қуйидаги учта оятни яхши кўраман ва уларни юрагимда сақлаш учун ёд олмоқчиман:

Книга на Узбекском языке: - Сила молящегося подростка (Сторми Омартиан)

Познай силу молитвы. Измени свою жизнь. Изменяй мир.
Ты сомневаюсь в том, что Бог слышит твои молитвы? Тебе кажется, что они растворяются в воздухе, не достигая небес? Ты думаешь, что твои молитвы вряд ли способны что-то изменить?
Автор этой книги убеждает в том, что молитва способна изменить не только обстоятельства, но и жизнь в целом. В двадцати главах книги рассказывается о том, как...
- научиться ходить Божьими путями;
- избавиться от негативных эмоций;
- строить добрые отношения с людьми;
- освободиться от давления сверстников;
- стать светом для окружающих.