Сторми Омартиан. Ўсмир ибодатининг кучи - (12-боб) Китоб Ўзбек тилида
O‘smir ibodatining kuchi (Stormi Omartian) O‘zbek tilida Audiokitob
МУНДАРИЖА
Ибодатнинг кучи нимада? Нима учун мен ибодатга муҳтожман?
1-боб. Эй Худойим, Сени билишим учун менга ёрдам бер
2-боб. Эй Худойим, олдинги хатоларимдан халос бўлишимга ёрдам бер
3-боб. Эй Худойим, бошқаларни кечиришни менга ўргат
4-боб. Эй Худойим, солиҳларча иш тутишга мени ўргат
5-боб. Эй Худойим, аҳмоқона таъсирларга қарши туришим учун менга ёрдам бер.
6-боб. Эй Худойим, ўз фикрларимни бошқаришга мени ўргат
7-боб. Худойим, Сенинг Каломингни тушунишга мени ўргат
8-боб. Эй Худойим, тенгдошларим таъсиридан халос бўлишимга ёрдам бер
9-боб. Эй Худойим, одамлар билан яхши муносабатлар ўрнатишни менга ўргат
10-боб. Эй Худойим, ҳаётим давомида Сенга ҳамду сано айтишга мени ўргат
11-боб. Эй Худойим, ҳаётимда Сенинг мақсадингни тушунишимга ёрдам бер
12-боб. Эй Худойим, тўғри танлов қилишим учун мени доноликка ўргат
13-боб. Эй Худойим, салбий эмоциялардан қутулишимга ёрдам бер
14-боб. Эй Худойим, ҳаётимда васвасалар билан курашувимга ёрдам бер
15-боб. Эй Худойим, ҳаётимнинг қийин лаҳзаларида кучли бўлишимга ёрдам бер.
16-боб. Эй Худойим, ўзимни бехатар ҳис қилишим учун ёрдам бер
17-боб. Эй Худойим, ҳаётбахш сўзларни гапиришга мени ўргат
18-боб. Эй Худойим, имконсиз нарсага ишонишни менга ўргат
19-боб. Эй Худойим, ҳаётим учун Сенинг хоҳиш-иродангни билишимга ёрдам бер
20-боб. Эй Худойим, Сен мен учун тайёрлаган меросни қўлга киритишимга ёрдам бер
12-боб. Эй Худойим, тўғри танлов қилишим учун мени доноликка ўргат
Бир куни Флоридага океан бўйидаги катта хусусий пансионатда бир ҳафта дам олишга борган эдим. Океанга қараб турадиган еттинчи қават балконида туриб, пастдаги манзарани қизиқиш билан томоша қилдим. Мен турган баландликдан саёз жойлар ва океанга қуйиладиган жойлар кўриниб турарди. Одамлар сувга шўнғиб, кутилмаганда саёз жойда оёқларида туриб қолардилар, сув тиззадан келарди. Буларни кузатиш жуда завқли эди. Яна саёз жойда сайр қилиб юриб бориб, чуқур сувга тушиб кетаётган одамларни кузатиш ҳам мароқли эди.
Шунда мен ўйладим: агар мен чўмилаётганларнинг ҳар бири билан сув остидан алоқа ўрнатганимда эди, мен уларни, эҳтиёт бўлинглар, сув ўпирган жойнинг четига келиб қолдингизлар, деб огоҳлантириб, уларни йиқилиб кетишлари олдини олган бўлардим. Аммо бизнинг орамизда бундай алоқа бўлмагани учун, мен уларга юқоридан кўриб турганларим ҳақида хабар бера олмадим.
Худо билан алоқаларимиз ҳам шунга ўхшаб кетади. Худо Ўз тепалигидан биз билан нима юз бераётганини кўриб туради. У ҳаммамиздан ва муаммоларимиздан юқори туради. Агар Худо билан доимий алоқамиз бўлганда эди, биз Унга шундай деб айтган бўлардик: «Худойим, мени етаклаб юр, токи йиқилиб тушмайин». Худо бизни жарлик четидан олиб кетган бўларди. Аммо, одатдагидай, биз Унга бундай илтимос билан мурожаат қилмаймиз, Унинг раҳнамолигини изламаймиз. Оқибатда бошимиз билан чуқурликка шўнғиб кетамиз.
Муқаддас Китоб Лут деган одам ҳақида ҳикоя қилади. У Иброҳимнинг жияни бўлган. Лут яшаш жойини ўзи танлагани учун асирга тушиб қолди (Ибт.13:10-11). У ахлоқсиз одамлар билан мулоқот қиладиган бўлди, ўша одамлар Лутни тубанликка олиб бордилар (Ибт. 13:13). Лут бу масалада Худонинг фикрини билиш ўрнига, ўзи яхши деб ҳисоблаган нарсаларни танлади. Қанчалар кўп одамлар илоҳий ҳимоя масканини тарк этиб, ўз идроки бўйича ҳаётларини қуриш учун Худонинг марҳаматидан воз кечиб кетадилар. Улар Худодан донолик ва раҳнамолик сўрамайдилар. Ҳаммамиз ҳам вақти-вақти билан шундай қиламиз, афсуски, бу оғир оқибатларга олиб келади.
Сиз нодон одамни ҳеч кўрганмисиз? Бундай одам очиқ–ойдин кўринган хатога йўл қўяди ва нотўғри қарорларни қабул қилади. Аслида, ўзингизнинг ҳаётингиздагидан кўра, бошқа бировнинг ҳаётида шунга ўхшаш вазиятни пайқаш осон. Шунинг учун ҳам Худодан тез-тез донолик сўраб туришимиз керак.
Доно бўлиш – ҳар қандай вазиятни тўғри тушуниш, уни ичидан кўра олиш ва унга ҳақиқатни татбиқ қила олиш демакдир; доно бўлиш – яхшиликни ва ёмонликни фарқлай олиш ва тўғри муҳокама қилиш демакдир. Донолик олдингиздаги жарликнинг четини кўра олиш, тўғри қарор қабул қилиш демакдир. Аммо ҳақиқат шундаки, бу сифатларнинг ҳаммаси Худода бор, фақат У қандай тўғри иш қилиш кераклигини билади. «Ҳақиқат Руҳи келиб, сизларни тўлиқ ҳақиқат сари бошлайди. У Ўзича гапирмайди, неки эшитса, ўшани сўзлаб беради, У юз берадиган воқеалар ҳақида сизларга хабар қилади» (Юҳ. 16:23).
Донолик ҳаётимизни неча марта қутқариб қолганини ва бизни кулфатдан сақлаганини, келажакда яна неча марта шундай қилишини биз тасаввур қила олмаймиз. Шунинг учун биз ҳар куни Худога, менга донолик бер, деб сўрашимиз керак.
МЕН КЎПРОҚ ИБОДАТ ҚИЛИШНИ ИСТАЙМАН:
- Вақтим бўлганда;
- Худо ҳақида ўйлаганимда;
- Қийин аҳволга тушиб қолганимда;
- Ғазабланганимда;
- Маъюс бўлиб қолганимда (13 – 15 ёш).
МЕН ХУДОНИ ҚАНДАЙ ТАСАВВУР ҚИЛАМАН:
- олижаноб;
- муқаддас;
- раҳмдил;
- комил;
- ишончли (16 – 19 ёш).
Доноликка ўнта йўл
1. Муқаддас Китобни ўқиш. «Ўғлим, насиҳатларимни қабул қилиб, амрларимни юрагингда сақласанг, Доноликка қулоқ солиб, қалбингни фаҳм–идрокка очсанг…, Эгамиздан қўрқиш нималигини тушунасан, Худо кимлигини биласан» (Ҳикмат. 2:1 – 2:5).
2. Сизга донолик ато қилиши учун Худога ибодат қилинг. «Агар бирортангизга донолик етишмаса, Худодан сўранг, У беради. Чунки сўраганларнинг ҳаммасига Худо саховат билан, беминнат беради» (Ёқуб 1:5)
3. Ҳамма ишни Худо билан бирга амалга оширинг. «Ҳар ишингда Эгамизни эътироф эт, шунда У йўлларингни тўғрилайди» (Ҳикмат. 3:6).
4. Юрагингизда Худони иззатланг. «Доноликнинг боши — Эгамиздан қўрқишдир». (Ҳикмат. 9:10).
5. Доно одамларнинг сўзларини тингланг ва уларнинг хатти-ҳаракатларини кузатинг. «Доноларнинг сўзларига қулоқ тут, қалбингни билимимга оч». (Ҳикмат. 22:17).
6. Доноликни ҳамма нарсадан юқори қадрланг. «Доно бўл, идрокли бўл, уларни унутма, сўзларимдан чиқма. Доноликдан юз ўгирма, сени ҳимоя қилади, уни севгин, сени асрайди» (Ҳикмат. 4:5–6).
7. Ҳаётда Худонинг йўлидан юринг. «У тўғри одам учун нажот сақлайди,
тўғри юрадиганга Ўзи қалқон бўлади» (Ҳикмат. 2:7).
8. Итоаткор бўлинг. «Мағрурлик билан шармандалик келади,
донолик эса камтарлар биландир» (Ҳикмат. 11:2).
9. Бошқаларни яхши кўринг ва улар учун яхши ишлар қилинг. «Қўшнисини камситган ақлсиздир, идрокли сукут сақлайди» (Ҳикмат. 11:12)
10. Дунёдан эмас, Худодан донолик изланг. “Исо Масиҳ орқали Худо бизга янги ҳаёт ато этиб, У орқали доноликка эга бўлганимизни намоён қилди. Биз Масиҳнинг шарофати билан оқланиб, гуноҳдан халос бўлдик, Худонинг азиз халқи бўлдик” 1:3); «Худо бу дунёнинг ҳикматини ақлсизликка айлантирди–ку, ахир!» (1 Кор. 1:20).
- Худодан донолик сўрашнинг ўнта сабаби
1. Узоқ умр кўришдан лаззатланиш учун. «Доноликнинг ўнг қўлида узоқ умр, чап қўлида эса бойлик ва шон–шуҳрат бор» (Ҳикмат. 3:16).
2. Ҳаёт сизга ёқимли бўлиши учун. «Йўли — шодлик йўли,
барча сўқмоқлари тинчдир» (Ҳикмат. 3:17).
3. Ҳаётингиз бахтли бўлиши учун. «Донолик уни ушлаб турганлар учун ҳаёт дарахти кабидир, Уни асраганлар эса бахтлидир» (Ҳикмат. 3:18).
4. Хавф-хатардан ҳимоя қилинишингиз учун. «Йўлингда эсон–омон юрасан,
оёғинг эса қоқилмайди» (Ҳикмат. 3:23).
5. Тунгу уйқунгиз қўрқувдан бузилмаслиги учун. «Бехавотир ётасан,
уйқунг ширин бўлади» (Ҳикмат. 3:24).
6. Ўзингизда ишонч ҳосил қилиш учун. «Чунки Эгамиз ёнингда бўлади, сени қоқилишдан асрайди» (Ҳикмат. 3:26).
7. Хотиржам яшашингиз учун. «Доноликдан юз ўгирма, сени ҳимоя қилади...Юрганингда тўсиққа учрамайсан, югурганингда қоқилмайсан» (Ҳикмат. 4:6, 12).
8. Ҳаётда муваффақиятга эришувингиз учун. «Уни ҳурмат қил, сени кўкка кўтаради. Уни қучгин, сени шон–шуҳратга эриштиради» (Ҳикмат. 4:8).
9. Ёвузликдан ҳимоя қилинишингиз учун. «Чунки юрагингга донолик киради, руҳинг эса билимдан завқланади. Фаҳм–фаросат сени ҳимоя қилади, ақл–идрок эса қўриқлайди. Ёмон йўлдан, ёвуз гапирадиганлардан асрайди» (Ҳикмат. 2:10–12).
10. Тўғри тушунча ва билим олишингиз учун. «Донолар тинглаб билимини кўпайтирсин, идрокли эса йўл–йўриқ олсин» (Ҳикмат. 1:5).
- Худога ҳар доим маслаҳат сўраб мурожаат қилинг
Бирон одамга маслаҳатга боришдан олдин, Худога мурожаат қилинг. Мен, ишончли одамларга маслаҳат учун мурожаат қилманг, демоқчи эмасман, балки айтмоқчиманки, ўша одамларга боришдан олдин, Худодан, нима қилай, деб сўранг. Сўнгра ўша одам учун ибодат қилинг, унга Худодан донолик ва билим сўранг, у сизга тўғри маслаҳат бера оладиган бўлсин. Худодан: “Мен маслаҳатлашмоқчи бўлган бу одамда донолик борми?” деб сўранг. Худодан яна: “Мени нодон одамлардан Ўзинг асра, мени илоҳий донолиги бор одамларга ҳамроҳ қилгин”, деб сўранг. Биронта одам билан бирон жойга бораётганингизда, Худодан, тўғри қарор қабул қилишим учун донолик бер, деб сўранг.
Агар сиз Худодан доимо донолик сўрашга одатланган бўлсангиз, зарур бўлганда зудлик билан тўғри қарор қабул қилишга ва Худога мурожаат этишга вақтингиз қолмаганда, фақат Худо сизга берган донолик сабаблигина тўғри танлов қила оласиз.
Ўшанда шунчаки қизиқиш туфайли мен пляжга тушдим ва майда майдончалар томон сув остида сузиб кетдим. Бу майдончаларни балконимдан туриб, яхши фарқлаб олган эдим. Бир саёз майдончага етиб бориб, чуқурчаларни кўриш учун атрофга алангладим. Чуқурчалар мен турган саёз жойга туташган эди. Саёз жойнинг бир томонида жойлашган тик ўпирилиш жойини мен эслаб қолганим учун ишонч билан ўша жой четига қадам ташладим. Аммо кутилмаганда қум ўпирилиб тушди, менгача бошқалар қандай чуқурликка тушиб кетган бўлсалар, мен ҳам йиқилдим. Мен шуни тушундимки, агар сиз ниманидир билсангиз ҳам, ўзингизга ҳаддан ташқари ишониб юборманг. Доим Худодан донолик сўранг, Унинг маслаҳатини қидиринг, агар фақат ўз имконият ва қобилиятларингизга суяниб қолсангиз васвасага тушиб қолишингиз мумкин. Зотан, фақат Худо ҳақиқатни билади.
МЕНИНГ ХУДОГА ИБОДАТИМ: Эй Худойим, синовлар даврида менга тасалли беришингни Сендан сўрайман. Сен ҳамма нарсани тўғрилай олишингни биламан, аммо баъзан бунга ишониш қийин. Мен Сендан васвасаларга қарши курашиш учун ҳам куч ато этишингни сўрайман. Гарчи бу менда унчалик яхши амалга ошмаса ҳам, менинг ҳаётимдаги бу муаммо устида Сен ишлаётганингни биламан (15 ёш).
Ибодатнинг кучи
Худойим, Сендан сўрайман: ҳамма ишларимда менга донолик бер. Донолик олтиндан ҳам қиммат, кумушдан яхши эканини биламан (Ҳикмат. 16:16). Шунинг учун мени донолигинг ва идрокинг билан бойитишингни Сендан сўрайман. Ҳар бир вазиятда Сенинг ҳақиқатингни кўра олишим учун мени донолик ва билим билан тўлдир. Ҳар бир ҳаётий вазиятда менга тўғри тушунча ато қилгин.
Худойим, Сенга маъқул бўлган одамлардан маслаҳат сўрашга ҳар доим ёрдам бер, бу дунёга оид одамлар билан ҳамтовоқ бўлмайин. Худойим, Сен менга “ҳаёт йўлини кўрсатган”инг (Забур 15:11) учун шукр айтаман.
Сенинг Каломингни чуқур тушунишимга ва билишимга ўргатгин, токи Каломинг руҳимга ва қалбимга кирсин. Худойим, Сен айтган эдинг: «Фосиқлар мартабага эришса одамлар яширинади, ҳалокатга йўлиққанда эса солиҳлар кўпаяди» (Ҳикмат. 28:28). Мен ўзимни фикрларимга эмас, балки Сенинг Каломингга ва амрларингга ишонишни истайман, токи мен доим донолик билан иш кўрайин, ҳеч қачон хато қадамлар ташламайин. Мени доно инсон қилгин.
Мен ёвузлик йўлидан узоқ юришим ва бехатар йўллардан одим ташлашим учун, менга зарур бўлган донолик, билим, онг, йўналиш ва идрок инъом қилгин (Ҳикмат. 2:10–13). Худойим, биламан, Сенда «донолик ва илму маърифатнинг ҳамма хазиналари пинҳондир» (Кол 2:3). Бу хазинани топиш учун менга ёрдам бер. Исо номи билан ибодат қиламан.
- Куч-қудрат сўзи
«Эгамиздан қўрқиш* доноликнинг бошидир*,
Муқаддас Худони билиш идрокдир. Чунки Мен туфайли умрингга умр қўшилади» (Ҳикмат. 9:10–11).
«Солиҳнинг оғзи доноликдан сўзлайди,
Унинг тили адолатни сўйлайди.
Юрагида Худосининг қонуни жой олган,
Шунинг учун қадамида адашмайди» (Забур 36:30–31).
«Фаросатга ташна, идрокка чанқоқ бўлсанг, Уни кумуш излагандай изласанг, яширин хазина қидиргандай қидирсанг, Эгамиздан қўрқиш нималигини тушунасан,
Худо кимлигини биласан. Чунки доноликни Эгамиз беради, билим ва идрок Унинг оғзидан чиқади» (Ҳикмат. 2:3–6).
Ибодат мавзусида кейинги ўйлар
- Бу дунёнинг донолигини излашдан кўра, Худонинг донолигини излаш муҳим деб ҳисоблайман, чунки:
2. Қайси муаммоларни сиз донолик билан ҳал қилишингиз керак? (Худога ибодат кўринишида ўз эҳтиёжларингизни ёзинг ва бунда Худодан ўзингиз учун донолик сўранг).
3. Шуни ёдда тутингки, донолик Худо олдидаги қўрқувдан бошланади. Ибодат матнида Худони қанчалар кучли севишингизни ва иззатлашингизни ёзинг. Ундан, мени ҳар доим доно қарор қабул қиладиган доно одамга айлантир, деб сўранг.
Книга на Узбекском языке: - Сила молящегося подростка (Сторми Омартиан)
Познай силу молитвы. Измени свою жизнь. Изменяй мир.
Ты сомневаюсь в том, что Бог слышит твои молитвы? Тебе кажется, что они растворяются в воздухе, не достигая небес? Ты думаешь, что твои молитвы вряд ли способны что-то изменить?
Автор этой книги убеждает в том, что молитва способна изменить не только обстоятельства, но и жизнь в целом. В двадцати главах книги рассказывается о том, как...
- научиться ходить Божьими путями;
- избавиться от негативных эмоций;
- строить добрые отношения с людьми;
- освободиться от давления сверстников;
- стать светом для окружающих.
