Ўсмир ибодатининг кучи (Сторми Омартиан) 15 bob

Сторми Омартиан. Ўсмир ибодатининг кучи - (15-боб) Китоб Ўзбек тилида

O‘smir ibodatining kuchi (Stormi Omartian) O‘zbek tilida Audiokitob

МУНДАРИЖА

Ибодатнинг кучи нимада? Нима учун мен ибодатга муҳтожман?

1-боб. Эй Худойим, Сени билишим учун менга ёрдам бер

2-боб. Эй Худойим, олдинги хатоларимдан халос бўлишимга ёрдам бер

3-боб. Эй Худойим, бошқаларни кечиришни менга ўргат

4-боб. Эй Худойим, солиҳларча иш тутишга мени ўргат

5-боб. Эй Худойим, аҳмоқона таъсирларга қарши туришим учун менга ёрдам бер.

6-боб. Эй Худойим, ўз фикрларимни бошқаришга мени ўргат

7-боб. Худойим, Сенинг Каломингни тушунишга мени ўргат

8-боб. Эй Худойим, тенгдошларим таъсиридан халос бўлишимга ёрдам бер

9-боб. Эй Худойим, одамлар билан яхши муносабатлар ўрнатишни менга ўргат

10-боб. Эй Худойим, ҳаётим давомида Сенга ҳамду сано айтишга мени ўргат

11-боб. Эй Худойим, ҳаётимда Сенинг мақсадингни тушунишимга ёрдам бер

12-боб. Эй Худойим, тўғри танлов қилишим учун мени доноликка ўргат

13-боб. Эй Худойим, салбий эмоциялардан қутулишимга ёрдам бер

14-боб. Эй Худойим, ҳаётимда васвасалар билан курашувимга ёрдам бер

15-боб. Эй Худойим, ҳаётимнинг қийин лаҳзаларида кучли бўлишимга ёрдам бер.

16-боб. Эй Худойим, ўзимни бехатар ҳис қилишим учун ёрдам бер

17-боб. Эй Худойим, ҳаётбахш сўзларни гапиришга мени ўргат

18-боб. Эй Худойим, имконсиз нарсага ишонишни менга ўргат

19-боб. Эй Худойим, ҳаётим учун Сенинг хоҳиш-иродангни билишимга ёрдам бер

20-боб. Эй Худойим, Сен мен учун тайёрлаган меросни қўлга киритишимга ёрдам бер

15-боб. Эй Худойим, ҳаётимнинг қийин лаҳзаларида кучли бўлишимга ёрдам бер.

Cиз булутли, тунд, ёмғирли кунда самолётда учишингизга тўғри келганми? Мен ҳар сафар ана шундай ҳавода самолётда учганимда қора, қалин булутларни самолёт ёриб ўтгандан кейин, биз мусаффо, кўм-кўк, қуёш нурлари чарақлаб турган осмонда пайдо бўлиб қолардик ва бу манзарадан мен ҳайратга тушардим, атрофимиздаги бир неча мил масофада ҳамма нарса кўриниб турарди. Пастда атмосфера қанчалик булутли бўлмасин, ёғингарчилик устидан ҳар доим кўтарилиш мумкинлигини ва гўзаллик, хотиржамлик ҳукмрон бўлган жойга кўтарилиш мумкинлигини мен унутиб қўярдим.

Бизнинг руҳий ҳаётимиз шу манзарани жуда ҳам эслатади. Сизни қийинчиликлар, муаммолар, синовлар, курашлар, ғам ва азоб-уқубатлар қора булут каби зич ўраб олганда, бу зулмат чегарасидан ташқарида нурга, осойишталикка ва тинчликка тўла кенгликлар ҳам мавжудлигини, сиз у ёққа кўтарила олишингиз мумкинлигини биласизми? Оғир синовлар даврида ибодат орқали Худонинг қўлидан тутганимизда, У бизни қийин ҳолатимиздан юқори кўтаради ва Ўзи биз учун тайёрлаган хотиржамлик масканига олиб киради.

«Тасалли берувчи» бу — Муқаддас Руҳнинг мен яхши кўрадиган исмларидан бири (Юҳ. 14:26). Қуёш нур сочиб тургани тўғрисида савол бериш зарурати бўлмагани сингари, Муқаддас Руҳ бизга тасалли юборишини сўрашимизга ҳожат йўқ. Унинг Ўзи тасаллидир. Қийин синовлар йўлини босиб ўтар экансиз, Муқаддас Руҳ менинг тасаллим бўлсин, деб ибодат қилинг. У бажонидил буни бажаради. Исо айтган эди: «Йиғлаётганлар бахтлидир, чунки улар тасалли топурлар» (Матто 5:4). Муқаддас Руҳ ҳозирданоқ сизга тасалли бермоқда.

Қийин даврлар ҳар биримизнинг ҳаётимизда юз беради. Дардлар ва йўқотишлар ҳаётимизнинг ажралмас қисмидир. Биз учун қимматли ва яқин бўлган одамлар вафот этадилар, кимдандир айрилишга тўғри келади, ажралишлар юз беради. Кимдир ниманидир ёки кимнидир йўқотишига, бирон бахтсизлик оқибатида ғамгинлик ва умидсизликни бошдан кечиришимизга тўғри келади. Бунинг сабаблари кўп, аммо нима юз бермасин, биз ибодатда Худога суянганимизда У ҳаётимиздаги ёмонликни яхшиликка айлантиради. Агар сиз инсон азоб-уқубатларининг сабабларини тушуна олсангиз, ўз дардларингизни бартараф қила оласиз, ҳаётингизнинг ёқимсиз ҳолатлари орасида ишончингиз ўсиб бораётганини кўрасиз.

ИБОДАТДА МЕН УЧУН ЭНГ ҚИЙИНИ:

Ўз ҳиссиётларимни ифодалаш;
Нима ҳақда гапириш кераклигини билиш;
Худонинг иштирокини ҳис қилиш;
Ибодат қилиш учун зарур бўлган кўп муаммолар борлигини ёдда тутиш;
Худо менинг ибодатларимни ҳақиқатан эшитади, деб ишонч ҳосил қилиш (16 –19 ёш).

Азоб-уқубатларни итоаткорлик билан қабул қилишнинг тўртта жиддий сабаби

1. Баъзан синовлар орқали Худонинг қудрати ва шуҳрати зоҳир бўлади. Исо туғма кўзи ожиз одамнинг ёнига келганда, шогирдлар Ундан, у ўзининг гуноҳи оқибатидан кўзи ожиз бўлганми ёки ота-онасининг гуноҳи оқибатиданми, деб сўрадилар. Исо уларга шундай жавоб берди: «Бу одамнинг гуноҳи ҳам, ота–онасининг гуноҳи ҳам бунга сабаб бўлмаган. Худонинг ишлари унда намоён бўлиши учун у кўр туғилган» (Юҳ. 9:3). Эҳтимол, сиз бу лаҳзада ўзингизнинг азоб-уқубатларингизнинг сабабларини – нима учун буларни бошдан кечиришингиз кераклигини тушунмассиз. Аммо кулфатларингиз орасида Худога мурожаат этсангиз, У салбий вазиятингизни яхшиликка айлантиради. Атрофингиздаги одамлар буни кўрганларида уларда ҳам умид уйғонади, натижада улар ҳам Худога умид боғлайдилар. Азоб-уқубат пайтидаги бардошингизни кўриб, улар ҳам ўз қийинчиликлари билан курашиш учун дадил бўладилар.

2. Баъзан Худо бизни комил қилиш ва бизни яхши қилиш мақсадида синовларга йўл қўйиб беради. Муқаддас Китобда шундай дейилади: «Масиҳ бу дунёда азоб чеккани каби, сизлар ҳам азоб чекишга тайёр туринглар. Зотан, азоб чекишга рози бўлган киши гуноҳдан юз ўгирган бўлади» (1 Бут. 4:1). Бу дегани – ҳаётимиздаги азоб-уқубатлар қалбимиздаги худбинлик ва гуноҳни куйдиради. Худо бизни ўзимиз учун эмас, балки У учун яшашга ўргатиш учун, ўзимизнинг эмас, балки Унинг хоҳиш-иродасини бажаришга интилишимиз учун азоб-уқубатларга йўл қўйиб беради. Гарчи бунда бизга ёқадиган нарса бўлмаса-да, биз ўзлигимиздан кечиб, ҳаётимиздаги энг муҳимига – Унга бирикишимизни истайди. Агар сиз Худога боғлансангиз, азоб-уқубатларни бошдан кечиришингиз учун У сизга куч ато қилади.

3. Баъзан Худо бизни интизомга ўргатиш учун ҳаётимизда синовларга йўл қўйиб беради. Интизом сабоқлари ҳаммага ҳам ёқавермайди, аммо бу сабоқлар ҳар доим бирон муҳим нарсага ўргатади. Бу муҳим нарсалар бизнинг ҳаётимизни қутқаради: «Одам тарбия олаётганда хурсанд бўлмайди, аксинча, қайғуради. Аммо бундай тарбияни олган одам кейинчалик тинч–тотув ва солиҳ ҳаёт кечиради» (Ибр. 12:11). Худо ҳар доим бизни бирон фойдали нарсага ўргатади. «Худонинг сизларга Ўз фарзандлари сифатида айтган бу далда сўзларини унутибсизлар:

“Ўғлим, Эгамизнинг тарбиясига эътиборсиз бўлмагин,

Ундан танбеҳ олганингда кўнглинг чўкмасин.

Зеро, Эгамиз яхши кўрган бандасини тарбиялайди,

Фарзанд қилиб олган ҳар бир одамни жазолайди» (Ибр.12:5–6).

Агар сиз оғир аҳволда бўлсангиз, Худодан, бу вазиятда менга нимани ўргатмоқчи эканингни намоён қил, деб сўранг. У сизга нимани ўргатмасин, бу албатта кучингизга куч қўшади.

4. Баъзан азоб-уқубатларимизнинг сабабчиси душманимиз бўлади. Бунда сизнинг ҳам, бошқа бировнинг ҳам айби йўқ. Душман ҳар доим сизни ерга уришга ва ҳаётингизни вайрон қилишга ҳаракат қилади. Аммо Худо сиз Унга ишонишингизни кутади. Шунда У сизни душманингиздан қутқаради, ҳамма синовлардан ўтказади. Ҳар қандай қийинчиликда ҳам, сиз Худога таянишингиз керак. Азоб-уқубатлар ва дардлар бизга кераклигига ва фойдали эканига ҳеч ким ишонмайди. Азоб-уқубатлар ва дардлар, умидсизлик ва қайғу-ғам гирдобида бўлиб, ўзингизнинг азоб-уқубатларингиздан бошқа нарсани ўйламайсиз, фақат битта нарсани – тезроқ булардан қутулишни ўйлайсиз, холос. Аммо бу ўринда бир нарсани ёдда тутишимиз муҳим: агар биз азоб-уқубатларимизга қарамай, Худога ибодат қилиб, Уни олқишласак, У душманни ер билан яксон қилади ва ғаройиб тарзда ҳамда ақл бовар қилмас даражада вазиятимизни ўзгартиради.

МЕН ҚУЙИДАГИ ҲОЛАТЛАРДА БОШҚАЛАР УЧУН ИБОДАТ ҚИЛАМАН:

Улар хаста ётганларида ёки шикастланганларида;
Солиҳ ҳаёт кечирмаганларида;
Улар ҳақидаги фикрлар мени тарк этмаганда;
Улар худони билмаганларида;
Улар бирон нарсага муҳтож бўлганларида (16 – 19 ёш).

МЕН ИБОДАТ ҚИЛДИМ, ХУДО ЖАВОБ БЕРДИ: бувимнинг боши оғримасин, деб бобом билан мен ибодат қилган эдик, бувимнинг бош оғриғи тўхтади (16 ёш).

Бошқалар учун тасалли берувчи бўлиш

Муқаддас Китобнинг айрим таржималарида Муқаддас Руҳ Ҳомий деб номланади. «Мен Отага мурожаат қиламан ва У сизлар билан то абад қоладиган бошқа Ҳомийни юборади» (Юҳ. 14:16). Муқаддас Руҳга биз доимий тасалли берувчи деб мурожаат этганимизда, У нафақат бизга ёрдам беради, балки илгари ҳеч қачон бўлмаганидай, Ўз иштироки орқали ниҳоятда сахийлик билан бизга тасалли беради (Матто 5:4).

Менинг энг яқин дугонам вафот этганда, мен бу кулфатдан жуда эзилиб кетдим. Биз узоқ йиллар жуда қалин дугона бўлган эдик, мен усиз яшашимни тасаввур ҳам қила олмас эдим. Дафн куни мен учун ҳақиқий азоб бўлган эди, чунки мен дугонамни бошқа ҳеч қачон кўрмаслигимни англаганимда, ўша кун бутун даҳшат ичида аччиқ ҳақиқати билан менга намоён бўлган эди. Ўша куни мен Худога, менга тасалли бергин, деб мурожаат этдим ва Ундан, қайғуларимни енгиллаштиргин, деб сўрадим, ўша кунларни бошдан кечириб ўтказишимга ёрдам сўрадим. Худо менга жавоб берганини ҳис қилдим.

Ўша пайтларда мен ҳаётимда муҳим бир нарсани қилишни ўргандим – яқинларини йўқотиб қайғуга ботган одамларга тасалли беришни ўргандим. Азадор одам билан ёнма-ён бўлиш ва уни эшитиш муҳимлигини тушундим. Мен уларга Худо берадиган тасалли ҳақида айтиб беришни ўргандим. Агарда ўзим бу азоб-уқубатларни бошимдан ўтказмаганимда эди, буни ҳеч қачон қила олмаган бўлардим. Худо нафақат бизга тасалли беради, балки оғир вақтларни бошидан ўтказаётган бошқа одамларга тасалли беришга бизни ўргатди. Азоб-уқубатни бошидан кечирган одам бошқаларнинг кулфатларига раҳмдил бўлишни ўрганади.

Мен яна шуни ўргандимки, оғир вазиятларда қалбда Худонинг тинчлигига ва шодлигига эга бўлиш мумкин экан. Бу дегани – биз реал қийнчиликларни кўрмай, бахтсизлигимизни сева бошлаймиз дегани эмас. Шунчаки сиз, Худо ҳаётингизни бошқараётганини, У сизга мадад бераётгани биласиз ва ҳаётингиздаги ёмонликни У яхшиликка айлантиришига самимий ишонганингиз учун ҳотиржам бўласиз.

Ҳаётингизга азоб-уқубат келганда, Худога ибодат орқали мурожаат қилинг, У нимадир қилади: ё дардларингизга барҳам беради ёки вазиятни ўзгартиради ё бўлмаса сиз улардан устун келишингизга ёрдам беради. Агар сиз доимо Худо билан мулоқотда бўлсангиз, Унинг шуҳрати сиз орқали намоён бўлади.

МЕНИНГ ХУДОГА ИБОДАТИМ: Худойим, менинг муаммоларимни фақат Сен ҳал қила олишингни билиб, мен Сенга келаман. Сендан илтимос қиламан: менинг келажагимни марҳаматлагин. Менинг ҳамма ишларим Сенга маъқул бўлсин. Келгусидаги ҳаётимда тақдир мени қаерга бошламасин, мен доимо Сеники бўлиб қолишим учун юрагимни назорат қилишимга менга ёрдам бер (15 ёш).

Ибодатнинг кучи

Худойим, ёрдам бер шуларни доимо ёдимда тутайин: мен билан нима юз бермасин, ҳаётимни қора булутлар қанчалик босиб келмасин, Сен доимо менинг Юпатувчим бўлиб қоласан. Фақат Сен мени ҳаётимдаги бўрондан юқори олиб чиқа оласан ва Ўз ҳузурингга олиб кира оласан. Фақат Сен йўқотишларимнинг ўрнини қоплай оласан, Ўз марҳаматинг билан руҳимдаги бўшлиқни тўлдира оласан. Фақат Сен қайғуларимни, дардларимни енгиллаштира оласан, азоб-уқубатларимдан қандайдир яхшиликларни чиқаришга ёрдам берасан. «Эй менинг одил Худойим!

Илтижо қилганимда жавоб бер!

Кулфатда қолганимда мени озод қилдинг.

Менга шафқат қилиб, ибодатимни эшит» (Забур 4:2).

Сендан илтимос қиламан: оғир дамлар бошимга келганда, Сенинг ҳузурингни ҳар доим ҳис қилай. Ҳаётимнинг бундай лаҳзаларида заифлашишни истамайман, балки кучлироқ бўлишни, имонда мустаҳкам бўлишни, шубҳаларга берилмасликни истайман. Бундай пайтларда умидга эга бўлишни, Сенинг ҳақиқатингда мустаҳкам туришни, эмоцияларга берилмасликни истайман.

Мен ўз ҳолатимга қарамай, Сенга ҳар доим шукрона айтишимга ёрдам бер, чунки Сен барча муаммолардан устунсан. Кулфат гирдобидан қачон ўтишимни Сен биласан, Сен мен билан бирга бўласан, ҳеч қандай дарё мени кўмолмайди, олов мени куйдиролмайди (Ишаё 43:1–2). Сен — олижаноб Худосан, Муқаддас Руҳинг менинг Тасалли берувчим ва Ёрдамчим бўлиши учун Уни юбординг. «Муқаддас Руҳнинг кучи ила умидга бой бўл»ишим учун (Рим. 15:13) мени ва менга ўхшаганларни шодликка ва тинчликка тўлдираётганинг учун Сенга шукр айтаман. Исо номи билан ибодат қиламан.

Куч-қудрат сўзи

«Эй азизларим, худди ғайритабиий ҳодиса юз бергандай, бошингизга тушган оғир синовлардан ҳайрон бўлманглар. Аксинча, Масиҳнинг азобларига шерик бўлганингиздан хурсанд бўлинглар! Шундай қилсангиз, У охиратда улуғворликка бурканиб келганда, қалбингиз янада кўпроқ қувончга тўлади» (1 Бут. 4:12–13).

«Гарчи сизлар бу қисқа ҳаётда азоб чекиб яшасангизлар ҳам, Худонинг Ўзи сизларга мадад бериб, барчангизни баркамол, саботли, куч–қудратли ва мустаҳкам қилади. Ахир, иноятга бой Худо Исо Масиҳ орқали сизларни Ўзининг абадий улуғворлигига шерик қилиш учун даъват этган» (1 Бут. 5:10).

«Эй биродарларим, турли синовларга дучор бўлганингизда ўзингизни бахтли деб билинглар. Ахир, имонингиз синалганда сизлар сабр–тоқат қилишни ўрганасизлар. Бу ўзингизга ҳам аён. Ҳар қандай вазиятда сабр қилишни ўрганинглар, шунда етук, бекаму кўст, комил инсонлар бўласизлар» (Ёқуб 1:2–4).

Ибодат мавзусида бундан кейинги ўйлар

1. Охирги икки-уч йил давомида сиз бошдан кечиришингизга тўғри келган энг оғир синов қайси бўлган эди? Бу вақтда сиз Худодан келган тасаллини сездингизми? Сиз ибодат қилиб, Ундан ёрдам сўрадингизми? Бу пайтда сиз нимани ўргандингиз? Кейинги сафар сиз нима қилган бўлардингиз ва нимани ўзгаришсиз қолдирган бўлардингиз?

2. Ибодат матнини ёзиб, унда Худодан, ҳаётимнинг энг қийин лаҳзаларида ҳар доим мен билан бирга бўлгин, деб сўранг. Ундан, Сенга мурожаат қилганим зоҳоти ёрдам бер, муаммоларимни ўз кучим билан ҳал қилиш учун уринишларимга йўл қўйма, деб сўранг.

Ҳаётингиздаги синовлар сизни нимага ўргатди? Шундай вазиятларда бошқаларга ёрдам беришни яхшироқ ўргандингизми?

Книга на Узбекском языке: - Сила молящегося подростка (Сторми Омартиан)

Познай силу молитвы. Измени свою жизнь. Изменяй мир.
Ты сомневаюсь в том, что Бог слышит твои молитвы? Тебе кажется, что они растворяются в воздухе, не достигая небес? Ты думаешь, что твои молитвы вряд ли способны что-то изменить?
Автор этой книги убеждает в том, что молитва способна изменить не только обстоятельства, но и жизнь в целом. В двадцати главах книги рассказывается о том, как...
- научиться ходить Божьими путями;
- избавиться от негативных эмоций;
- строить добрые отношения с людьми;
- освободиться от давления сверстников;
- стать светом для окружающих.