---

Har bir qizning vasvasasi (kitobi SKACHAT LOTIN) .PDF

Ҳар бир қизнинг васвасаси (китоби SKACHAT) .PDF

- ayollar hayoti va ichki kurashi haqida kitob

---

Mundarija

Djosh Makdauelldan soʻzboshi
Bagʻishlovlar va minnatdorchiliklar
Ota-onalarga
Kirish soʻzi (Stiven Arterbern)

I-qism: Vasvasangizni tushunish
1. Oʻzimizga haqiqatni aytishga jazm etamiz
2. Boshida aytilgan rejaga qaytib
3. Iffatli va oriyatli hayot
4. Vasvasalarimizni kuchaytiruvchi afsonalar

II-qism: Oʻz-oʻzini halok qilishdan saqlanish
5. Jinsiy aloqaga nisbatan istagimizni kuchaytirganimizda
6. Koʻzgu doʻstimizga aylanganida
7. Haqiqatga taqqoslanib
8. Buzuq doirani uzish

III-qism: Boshqalarni vasvasaga tushirmaslik
9. Hukmronlik qilishga tashna boʻlganimizda
10. Taassurot uygʻotish uchun kiyinamizmi?
11. Noz-karashma qilish yoki qilmaslik?

IV-qism: Oʻz ongingizni himoya qilish
12. Ong jangida gʻolib chiqish
13. Davolovchi ochlik
14. OAV va u bilan qanday kurashish kerak

V-qism: Oʻz qalbingizni himoya qilish
15. His-tuygʻular bilan kurashda gʻolib chiqish
16. Ketish mumkin!
17. Ehtiyotkorlik bilan harakatlanish
18. Qayerda toʻxtashni bilish!

VI-qism: Oʻz tanangizni himoya qilish
19. Oʻz tanangiz ustidan gʻolib kelish
20. «Texnik» bokiralik
21. “Tormozsiz” jinsiy aloqa
22. «Axir bir-birimizni sevamiz!»

VII-qism: Muhabbatni kerakli joydan izlang
23. Sizga kerak boʻlgan Zot
24. Unga kerak boʻlgan qiz boʻlish
25. Isoga oshiq boʻlish 

Xotima 

---

III-QISM

BOShQALARNI VASVASAGA TUShIRMASLIK

9-BOB

Hukmronlik qilishga tashna boʻlganimizda

Rabbimiz Iso Masihning Xudosi,​ ulugʻ Otamiz,​ Oʻzini tanib–bilishingiz uchun​ Muqaddas Ruh orqali sizga donolik va aql–idrok ato qilsin. Xudo sizlarning qalbingizni nurga toʻldirsin,​ toki Xudo sizlarni davat qilib,​ sizlarga qanday umid berganligini,​ Xudoning xalqi U uchun naqadar boy mulk ekanligini tushunib olinglar. Xudoning biz — imonlilarga koʻrsatgan tengi yoʻq qudrati​ naqadar buyukligini ham bilib oling.​

Efesliklar 1:17-19

 

“Uni oyoqlaring ostiga emaklab kelishiga yurishga majbur qil”. “U sendan ajralganiga pushaymon esin”. “U sen nimani xohlasang, shuni qiladi”.

Bugungi kunda etiboringizni tortishga urinayotgan koʻplab jurnallarning muqovalari shunday sarlavhalar bilan toʻlib-toshgan.

Ommaviy axborot vositalari agar xohlasangiz, har qanday yigitni qoʻlga olishingiz mumkinligini miyangizga toʻxtovsiz singdirmoqda: buning uchun sizga tabiatan tegishli qobiliyat berilgan - shuning uchun undan foydalaning! "Qizlar hokimiyatining 30 kuni," yoki "Ikki kuragini yerga tekkizishning 428 usuli," yoki "Uni yondiradigan kiyimlar," yoki "Uni bugunoq qoʻngʻiroq qilishga majbur qil" kabi maqolalar beixtiyor shunday fikrga olib keladiki, agar siz bor kuchingiz bilan erkaklarning etiborini jalb qilishga urinmasangiz va shu orqali xudbinligingizni oziqlantirsangiz, demak, sizda nimadir notoʻgʻri.

Biz shunday zamonda yashayapmiz - koʻplab ayollar qarama-qarshi jinsga oʻz shuhratparastligini qondirish vositasi sifatida qaraydilar: bu yirtqichlar buzuq erkaklardan ham qoʻrqinchliroq boʻladi. Koʻpchilik oʻzining jozibadorligini tasdiqlash uchun jon-jahdi bilan harakat qiladi va bu yoʻlda koʻpincha boshqa odamlarni ezib qoʻyadi. Ayolning erkaklar istibdodi qurboni boʻlishni istamasligi mutlaqo tabiiy va sogʻlom, ammo ayol qarama-qarshi chegaraga - erkak ustidan toʻliq hukmronlik qilishga intilganda mutlaqo nomaqbuldir.

Bazi ayollar erkaklar ustidan hukmronlikni qoʻlga kiritishga urinayotgan ayyorona manipulyatsiyaga bir nechta misollar keltiramiz:

• Liza ertalab kiyinar ekan, albatta, bugun yigitlardan qaysi biri uni koʻrishini hisobga oladi va ularning etiborini tortish, ular bilan noz-karashma qilish umidida ataylab jozibali kiyimlarni tanlaydi. (Liza oʻz hokimiyatini suiistemol qilib, behayo kiyimlar yordamida oʻzining jinsiy jozibadorligini koʻrsatatmoqchi boʻladi. U erkaklarni oʻziga qiziqtirish orqali manipulyatsiya qiladi.

 

 

• Marissa yigit unga qiziqib, tez-tez koʻziga koʻrinib tursa, darhol unga nisbatan qiziqishini yoʻqotishini payqadi. Aksincha, yigitning unga befarqligini koʻrib, uni xayolidan chiqarib tashlay olmaydi va unga yoqish uchun bor kuchini sarflaydi. (Marissa ruhiy yaqinlikdan manfaatdor emas. U yigitlarni oʻziga oʻgirilib qarashga majbur qilish va ularni jozibadorligi bilan oʻziga jalb qilish orqali oʻz izzat-nafsini qondiradi.)
• Jeyson Ketini maqtovlarga koʻmib tashlashiga qaraganda uni sevishiga qaramasdan, u Jeysonni unchalik yoqtirmaydi Shunga qaramay, agar u restoranda birga ovqatlanishni taklif qilsa, u yoʻq demay keladi, bazida esa shunchaki u bilan odamlar oldida koʻrinish berish uchun boradi. (Keti uyalmasdan Jeysonning va uning hamyonidan foydalanadi, chunki unga javob qaytarishni xayoliga ham keltirmaydi.)

 

Koʻp qizlar (Muqaddas Kitob nuqtai nazari bilan) toʻgʻri boʻlgan emas, balki umumetirof etilgan narsalarga amal qilishadi. Ayolning erkakdan ustunligi gʻoyasi, afsuski, jamiyatimizda tobora koʻproq tarqalmoqda va ildiz otmoqda. Ehtimol, sizda bir necha bor: "Hamma shunday qilar ekan, demak, menga ham mumkin," degan fikr paydo boʻlgandir. Ammo keling, bolaligimizda onamiz har birimizga aytgan iborani eslaylik: "Agar hamma tomdan kalla tashlasa, sen ham sakraysanmi?" Ona haq. Hamma qilayotgan ishlar har doim ham toʻgʻri yoki oqilona boʻlavermaydi.

 

Yangi bebosh qabilami yoki katta xatomi?

"Nyu-York Taym" gazetasi uchun "Macho qizlar" sarlavhali maqolani tayyorlayotib, jurnalist turli odamlardan yoshlarni hech bir xijolatsiz taqib qiladigan va oʻzaro munosabatlarda etakchilik rolini oʻz zimmasiga oladigan jozibali va hukmron yosh ayollarning yangi qabilasi haqidagi fikrlarini soʻradi. Maqolada har oyda yigirma-oʻttiz nafar oʻsmirga maslahat beradigan psixolog Tebi Uptonning javobi keltirilgan: "Oʻsmir yigitlar koʻpincha qizlar ularni jinsiy aloqaga undashini va ulardan jinsiy zoʻravonlik kutishlarini aytishadi va kutmasdan, tashabbusni oʻz qoʻllariga olishadi. Gʻalati oʻzgarish yuz berdi, natijada qizlar oʻzlarini buzuq deb hisoblaydilar, shuning uchun ularning erkaklarga boʻlgan munosabatini "Men taklif qila oladigan narsa shu" iborasi bilan ifodalash mumkin edi.

Oʻn olti yoshli Liza Tsimmermanning fikricha, jinslar oʻrtasidagi munosabatlarda har doim tengsizlik boʻlgan, chunki erkaklar dastlab tanlash huquqiga ega boʻlishgan. "Ular rad etilishidan qoʻrqishlari shart emas edi, - deydi u. - Lekin endi bizning navbatimiz keldi!"

Tebi Upton, shuningdek, zamonaviy pop-madaniyatning sevimli turi boʻlgan bunday bebosh, shoʻx goʻzalning roliga qiziqib qolgan oʻn besh yoshli qizcha haqida ham hikoya qiladi. "Bunday qizlarni kinoda, musiqiy kanallarda koʻrib, bir yoʻla bir necha yigitlar bilan yaqinlik qilishga ikkilanmadi." Uptonning aytishicha, bu qiz homilador boʻlgan va hatto chaqalogʻining otasi kimligini aniq bilmagan. Bundan tashqari, u jinsiy yoʻl bilan yuqadigan kasallikka chalingan. Qiz oʻtmishga nazar tashlab, oʻzidan soʻraydi: “Nega bunday qildim?” Uptonning xulosasiga koʻra, yosh bemor shunchaki muhabbatni juda xohlagan, bundan tashqari, u jasur va beparvo koʻrinishni xohlagan. "Kino va videokliplarda bu juda zoʻr va chiroyli koʻrinadi! Lekin hayotda unday emas..." Upton bolasini asrab olishga berdi.

Hokimiyatga boʻlgan chanqoqlik sizni bu qadar qiyin ahvolga solib qoʻymasa ham, u sizni yoshlar bilan munosabatlarga boʻlgan talablaringizni deyarli muqarrar kamaytirishga majbur qiladi. Kerri shunday deb hikoya qiladi:

 

 

                              "Men birorta yigitning menga qiziqishini kutib oʻtirmaslikka qaror qildim. Menga doʻst kerak ekan, ishni oʻz qoʻlimga olib, uni oʻzim topishim mumkin. Oʻn yetti yoshimda yoshlar guruhida bir bolani uchratib qoldim va oʻyladim: "Mana bu yigit men uchun juda yoqimtoy va buning ustiga masihiy." Garchi men ham unga yoqishini bilsam-da, u mendan telefon raqamimni soʻramadi. Shunda dugonam bilan uning raqamini malumotnomadan oʻzimiz topib, unga qoʻngʻiroq qilishga qaror qildik. Uning familiyadoshlari juda koʻp ekan.

- naq qirq kishi! Tan olish biroz uyat, lekin biz uni topgunimizcha hammaga qoʻngʻiroq qildik.

 

U bilan munosabatlarimiz bor-yoʻgʻi bir yil davom etdi va bu vaqt ichida men koʻplab qaygʻu va qiyinchiliklarni boshdan kechirdim. Tez-tez yigʻlab ham turardim, chunki u menga gʻamxoʻrlik qilishini juda xohlardim, lekin men uni tashabbus koʻrsatishga va ozgina romantika koʻrsatishga qancha koʻp harakat qilsam, u shunchalik "orqa oʻrindiqda qolishga" intilardi, meni esa "rulga oʻtkazib qoʻyardi". Men unga qoʻngʻiroq qilardim; uni uchrashuvlarga taklif qilardim; men hamma narsani oʻz zimmamga olardim; biror joyga borsak, mashinani men haydardim; koʻpincha, oʻyin-kulgi uchun oʻz hamyonimdan pul toʻlardim; har doim va hamma joyda men tashabbuskor edim - shu jumladan jismoniy aloqalarimizda ham. U oʻzini men xohlagandek tutmasdi, men esa uni majbur qilardim. Qanday xato!

 

Qachonlardir qiz uchun tashabbus koʻrsatishning yagona imkoniyati “oq raqs”ga taklif boʻlgan. Hozirgi yosh ayollar nafaqat yigitlarni taqib qilishadi, nafaqat oʻzlari ularni uchrashuvga taklif qilishadi, hatto jinsiy aloqani ham oʻzlari boshlashadi. Qachonlardir jinsiy zoʻravonlikka yoʻl qoʻygan qiz oʻzini qurbon, xoʻrlangan va haqoratlangan his qilgan. Bugungi kunda esa yosh ayollar erkaklarni oʻzlarining shuhratparastlik qurboniga aylantirmoqdalar, ularni kamsitmoqdalar va haqorat qilmoqdalar. Biz bir nechta yoshlardan yigitlarni taqib qiladigan va ular bilan munosabatlarda etakchi rolini oʻz zimmasiga oladigan qizlar haqida qanday fikrda ekanliklarini soʻradik. Ular shunday javob berishdi:

Brent, 16 yosh: "Qizlar yigitlarga qaraganda oʻzlarini ancha agressiv tutishadi va hamma narsani oʻzlari boshqarishga harakat qilishadi. Juda qoʻrqinchli boʻlib ketyapti!"

Viktor, 17 yosh: "Qiz ortimdan yugurganida, menda undan qochib ketish istagi paydo boʻladi. Bir qiz menga xat yozib, kiyinish xonamdagi shkafchamga solib qoʻyardi. Men unga javob bermadim - u imo-ishorani tushunadi deb umid qildim, lekin buning oʻrniga u menga qoʻngʻiroq qilib, uyim yonidan oʻta boshladi. U menga oʻz oʻyinini tiqishtirayotgani aniq edi, lekin men boʻsh kelmadim. Menimcha, oxir-oqibat u shunchaki charchagan, chunki u menga boshqa yozmadi va qoʻngʻiroq qilmadi. Lekin endi birorta qiz menga qiziqa boshlasa, u ham meni taqib qila boshlaydi, deb qoʻrqaman. Sevgilim menga buyruq berishini emas, menga boʻysunishini istayman."

Ched, 19 yosh: "Bizning davrimizda bokira boʻlish urf emas... Meni yoʻldan urmoqchi boʻlgan qizlar shu qadar koʻp ediki, men bir marta taslim boʻldim va bokiraligimni yoʻqotishimga sal qoldi. Boʻlajak rafiqam uchun hamma narsani - quchoqlashni ham, oʻpishni ham, hatto qoʻllarini ham faqat u bilan ushlashni juda xohlayman. Lekin qandaydir boshqacha boʻlib chiqyaptiki, atrofimda mutlaqo boshqa qizlar oʻrab turibdi va men ulardan qochib qutulolmayapman..."

 

Tartibli yigit hech qachon qizning qoʻlida oʻyinchoq boʻlishni istamaydi. Xuddi siz-u bizga oʻxshab, yoshlar ham oʻzlariga hurmat bilan munosabatda boʻlishlarini xohlashadi.

 

Orqaga: Eram bogʻiga qaytamiz

Bir qarashda biz qandaydir yangiliklarni boshdan kechirayotgandek tuyulsa-da, aslida jinsiy aloqa azaldan ayollar uchun erkaklar ustidan hukmronlikni qoʻlga kiritish vositasi boʻlib kelgan. Bu Muqaddas Kitob zamonlaridan beri davom etib keladi. Eram bogʻida nima boʻlganini eslaysizmi? Ilon Momo Havoni aldab: "Yoʻq, oʻlmaysizlar. "Chunki Xudo biladi, sizlar bu mevalardan esangiz, koʻzlaringiz ochilib, sizlar ham barcha yaxshi va yomon narsalarni biladigan boʻlib, Xudoga oʻxshab qolasizlar" (Ibtido 3:4,5) dedi. Momo Havo Xudoning amrlariga boʻysunishiga toʻgʻri kelayotganidan norozi edi. U donolik va hokimiyatga ega boʻlish uchun Xudoga oʻxshashni xohladi va shuning uchun taqiqlangan mevadan tatib koʻrdi. Shunda Xudo bu gunoh uchun qanday jazolanishini aytdi: «...Ammo eringni qoʻmsayverasan, Ering esa hokim boʻladi sening ustingdan.» (Ibtido 3:16, kursiv meniki. - Sh.E.).

Yaratilishning dastlabki kunlaridanoq ayolni erkak bilan muhabbat/nafrat munosabatlari bogʻlaydi. U kuchli jins muhabbatini istaydi, lekin unga oʻz ustidan hukmronlik berilganligi haqidagi fikrga ham qarshilik koʻrsatadi. Uzoq yillar davomida ayollar huquqlari uchun shiddatli kurash olib borildi va bazan mutlaqo oqilona (ayollarga nisbatan zoʻravonlik, xurofot yoki kamsitishga qarshi), bazan esa ishonchsizlik, qoʻrquv, ochkoʻzlik, magʻrurlik yoki xudbinlik tuygʻulari bilan bogʻliq noroziliklar bildirildi. Hokimiyatga boʻlgan chanqoqlik va erkak ustidan hukmronlik bizga etishmayotgan narsani berishga qodirligiga ishonch, yani oʻziga ishonch, sevgi, oʻz ahamiyatini his qilish - bazida ayolni jinsiy aloqadan oʻziga yon berish vositasi sifatida foydalanishga majbur qiladi.

Jinsiy hokimiyat yosh ayolga oson oʻrganib qoladigan giyohvand modda kabi tasir qiladi. Tengdoshingizning boshini aylantirish yoqimli, lekin bundan ortiq emas; katta yoshli erkak - futbol jamoasi sardori, kollej professori yoki boʻlim boshligʻi sizni sevganidan aqldan ozsa, bu sizning "men"ingizga ulkan zavq bagʻishlaydi. Hokimiyatni bunday suiistemol qilish odatda obroʻsizlantiruvchi yoki hatto taqiqlangan munosabatlarga olib keladi, bu haqda 18-bobda batafsil toʻxtalamiz.

 

Hokimiyatga intilishingiz ortida nima yashiringan?

Agar siz jinsiy daxlsizlikka qarshi boʻlsangiz, buning ortida erkaklar ustidan ongsiz ravishda hukmronlik qilish istagi yashiringan boʻlishi mumkin. Menda ham shunday boʻldi. Tajribali psixolog menga erkaklar bilan boʻlgan barcha munosabatlarimning harakatlantiruvchi sababini ochib berdi: men ona qornidagi kichkina qizaloq edim, menga etishmayotgan muhabbatni topish uchun ongsiz ravishda otasining timsolini izlayotgan edim.

Turmushga chiqishdan oldin tashqi koʻrinishimdan yoshlarni oʻziga jalb qilish uchun xoʻrak sifatida foydalanganman. Ular mening jozibadorligimga mahliyo boʻlishar va bu mening shuhratparastligimga taskin berardi.

Navbatdagi qurbonni ilintirishga muvaffaq boʻlganimda, ichimda oʻzimni qudratli his qilardim. Ammo mening mamnunligim, odatda, uzoqqa choʻzilmasdi va tez orada oʻzimga yangi yigit izlay boshlardim, u meni baxtli qiladi, deb umid qilardim.

 

Toʻydan keyin erkaklarga munosabatim oʻzgaradi, degan oʻy bilan ovunardim, ammo umidlarim puchga chiqdi. Shunda men masihiy ruhshunosga murojaat qilib, vasvasalar nega meni tark etmayotganini tushunmoqchi boʻldim. Bir seansda shifokorim mendan keyingi safar jinsiy aloqada boʻlgan yoki hissiy jihatdan intilgan barcha erkaklar roʻyxatini tuzishimni soʻradi.

Keyingi tashrifimda u menga kelasi hafta ibodat qilishni taklif qildi va oʻzimga shu savollarni berishimni: "Bu odamlarning oʻrtasida qanday umumiylik bor?" Va Xudo menga har safar bu mening ustimdan qandaydir hokimiyatga ega boʻlgan katta yoshli odam bilan - oʻqituvchim, boshligʻim, advokatim va boshqalar bilan aloqa ekanligini koʻrsatdi.

Bu qonuniyatning mohiyatini tushunishga urinib, men bir narsani aniqladim: erkak ustidan hukmronlik qilishga intilish ekan. Meni qattiqqoʻllik bilan boshqargan otam bilan munosabatlarda oʻzimni mutlaqo ojiz his qilishim meni gʻayrishuuriy ravishda erkaklar bilan munosabatlarda avtoritarlikka intilishga majbur qilar ekan. Har safar kuchli jins bilan munosabatlarda ustunlikka erishganimda, men goʻyo shunday derdim: "Koʻryapsizmi, dada? Meni chinakamiga sevishadi! Men etibor va mehrga MUNOSIBMAN!"

Qalbimda otam qoldirgan boʻshliqni toʻldirishga va oʻzimni hurmat qilishga urinishlarim bilan oʻzimga zarar etkazardim. Shaxsiy tajribamdan bilamanki, faqat jinsiy aloqaga asoslangan munosabatlar haqiqiy ruhiy yaqinlikdan mahrum qilib, hokimiyatga boʻlgan chanqoqlikni va uning etishmasligini yanada kuchaytiradi.

            Oʻshandan beri menga qoniqish va oʻz-oʻzini hurmat qilishning yagona haqiqiy manbai ochildi - Samoviy Otam bilan yaqin munosabatda boʻlish. Uni birinchi navbatda izlay boshlaganimda, Iso nafaqat mening asosiy muhabbatimga aylandi, nafaqat menga hech bir erkak bera olmaydigan qadr-qimmat tuygʻusini berdi: U mening yerdagi otam bilan munosabatlarimni tikladi va turmush oʻrtogʻimga sodiq qolishimga yordam berdi.

 

 

Albatta, muhabbat istagi erkak ustidan hukmronlik qilishga intilish ortida yashiringan yagona motivatsiya emas. Misol uchun, agar siz jinsiy zoʻravonlikka uchragan boʻlsangiz yoki erkaklar tomonidan hissiy etiborsizlikni his qilgan boʻlsangiz, gʻazablanish, xafa boʻlish yoki ozgina boʻlsa ham sizni xafa qilgan odamga oʻxshash har qanday insonni jazolash istagi tufayli ular ustidan hukmronlik qilishga intilishingiz mumkin. Shelli shunday qilgan - uning hikoyasini 8-bobda oʻqigansiz. Yana bir sabab - erkakning oyogʻi ostiga tushib qolishdan qoʻrqish. Ehtimol, siz uning sizdan ustun kelishga urinishidan qoʻrqayotgandirsiz va shuning uchun uning oldini olishga shoshilyapsiz. Balki hamma gap oddiy kibrdadir: hamma sizni kuchli ayol deb bilishini xohlaysiz, shuning uchun ham sizni zaif jinsga qoʻshmasliklari uchun munosabatlarda hukmron boʻlishga intilasiz!

Erkaklarning etiborini tortish uchun jon-jahdingiz bilan harakat qilib, malum vaqt bunga erishishingiz mumkin, ammo axloqiy poklikni saqlashni istagan yoshlar sizdan qochishni boshlaydilar (bu sizning rejalaringizga umuman kirmaydi), chunki vaqt oʻtishi bilan siz ularning pokligi va Masih bilan munosabatlari haqida gʻamxoʻrlik qilish uchun haddan tashqari xudbin ekanligingiz malum boʻladi.

Neyl

Siz yoshlar bilan munosabatlarda haddan tashqari shiddatkorlikni, ularni oʻz huzur-halovati va xudbin maqsadlari yoʻlida manipulyatsiya qilishga moyilligini sezasizmi? Agar shunday boʻlsa, bu gapning tagida, shubhasiz, boshqa gap ham bor. Xudodan bu yashirin istaklarni aniqlashda yordam berishini soʻrang va yaxshi psixologga murojaat qiling, u sizning koʻzingizni ochib, qarama-qarshi jinsga nisbatan sogʻlom munosabatda boʻlishni oʻrgatadi. Dono ustoz yoki shunchaki sogʻlom fikrli kattalar yordamisiz siz har qanday yoʻnalishni yoʻqotishingiz va butunlay adashishingiz mumkin. Bu xatoga yoʻl qoʻymang.

 

Hokimiyat muvozanatini tiklash

Ushbu bobni yakunlar ekanmiz, suhbatimizga yakun yasaymiz. Biz sizga ixtiyoriy ravishda oʻzingizni kuchsizlikka mahkum etishni va barcha huquqlaringizni erkakning oyoqlari ostiga tashlab, qadr-qimmatingizni oyoq osti qilishni taklif qilmaymiz. Har bir inson oʻzining shaxsiy hokimiyatini anglashi kerak. Sizni zoʻravonlik bilan bosim oʻtkazmoqchi yoki jinsiy aloqaga majburlamoqchi boʻlgan erkakdan himoyalanish uchun bu kuchdan foydalanish tabiiy va normal holatdir. Zararli tasir yoki yomon muomaladan saqlanish uchun oʻz kuchingizdan foydalaning. Ammo oʻzingiz odamlarga salbiy tasir koʻrsatish yoki ularga yomon munosabatda boʻlish uchun unga murojaat qilmang. Oʻzingizga qanday munosabatda boʻlishlarini istasangiz, boshqalarga ham shunday munosabatda boʻling (Matto 7:12). Boshqalarni hurmat qiling va oʻzingizga ham shunday munosabatda boʻlishni talab qiling.

Xulosa oʻrnida sizga bir sirni ochamiz. Faqat Xudo sizning sevgi va hokimiyatga boʻlgan ehtiyojingizni toʻliq qondira oladi. Xudo Oʻz sevgisi va hokimiyatini erkaklarga beradimi? Ha. Ammo bularning barchasini qoʻlga kiritish uchun ularning qoʻlidan oʻtishingiz shartmi? Yoʻq. Xuddi shu narsani Xudo ayollarga ham beradi. Muqaddas Ruhning qudratli muhabbati hissiy jihatdan sogʻlom, hushyor, toʻlaqonli hayot kechirishga yordam berishini tushunganingizda, vasvasaga solish kuchi uning oldida xiralashadi.

«Biz inson boʻlib, bu dunyoda yashasak ham,​ bashariy kuch bilan jang qilmaymiz. Bizning qurol–aslahalarimiz bashariy manfaat uchun emas,​ balki ilohiy manfaat uchun ishlatiladi.​ Bizning qurol–aslahalarimiz​ bu dunyoning qurol–aslahalariday emas.​ Xudoning qudrati bilan bu qurol–aslahalarimiz​ qaladay mustahkam boʻlgan insoniy oʻy–xayollarni​ hamda quruq safsatalarni yoʻq qilishga qodir. Xudoni tanib–bilishga toʻsqinlik qilayotgan takabburona dunyoqarashga​ biz barham beramiz.​ Har qanday oʻy–xayolni Masihga boʻysundirib,​ asir qilamiz. Shunday qilib, oʻzlaringiz ham toʻla boʻysunganingizdan keyin,​ biz birgalikda har xil itoatsizlikni jazolashga tayyor boʻlamiz». 2 Korinfliklar10: 3-6