---

Har bir qizning vasvasasi (kitobi SKACHAT LOTIN) .PDF

Ҳар бир қизнинг васвасаси (китоби SKACHAT) .PDF

- ayollar hayoti va ichki kurashi haqida kitob

---

Mundarija

Josh Makdauelldan soʻzboshi
Bagʻishlovlar va minnatdorchiliklar
Ota-onalarga
Kirish soʻzi (Stiven Arterbern)

I-qism: Vasvasangizni tushunish
1. Oʻzimizga haqiqatni aytishga jazm etamiz
2. Boshida aytilgan rejaga qaytib
3. Iffatli va oriyatli hayot
4. Vasvasalarimizni kuchaytiruvchi afsonalar

II-qism: Oʻz-oʻzini halok qilishdan saqlanish
5. Jinsiy aloqaga nisbatan istagimizni kuchaytirganimizda
6. Koʻzgu doʻstimizga aylanganida
7. Haqiqatga taqqoslanib
8. Buzuq doirani uzish

III-qism: Boshqalarni vasvasaga tushirmaslik
9. Hukmronlik qilishga tashna boʻlganimizda
10. Taassurot uygʻotish uchun kiyinamizmi?
11. Noz-karashma qilish yoki qilmaslik?

IV-qism: Oʻz ongingizni himoya qilish
12. Ong jangida gʻolib chiqish
13. Davolovchi ochlik
14. OAV va u bilan qanday kurashish kerak

V-qism: Oʻz qalbingizni himoya qilish
15. His-tuygʻular bilan kurashda gʻolib chiqish
16. Ketish mumkin!
17. Ehtiyotkorlik bilan harakatlanish
18. Qayerda toʻxtashni bilish!

VI-qism: Oʻz tanangizni himoya qilish
19. Oʻz tanangiz ustidan gʻolib kelish
20. «Texnik» bokiralik
21. “Tormozsiz” jinsiy aloqa
22. «Axir bir-birimizni sevamiz!»

VII-qism: Muhabbatni kerakli joydan izlang
23. Sizga kerak boʻlgan Zot
24. Unga kerak boʻlgan qiz boʻlish
25. Isoga oshiq boʻlish 

Xotima 

---

20-BOB

Texnik bokiralik

…ammo badanimiz zino uchun xizmat qilmasligi kerak,​ aksincha, badanimiz bilan Rabbimiz Isoga​ xizmat qilishimiz kerak.​ 1 Korinfliklar 6:13

 

Bu lahzani anchadan beri, bir necha haftadan beri kutardim, mana, nihoyat, u yetib keldi - men uchun juda qadrli boʻlgan inson bilan yangi, qiziqarli joyda oʻtkazishim kerak boʻlgan oqshom. Biz "Teksas Reynjers" jamoasi ishtirokidagi beysbol oʻyini boʻlib oʻtishi kerak boʻlgan yangi qurilgan stadion toʻxtash joyiga keldik. Biz - men va jiyanimiz. Men uning oʻn yoshga toʻlishi munosabati bilan bu oʻyin-kulgini uyushtirdim. Stadionga borguncha gurunglashib, kulishib, rosa xursand boʻldik. Keyin tantanavor ohangda dedim: "Peyj, sen oʻn yoshdasan va shubhasiz, kimdandir soʻrashing kerak boʻlgan turli savollaring bor. Bilib qoʻy: sen mendan nimani xohlasang va qachon xohlasang, shuni soʻrashing mumkin, men senga albatta javob beraman!" Bu tantanali va’damning oqibati nima boʻlishini oldindan bilganimda edi! Jiyanim oʻsha zahoti: Shennon xola, ogʻzaki jinsiy aloqa nima oʻzi? - deb soʻradi.

 

Soch turmagi, maktab, balki oʻgʻil bolalar haqidagi savollarni kutgandim. Lekin ogʻzaki jinsiy aloqa haqidami?.. Oʻn yashar qizcha bergan bu savol, yumshoq qilib aytganda, meni gʻaflatda qoldirdi. Men undan ogʻiz orqali jinsiy aloqa haqida qayerda eshitganini soʻradim, u shunday javob berdi: "Bu haqda radioda doim gapirishadi!"

1998-yilda, sizda jinsiy munosabatlar haqidagi tushunchalar va shaxsiy fikrlaringiz shakllanayotgan bir paytda, AQSh Oq uyda sodir boʻlgan jinsiy mojaroni larzaga keltirdi. U, albatta, barcha ommaviy axborot vositalari tomonidan faol muhokama qilindi. Oʻsha paytdagi prezident Bill Klinton oʻzining Monika Levinski bilan ishqiy aloqasi borligini rad etib, ogʻzaki jinsiy aloqani jinsiy aloqa sifatida tasniflash mumkin emasligini ta’kidladi. Garchi bu dalil uning qoralovchilari uchun yetarlicha asosli boʻlmasa-da, baxtga qarshi, koʻpgina yoshlar uni ishonarli deb topdilar.

Statistika shuni koʻrsatadiki:

• 1999-yil kuzida "Seventeen" jurnali tomonidan otkazilgan sorov ma’lumotlariga kora, savdo markazlarida sorov otkazilgan ikkala jinsdagi (723 nafar) osmirlarning (15 yoshdan 19 yoshgacha) 49 foizi ogzaki jinsiy aloqani jinsiy aloqadan "beozorroq" deb hisoblaydi, 40 foizi esa uni toliq ma’noda "jinsiy aloqa" deb hisoblamaydi.
• Yaqinda 15 yoshdan 19 yoshgacha bolgan qizlar va ogil bolalar ortasida otkazilgan sorov shuni korsatdiki, ularning 55 foizi ogiz orqali jinsiy aloqa qiladi.
• Manxettenlik bir psixologning sozlariga kora, koplab osmirlar uchun ogzaki jinsiy aloqa "xayrli tun tilab bosa olish"day gap: uning yettinchi va sakkizinchi sinf oquvchilari nikohgacha bokiralikni saqlab qolishga qaror qilganlar, ammo ogzaki jinsiy aloqada bolgan, chunki bu usulni xavfsiz deb hisoblaganlar.

"Ogʻzaki jinsiy aloqa jinsiy aloqa emas" degan afsona ortida nima yashiringan?

Soʻnggi paytlarda ogʻzaki jinsiy aloqa oʻsmirlar va yoshlar orasida sevimli koʻrinishga aylangani, qizlar koʻpincha "oluvchi" emas, balki "beruvchi" tomon ekanligi haqida koʻp gapirilmoqda. Xoʻsh, nima uchun bu mashhurlikka erishdi?

Xoh ishoning, xoh ishonmang, ammo koʻplab yosh ayollar ogʻiz orqali jinsiy aloqani foydali kelishuvga oʻxshatishadi. Nima uchun? Buning asosiy sabablari:

• Homilador bolish xavfi yoq. Biroq, ehtiros juda tez osib boradi va koplab yoshlar ogiz orqali jinsiy aloqa qilishni boshlaganlaridan kop otmay jinsiy aloqaga kirishadilar. Shunday qilib, homilador bolish xavfi toliq haqiqatga aylanadi.
• Ogiz orqali jinsiy aloqadan kasallik orttirilmaydi. Siz shunday deb oylaysizmi? Odam papillomasi virusi, pufakli temiratki virusi va gepatit V - nafaqat jinsiy yol bilan, balki ogiz orqali ham yuqadigan kasalliklar; sozak, zaxm, xlamidiya va yumshoq shankr - ogiz orqali jinsiy aloqa paytida yuqishi mumkin bolgan bakterial infektsiyalar. Ehtimol, buni qinga emas, balki ogizga olib yurish yaxshiroq deb oylayotgandirsiz, ammo bu yol bilan jinsiy yol bilan yuqadigan kasalliklarni yuqtirib olgan bolsangiz, kasalligingizni bosa orqali yuqtirishingiz mumkin, siz uni mukofotlagan odam esa siz bilan ogiz orqali jinsiy aloqa qilish orqali uni qiningizga otkazishi mumkin. Avvalgi bobda aytib otganimizdek, sizga jinsiy yol bilan yuqadigan kasalliklarni yuqtirish uchun qin orqali kirish umuman shart emas.
• ʻgʻil bolalar orasida koʻproq shuhrat qozonaman. Ogʻiz orqali jinsiy aloqa qilish uchun oson nishon boʻlish mashhurlikdir! Shubha yoʻqki, bu turdagi xizmatlarni koʻrsatib, siz mashhur boʻlasiz va yoshlarning e’tiborini qozonasiz, lekin ularning hurmati, sevgisi va sadoqatini qozonishga umid qilmang.

 

• Men uni "baxtli qilishni" istayman. Agar yigit ogʻiz orqali jinsiy aloqa qilish uni baxtli qilishini aytsa, bilingki, u sizni sevmaydi. U faqat sizdan foydalanadi va siz undan jon-jahdingiz bilan qochishingiz kerak. Agar uni baxtli qilish uchun ogʻiz orqali jinsiy aloqa qilish gʻoyasi va istagi sizga tegishli boʻlsa, keyin pushaymon boʻladigan ishlar qilmasdan oldin bu masalani hal qilishda yordam berish uchun tezroq jamoat yoki maktab psixologiga boring. Bunday lazzatlar tezda odat tusiga kiradi va oxir-oqibat jinsiy mayllarga aylanadi.
• ʻzaki jinsiy aloqa paytida men uning ustidan hukmronlik qilaman (albatta, jinsiy aloqa paytida u sizning ustingizdan hukmronlik qiladi deb taxmin qilinadi). Koʻpgina yosh ayollar zoʻravonlikka duchor boʻlganliklari yoki oʻzlari xohlamagan jinsiy harakatlarga majburlanganliklari sababli, ogʻzaki jinsiy aloqa paytida erkak ustidan hukmronlik qilish illyuziyasi ular uchun juda jozibali tuyuladi. Lekin bu sizning tasavvuringiz mahsuli, xolos. Agar ogʻiz orqali jinsiy aloqa qilish taklifi sizdan chiqsa, siz uni koʻpi bilan ikki-uch daqiqa "boshqarasiz," lekin eyakulyatsiya sodir boʻlishi bilan va zoʻriqish pasayishi bilan siz darhol bu xayoliy kuchni yoʻqotasiz. Agar bu gʻoya unga tegishli boʻlsa va siz bunga qoʻshilsangiz, demak, siz undan ustun emas, u sizdan ustun.

 

Yuqorida aytilganlarni inobatga olgan holda, siz nikohdan tashqari ogʻzaki jinsiy aloqa jinsiy faollikning bir turi ekanligini tushunasiz, siz - jinsiy va hissiy poklikka intilayotgan yosh ayol - undan voz kechishingiz kerak.

 

Tiyilish va u haqidagi notoʻgʻri tushunchalar

Ogʻzaki jinsiy aloqa tiyilish bilan bogʻliq boʻlgan jinsiy faoliyatning yagona turi emas. Bir tadqiqotga koʻra, birinchi va ikkinchi kurs talaba qizlarining 61 foizi oʻzaro masturbatsiyani tiyilish deb hisoblaydi, 24 foizi esa bu roʻyxatga anal jinsiy aloqani ham kiritish mumkin deb hisoblaydi. Aftidan, ular: "Agar bundan homilador boʻlolmasam, demak, bu oʻzini tiyishdir!" deb mulohaza yuritadilar. Bunday nuqtai nazar oʻta cheklangan va tubdan notoʻgʻridir. Oʻzini tiyish har qanday jinsiy aloqadan va qoʻzgʻalishni keltirib chiqarishi mumkin boʻlgan har qanday faoliyatdan chetlashtirishni anglatadi. Ogʻzaki va anal jinsiy aloqa va oʻzaro masturbatsiya taqiqlangan toifaga kiradi, shuning uchun ulardan butunlay voz kechish kerak.

 

 Koʻpchilik bunday ishlar bilan shugʻullanish mumkin deb hisoblaydi. Ular: "Qin orqali jinsiy aloqa boʻlmaguncha, men jinsiy aloqadan oʻzimni tiyaman va shuning uchun ham avvalgidek begunohman," deb hisoblashadi. Mayli, bu soʻzning "texnik" ma’nosidagi bokiralik boʻlsin, lekin baribir bokiralik! Ularning tasavvurida ogʻiz orqali jinsiy aloqa qilish hali jinsiy aloqa emas. Unga qin sohasini ushlashga yoki hatto qin kanaliga barmoqlar bilan kirishga ruxsat berish, u bilan "qoʻl mehnati" bilan shugʻullanish hali jinsiy aloqa emas. "Texnik" bokira qizning fikricha, jinsiy olat uning qiniga kirmaguncha, u begunoh boʻlib qoladi.

Jinsiy poklik borasida hech kimning xomxayollarini sindirishni istamayman, ammo "texnik" bokiralik faxrlanish uchun hech qanday sabab emas. Bu vasvasalarga qarshi turishga qodir emasligingizgizdan dalolat beradi.

Agar shunga oʻxshash ishlar bilan shugʻullanayotgan boʻlsangiz, umidsizlikka tushmang. Rabbingiz sizlarni ayblamaydi (Rimliklarga 8:1). Men va hammuallifim sizga jinsiy jihatdan yaxlit va pok hayot kechirishingizga yordam beradigan bilimlarni bermoqchimiz. Bir vaqtlar ikkalamiz ham oʻzimiz bilmagan holda jiddiy xatolarga yoʻl qoʻyganmiz, shuning uchun xatolarimizni takrorlamasligingiz uchun oʻsha paytda bizga noma’lum boʻlgan hamma narsani sizga ma’lum qilmoqchimiz. Biz ozodlik va itoatkorlikda topgan quvonchni siz ham his etishingizni istaymiz.

 

Biz sizga toʻliq tiyilishingiz Xudo uchun nima uchun muhimligini tushunishga yordam bermoqchimiz, lekin avval bu borada eng keng tarqalgan notoʻgʻri tushunchalardan birini koʻrib chiqamiz.

 

Lesbilik tajribasi vasvasasi

Koʻpgina yosh ayollar "lesbiyancha muhabbat"da hech qanday qoʻrqinchli narsa yoʻq deb notoʻgʻri taxmin qilishadi. Ular: "Men faqat qizlar oʻrtasidagi munosabatlarni sinab koʻraman - bu tom ma’nodagi jinsiy munosabat emas-ku!" deb oʻylashadi. Biz yana mashhur "jinsiy aloqa boʻlmaguncha, men jinsiy aloqadan oʻzimni tiyaman" iborasiga qaytamiz va lesbiyan ayollarda jinsiy olat boʻlmagani sababli, ular bir-birlari bilan tajriba oʻtkazish va shu bilan birga bokiralikni saqlab qolish mumkin deb hisoblashadi. Ba’zilar uchun bu oʻz yoʻnalishini aniqlash usulidir. "Agar ikkalasini ham sinab koʻrmasam, oʻzimning gomoseksual yoki gomoseksual emasligimni qayerdan bilaman?" deyishadi. Boshqalar oʻz jinsidagi sheriklari bilan jinsiy aloqada boʻladilar, chunki bu soʻnggi paytlarda modaga aylangan. Ba’zilar, ayniqsa oʻrta maktab oʻquvchilari, "Men biseksualman!" deb dadil va hammaga eshittirib aytish orqali atrofdagilarni hayratda qoldirishni yaxshi koʻradilar. Koʻpchilik qizlar lesbiyanlik yigitlarga juda "zoʻr" tuyuladi deb oʻylashadi va shu yoʻl bilan ularda oʻziga nisbatan qiziqish uygʻotishga umid qilishadi.

Lesbiyancha tajribalarni aslo betaraflikning bir koʻrinishi deb boʻlmaydi. Bunday munosabatlar Muqaddas Yozuvlarga zid (Levilar 18: 22; Rimliklarga 1: 24-26) boʻlib, jinsiy ehtiros va qiziqishni haddan tashqari kuchaytiradi. Ahmoqlik bilan boshlangan narsa ehtirosga aylanadi va hayotingizni ostin-ustun qilib, oʻtkir aybdorlik hissini uygʻotadi.

"Men oʻzimni asrab-avaylaganman, shuning uchun xuddi men kabi oʻzini ham asrab-avaylaydigan qizga uylanmoqchiman. Men uning nafaqat jismoniy bokiraligi haqida qaygʻurishini, balki har tomonlama pok boʻlishini istayman."

Denni

 

Keling, Merini eshitaylik. U oʻn bir yildan beri masihiy. U pok hayot kechirishni istaydi va har doim erkak bilan sogʻlom va sof munosabatlarni orzu qiladi, biroq lesbiyanlik tajribalari uni boshi berk koʻchaga olib kirib qoʻygan va u bundan chiqish yoʻlini topa olmaydi.

"Dugonam bilan boʻlgan jinsiy aloqa tufayli hayotimda jiddiy qiyinchiliklar paydo boʻldi. Men oʻzimni hech qachon lesbiyan deb hisoblamaganman, lekin bir marta u bilan hazillashganimizdan soʻng, bizning muloqotimiz juda shahvoniy tus oldi. Bilaman, Xudo mening bu ish bilan shugʻullanmasligimni istaydi, lekin menga juda qiyin! Men bunga qayta-qayta qaytaman va qanday toʻxtashni bilmayman."

 

Ishonchimiz komilki, Meri bunga darhol chek qoʻymaganidan juda afsusda. Gunoh hali ildiz otib ulgurmagan paytda unga qarshi kurashish ancha oson. Taqiqlangan mevadan bir marta tatib koʻrsak, ishtahamiz ochilib ketishi mumkin. Agar siz lesbiyanlik aloqasiga kirishib, uni uzishga qodir emasligingizni his qilsangiz, biz sizga tezda psixologga murojaat qilishingizni maslahat beramiz.

Suhbatni davom ettirishdan oldin, bolalar jinsiy oʻyinlari va lesbiyanlik tajribalari oʻrtasidagi farqni tushuntirmoqchimiz. Ehtimol, orangizda kimdir bu satrlarni oʻqib, dahshatga tushib: "Voy! Ehtimol, biz Syuzi bilan besh yoshligimizda xuddi shunday qilgandirmiz!" dersiz. Qoʻrqmang! Yosh bolalarning koʻpchiligi qiziquvchanlik va shahvoniy xatti-harakatlar davrini boshdan kechiradilar - ular, masalan, "shifokor" yoki "er va xotin" oʻyinlarini oʻynaydilar; ba’zida qizlar oʻgʻil bolalarni sherik qilib oladilar, lekin koʻpincha bu oʻyinlarni bir-birlari bilan oʻynaydilar (ayniqsa dugonasi yoki amakivachchasi tunab qolganida).

 

Bolalikda qilingan shahvoniy harakatlar sizni lesbiyanka qilib qilmaydi, shuning uchun bu yerda xavotirlanishga hojat yoʻq. Biz sizni oʻzingizga munosib boʻlmagan turmush tarzini tanlashga ongli ravishda qaror qilishdan ogohlantiramiz. Agar siz ushbu kitobni oʻqish uchun yetarlicha voyaga etgan boʻlsangiz, demak, siz oʻz jinsiy xulq-atvoringizni toʻgʻri baholash va haqiqiy tiyilishga mos keladigan qarorlar qabul qilish uchun yetarlicha voyaga yetgansiz.

Umid qilamizki, bizning kitobimiz sizga nafaqat bu borada mustahkam oʻrnashib olishga yordam beradi, balki buning uchun zarur boʻlgan barcha bilimlar bilan taminlaydi va toʻgʻri qarorga mamnuniyat bilan amal qilishni oʻrgatadi.

 

Nega oʻzimizni tiyishimiz Xudo uchun shunchalik muhim?

Xudo sizning hayotingizni zaharlash, hayot quvonchlaridan mahrum qilish va doimiy ravishda eslatib turish uchun qat’iy qoidalar roʻyxatini ataylab oʻylab topgandek taassurot qoldirmoqchi emasmiz. Har qanday jinsiy faollikdan (nafaqat jinsiy aloqadan) butunlay voz kechishingiz juda muhim, chunki Xudo uchun sizning pokligingiz va muqaddasligingizdan azizroq narsa yoʻq. Nima uchun? Chunki faqat shu orqali bizga gunohdan xoli hayot va Xudo biz uchun tayyorlab qoʻygan oliy quvonch ochiladi. Yodingizda boʻlsin: Uning bizga boʻlgan sevgisi shunchalik qudratliki, u inson tasavvuridan ustun turadi - u biz oʻzimizga nisbatan his qiladigan tuygʻulardan ancha kuchliroqdir. U "nikohdan oldin jinsiy aloqa qilmaslik" qoidasiga amal qilishimizni istaydi va buning beshta sababi bor:

• Mukammal jismoniy salomatlik. Tanangizni yaratgan Xudo uning sogʻligʻingizga va kelajakda farzand koʻrish qobiliyatingizga putur yetkazishi mumkin boʻlgan mikroblar va kasalliklarga moyil ekanligini biladi. U sizlarni jismonan baquvvat boʻlib, "koʻpayib, nasl qoldirishingiz" uchun yaratgan (Ibtido 1: 22 ga qarang).
• Mukammal aqliy salomatlik. Xudo, jinsiy axloqsizlikka berilib ketganingizda vasvasalardan xalos boʻlishingizni istaydi. U aniq va sogʻlom fikrlashingizni istaydi.
• Mukammal hissiy salomatlik. Xudo sizni ezilgan yurak iztirobidan, aybdorlik tuygusidan, ozidan nafratlanishdan asramoqchi. U sizning tushkunlikka tushmasligingizni, balki soz bilan ifodalab bolmaydigan quvonchga tola bolishingizni istaydi.
• Mukammal ruhiy salomatlik. Xudo sizning Uning huzuriga kirishingiz va U bilan muloqotda boʻlishingizni istaydi. U jinsiy gunoh sizni bu erkinlikdan mahrum qilishini biladi.
• Munosabatlarda mukammal salomatlik. Xudo sizning jinsiy sohangizni shunday yaratganki, unda eringiz bilan qoshilishingiz sodir boladi - bu shunchalik intim, shunchalik shaxsiyki, boshqa hech qanday munosabatlar u bilan tenglasha olmaydi. Er-xotinlik - bu mutlaqo oziga xos muloqot turi bolib, undan kuchliroq va mustahkamroq muloqot bolishi mumkin emas. Xuddi shuning uchun ham Xudo sizning tanangizni (bu Uning muqaddas ruhining ibodatxonasidir) va ayniqsa "muqaddas maskan"ni, ya’ni hamma uchun yopiq bolgan va faqat muqaddas, Xudoga ma’qul maqsadlar uchun moljallangan joyni himoya qilishni istaydi. Ozini pok tutish, bir kun kelib eriga yaqinlik qilish esa, shubhasiz, muqaddas va Xudoga ma’qul maqsaddir.

 

Javob qanday boʻladi?

Agar ogʻiz orqali va orqa orqali jinsiy aloqa, oʻzaro masturbatsiya yoki lesbiyanlik bilan bogʻliq tajribalar "nikohdan oldin jinsiy aloqada boʻlmaslik" qoidasiga javob boʻlmasa, unda nima deb javob berasiz? Jinsiy qoniqishni qayerdan izlaysiz?

Ushbu kitobda bir necha bor takrorlanganidek, toʻliq qoniqishga erishishning faqat bitta usuli bor:

hamma narsada Xudo buyurganidek yoʻl tutish. Istalmagan homiladorlik va jinsiy yoʻl bilan yuqadigan kasalliklardan saqlanishning faqat bitta yoʻli bor. Faqat mavjud bokiralikni saqlash va jinsiy poklikni asrashning bir usuli. Uning yordami bilan siz bir kun kelib oʻzingiz uchun qadrli boʻlgan odamni aql bovar qilmaydigan darajada baxtli qilishingiz va unga sodiq qolishga qodir ekanligingizni isbotlashingiz mumkin. Oʻzingizni qoʻlga oling va ataylab jismoniy qoʻzgʻalishga yoʻl qoʻymang. Gap, albatta, "texnik" bokiralik haqida emas, balki toʻliq tiyilgan va manaviy boy hayot haqida ketmoqda.

«Ruhning samarasi esa quyidagilardir: muhabbat, sevinch, xotirjamlik, sabr–toqat, mehribonlik, ezgulik, ishonch, muloyimlik va oʻzini tuta bilish. Bu xislatlarga qarshi biron qonun yoʻq».                     Galatiyaliklar 5:22,23.

Shennon Etrij va Stiven Arterbern “Har bir qizning vasvasasi” - Audio kitob Uzbek tilida