Har bir qizning vasvasasi (kitobi SKACHAT LOTIN) .PDF

Ҳар бир қизнинг васвасаси (китоби SKACHAT) .PDF

- ayollar hayoti va ichki kurashi haqida kitob

Mundarija

Djosh Makdauelldan soʻzboshi
Bagʻishlovlar va minnatdorchiliklar
Ota-onalarga
Kirish soʻzi (Stiven Arterbern)

I-qism: Vasvasangizni tushunish
1. Oʻzimizga haqiqatni aytishga jazm etamiz
2. Boshida aytilgan rejaga qaytib
3. Iffatli va oriyatli hayot
4. Vasvasalarimizni kuchaytiruvchi afsonalar

II-qism: Oʻz-oʻzini halok qilishdan saqlanish
5. Jinsiy aloqaga nisbatan istagimizni kuchaytirganimizda
6. Koʻzgu doʻstimizga aylanganida
7. Haqiqatga taqqoslanib
8. Buzuq doirani uzish

III-qism: Boshqalarni vasvasaga tushirmaslik
9. Hukmronlik qilishga tashna boʻlganimizda
10. Taassurot uygʻotish uchun kiyinamizmi?
11. Noz-karashma qilish yoki qilmaslik?

IV-qism: Oʻz ongingizni himoya qilish
12. Ong jangida gʻolib chiqish
13. Davolovchi ochlik
14. OAV va u bilan qanday kurashish kerak

V-qism: Oʻz qalbingizni himoya qilish
15. His-tuygʻular bilan kurashda gʻolib chiqish
16. Ketish mumkin!
17. Ehtiyotkorlik bilan harakatlanish
18. Qayerda toʻxtashni bilish!

VI-qism: Oʻz tanangizni himoya qilish
19. Oʻz tanangiz ustidan gʻolib kelish
20. «Texnik» bokiralik
21. “Tormozsiz” jinsiy aloqa
22. «Axir bir-birimizni sevamiz!»

VII-qism: Muhabbatni kerakli joydan izlang
23. Sizga kerak boʻlgan Zot
24. Unga kerak boʻlgan qiz boʻlish
25. Isoga oshiq boʻlish 

Xotima 

Xotima

Agar siz boshqa ayollarga nisbatan moyil boʻlsangiz

Ehtimol, siz bu kitobni oʻqiyotganingizda oʻzingizga savol bergandirsiz: "Agar meni umuman yigitlar emas, balki qizlar qiziqtirsa, bularning menga nima aloqasi bor?" Keling, avvaliga bunday mayllar qayerdan paydo boʻlishini koʻrib chiqaylik, keyin esa Muqaddas Kitobda besoqolbozlik haqida nima deyilganini koʻrib chiqaylik va nihoyat, bu vasvasaga qarshi qanday kurashish kerakligi haqida gaplashaylik.

Muammoning ildiziga qaraymiz

Bizning fikrimizcha, gomoseksual istaklar va mayllar koʻpincha notoʻgʻri oilaviy munosabatlarga asoslanadi. Ehtimol, bolaligingizda onangiz sizni juda yaxshi koʻrgani va himoya qilgani, otangiz tomonidan esa buni his qilmaganingiz uchun boshqa ayollarga moyilligingiz bordir. Balki siz otasiz oʻsgansiz yoki u sizga sovuq va qattiqqoʻl munosabatda boʻlgan hamda siz erkakdan sevgi, etibor va mehr kutishga oʻrganmagandirsiz. Balki otangiz yoki boshqa birov sizga zoʻravonlik qilgandir va sizda kuchli jinsga nisbatan nafrat bilan ishonchsizlik paydo boʻlgandir.

Bizning madaniyatimiz koʻp jihatdan ayollarning bir-biriga intilishini ragʻbatlantiradi. Ushbu kitob nashr etilgunga qadar, televizor ekranlarida oʻpishayotgan Madonna va Britni Spirs allaqachon eskirgan boʻladi. Butun mamlakat boʻylab reklama taxtalaridan bizga bir juft yarim yalangʻoch ayollar qarab turishibdi.

Kitobimizga malumot tayyorlar ekanmiz, oʻsmirlar uchun moʻljallangan anchagina jurnallarni koʻrib chiqdik. Koʻpincha ularning muqovasida bir-birini quchoqlab turgan ikki betakalluf qizning tasviri koʻzga tashlanardi; yonma-yon qoʻyilgan chaqiriq yozuvi lesbiyanlar muhabbati haqidagi maqola bilan xursand qilishga vada berardi. Kechki soatlarda namoyish etiladigan kinofilmlar va telekoʻrsatuvlar koʻpincha gomoseksual munosabatlarni mutlaqo maqbul muqobil turmush tarzi sifatida tasvirlaydi. Koʻpgina maktablarda oʻquv dasturlari "ikki ona" yoki "ikki ota" oilaviy stsenariylarini nazarda tutadi. Bazi tadqiqotchilar, shuningdek, gomoseksuallar va lesbiyanlar huquqlarini himoya qiluvchilar bizga majburlamoqchi boʻlgan narsalarga qarama-qarshi oʻlaroq, biz "gomoseksualizm geni" mavjudligiga va bazi odamlar shunday tugʻilishiga ishonmaymiz.

Jinsiy yoki etnik mansublikdan farqli oʻlaroq, gomoseksuallik genetik jihatdan belgilangan va homiladorlik paytida oʻtadigan dastlabki belgi emas. Odamda bu xususiyatlar malum tajriba tufayli paydo boʻlishi mumkin, lekin u oʻzida boshqa sogʻlom mayllarni rivojlantira oladi. Yuzlab sobiq gomoseksualistlar va lesbiyan ayollar oʻz hayot tarzini oʻzgartirishga va oʻzlarini yangi normal jinsiy maylda topishga muvaffaq boʻlishdi.

Muqaddas Kitobda nima deyilgan?

Agar Xudo besoqolbozlikka qanday munosabatda boʻlishini bilmoqchi boʻlsangiz, Rimliklarga yoʻllagan maktubning birinchi bobini oʻqing. Havoriy Pavlusning takidlashicha, bir jinslilar bilan jinsiy aloqa qilish Xudo oldida qabihlikdir. Shunga qaramay, siz shuni bilishingiz kerakki, har qanday gunoh kabi gomoseksualizm ham Xudoga yoqmasa-da, U bizni qanday vasvasalarga duch kelishimizdan qati nazar, hammani sevadi. Garchi siz boshqa ayollarga ishtiyoqmand boʻlsangiz ham, Xudo sizni juda yaxshi koʻradi va Uning oʻzgartiruvchi kuchi gunohga qarshi turish uchun sizga ham, Uning ismini chaqirgan har bir kishiga ham yordam berishga tayyor.

Toʻgʻri yoʻnalishda yurish

Birinchidan, ayol jinsi vakiliga boʻlgan har qanday kuchli hissiy bogʻliqlik allaqachon gomoseksual mayl deb oʻylamang. Siz koʻchada chiroyli qizni tomosha qilishingiz, dugonangizni betakror goʻzal deb hisoblashingiz, oʻqituvchingiz, murabbiyingiz yoki tarbiyachingizni tom manoda yaxshi koʻrishingiz mumkin. Bu sizning lesbiyan ekanligingizni anglatmaydi.

Xudo bizga boshqa ayollar bilan munosabatda boʻlishimizni taqiqlamaydi. Doʻstlashing, birga vaqt oʻtkazing, yoqimli xotiralar toʻplang. Dugonangizni samimiy quchoqlasangiz, yuziga shapillatsangiz yoki koʻksida yigʻlashiga yoʻl qoʻysangiz, hechqisi yoʻq. Ammo hech qachon ikki manoli suhbatlar va jinsiy aloqalarga yoʻl qoʻymang. Agar siz oʻzingizni shunga oʻxshash xayollar bilan qoʻlga tushirsangiz, darhol ulardan chalgʻishga harakat qiling. Shuni unutmangki, nafaqat tanani, balki aql va qalbni ham asrash kerak. Agar ayol bilan munosabatlar noaniq xususiyat kasb etsa, bunday doʻstlikni toʻxtatgan maqul (ayniqsa dugonangiz siz belgilagan chegaralarga rioya qilish niyatida boʻlmasa). Muqaddas Kitobda zinodan saqlanish buyurilgani yodingizda boʻlsin (1 Korinfliklarga 6:18). Agar dugonangiz manaviyat va taqvoda oʻsishingizga xalaqit bersa, hech ikkilanmay u bilan aloqani uzing. Gunohdan qochishning hech qanday uyatli joyi yoʻq va Xudo, albatta, sizning adolat yoʻlida keltirgan qurbonligingizni munosib baholaydi. Agar siz gomoseksual moyilliklarni mustaqil ravishda engishga kuch topa olmasangiz va yordamga muhtoj boʻlsangiz, Undan yordam soʻrang. Bunday masalalar bilan shugʻullanadigan psixologga murojaat qiling yoki minglab masihiylarga turmush tarzini oʻzgartirishga va sogʻlom munosabatlarga intilishga yordam beradigan "Exodus International" tashkilotiga (www.exodus-international.com) murojaat qiling. Gʻurur yoki soxta uyatchanlik sizni davolanish umididan mahrum qilishiga yoʻl qoʻymang.

Tanlov oʻz qoʻlingizda. Agar Masihda boʻlsangiz, Uning qudrati har qanday vasvasani engib, iffatli qiz boʻlishingizga yordam beradi. Xudo sizga har tomonlama koʻmaklashishini va bu toʻgʻri yoʻlda sizni qoʻllab-quvvatlashini soʻraymiz.

Aziz doʻstim!

Oʻqigan kitobingiz haqida fikringizni bilmoqchimiz. Taassurotlaringiz, nima yoqqan yoki yoqmaganligi, bu kitobni doʻstlaringiz va tanishlarga tavsiya qilish istagi paydo boʻlgan-boʻlmaganligi haqida bizga yozing. Fikr-mulohazalaringizni quyidagi manzilga yuborishingiz mumkin:

Hope of Salvation Mission