Har bir qizning vasvasasi (kitobi SKACHAT LOTIN) .PDF
Ҳар бир қизнинг васвасаси (китоби SKACHAT) .PDF
- ayollar hayoti va ichki kurashi haqida kitob
Mundarija
Djosh Makdauelldan soʻzboshi
Bagʻishlovlar va minnatdorchiliklar
Ota-onalarga
Kirish soʻzi (Stiven Arterbern)
I-qism: Vasvasangizni tushunish
1. Oʻzimizga haqiqatni aytishga jazm etamiz
2. Boshida aytilgan rejaga qaytib
3. Iffatli va oriyatli hayot
4. Vasvasalarimizni kuchaytiruvchi afsonalar
II-qism: Oʻz-oʻzini halok qilishdan saqlanish
5. Jinsiy aloqaga nisbatan istagimizni kuchaytirganimizda
6. Koʻzgu doʻstimizga aylanganida
7. Haqiqatga taqqoslanib
8. Buzuq doirani uzish
III-qism: Boshqalarni vasvasaga tushirmaslik
9. Hukmronlik qilishga tashna boʻlganimizda
10. Taassurot uygʻotish uchun kiyinamizmi?
11. Noz-karashma qilish yoki qilmaslik?
IV-qism: Oʻz ongingizni himoya qilish
12. Ong jangida gʻolib chiqish
13. Davolovchi ochlik
14. OAV va u bilan qanday kurashish kerak
V-qism: Oʻz qalbingizni himoya qilish
15. His-tuygʻular bilan kurashda gʻolib chiqish
16. Ketish mumkin!
17. Ehtiyotkorlik bilan harakatlanish
18. Qayerda toʻxtashni bilish!
VI-qism: Oʻz tanangizni himoya qilish
19. Oʻz tanangiz ustidan gʻolib kelish
20. «Texnik» bokiralik
21. “Tormozsiz” jinsiy aloqa
22. «Axir bir-birimizni sevamiz!»
VII-qism: Muhabbatni kerakli joydan izlang
23. Sizga kerak boʻlgan Zot
24. Unga kerak boʻlgan qiz boʻlish
25. Isoga oshiq boʻlish
Xotima
21-BOB
“Tormozsiz” jinsiy aloqa
Sizlarning muqaddas boʻlishingiz Xudoning irodasidir. Shuning uchun jinsiy axloqsizlik qilmang. Har biringiz muqaddaslik va izzat–hurmatga loyiq tarzda oʻzingizni tuta bilishingiz kerak. Xudoni bilmagan butparastlarday shahvoniy hirsga qul boʻlmang.
2003 yil 19 iyunda "Xayrli tong, Amerika" radioeshittirishida oʻsmirlarning 20 foizi 15 yoshga toʻlmasdan jinsiy aloqaga kirishgani haqida xabar berildi. 2001 yilda Kasalliklarni nazorat qilish markazi yuqori sinf oʻquvchilarining 45,6 foizi jinsiy aloqa munosabatlarida ekanligini malum qildi. Gazetadagi "Tiyilish qanchaga tushadi?" sarlavhali maqolada Meri Mixen shunday deb yozadi: "Taxminan 600 nafar oʻsmir oʻrtasida oʻtkazilgan soʻrov natijalariga koʻra, oʻzlariga tiyilish haqida vada berganlarning 61 foizi bir yil ichida bu vadasini buzishgan. 39 foizi oʻzlari bergan vadaga rioya qilishlarini takidlashadi, ammo ularning yarmidan koʻpi ogʻiz orqali jinsiy aloqa qilishlarini tan olishgan."
Biz suhbatlashgan yosh ayollarning aksariyati turmush qurishdan oldin jinsiy aloqa qilish niyatida boʻlmaganliklarini aytishadi. Qizlar bokiraligining qimmatbaho inomini berishga nima majbur qilyapti? Yoki, agar u jismonan bokira boʻlib qolsa ham, nima uni jinsiy faollikning boshqa shakllariga, masalan, ogʻzaki jinsiy aloqa yoki oʻzaro masturbatsiyaga berilishiga majbur qiladi? Aftidan, bunday qiz nafaqat aqli va yuragini, balki tanasini ham saqlay olmagan - bularning barchasi xavfsizlikning qatiy chegaralarini oʻrnata olmaganidandir.
Tormozsiz jinsiy aloqa
Ehtimol, siz “yosh ayollar haqiqiy, jiddiy munosabatlarni juda xohlaganlari uchun har xil jinsiy aloqalarga berilib ketishadi va ular juda qimmatga boʻlsa ham, baribir turmushga chiqishga umid qilishadi” deb oʻylayotgandirsiz. Biroq bugungi kunda koʻplab aloqalar ortida mutlaqo boshqa mulohazalar turibdi. 1970-1980 yillardagi jinsiy inqilob davridan beri koʻplab odamlar nafaqat nikohdan tashqari, balki notanish sheriklar bilan ham jinsiy aloqaga kirishadilar. Soʻnggi oʻn yilliklarda jinsiy aloqaga fakultativ mashgʻulot, yoqimli vaqt oʻtkazish sifatida qarala boshlandi. Koʻpgina yosh ayollar bizga "bir oz oʻynab-kulish va bir-birini turtish"
"oʻynash doʻstlar" endi odatiy holga aylandi. Boshqacha aytganda, hech kim bildirmaydigan va kutmaydigan hech qanday oʻzaro majburiyatlarsiz eng oddiy qoʻshilish sodir boʻladi. Odamlar uchrashadilar, juftlashadilar va keyingi sherikni topish uchun qochadilar.
Bu tendentsiyani Meri Bet Markley va "USA Today" jurnali tasvirlaydi. U oʻz maqolasida Yel universiteti talabasi Natali Krinskiydan iqtibos keltiradi, u 2002 yil 1 noyabrda universitet gazetasi "Yale Daily News"da "Jinsiy aloqa va shahar" ruknida quyidagilarni yozgan:
"Ayol erkak bilan besh daqiqa gaplashib, u bilan jinsiy aloqada boʻlish-boʻlmasligini tushunishi kifoya. Lekin... yigit oʻzi xohlamaguncha uni qarmoqqa ilintirishmoqchi ekanliklarini sezmasligi kerak... Yotoqdan keyin yigitlar odatda oʻzlarini noaniq tuta boshlaydilar [sizga etibor bermaydilar]. Shunday qilib, ular ayollardan qasos olishadi. U siz bilan yana yotishni xohlaydimi? Nomalum. Uchrashish?.. Nomalum. Balki u gomikdir? Nomalum. Uning ismi nima edi? Nomalum!
Ming afsuski, bugungi kunda nafaqat imonsizlar "tormozsiz jinsiy aloqa" qilishga moil. Sizni bu fikrdan qaytarishi mumkin boʻlgan odamlar bor, Kelli ulardan biri. Bir kuni kechqurun doʻstlari bilan plyajga ketayotganda, u "ilintirish" niyatida emas edi (faqat yoqimtoy yigitni koʻrmagunicha). Kelli hikoya qiladi:
"U yigit emas, balki orzu edi: chiroyli, juda kelishgan va hokazo. Kechasi uning mashinasida uyga ketayotgan edik, u meni uyiga taklif qilganida, rad etmadim. Biz bir-ikki daqiqa gaplashib oʻtirdik, keyin oʻpisha boshladik. Yana bir necha daqiqadan soʻng kiyimlarim polga uchib tushdi va men bokiraligimni bir necha soat oldin uchratgan yigitga topshirdim. Nega uni toʻxtatmaganimni bilmayman. Hammasi shunchalik tez sodir boʻldiki, oʻylashga vaqtim boʻlmadi."
Kelli toʻsatdan dunyongizni larzaga solgan yigit, agar siz oʻz vaqtida ishonchli jismoniy ramkalar haqida gʻamxoʻrlik qilmasangiz, uni vayron qilishi mumkinligini tushundi. Nikol dunyosi ham taxminan shunday vayron boʻlgan, faqat bu birgina tasodifiy aloqa emas, balki koʻplab jinsiy munosabatlar natijasi edi. Nikol hikoya qiladi:
"Oʻn besh yoshimdan boshlab, goh u yerda, goh bu yerda aloqalarda boʻlganman, lekin men har doim oʻzimga "zavqli dam olish uchun doʻstlar" tanlashga harakat qilardim. Menga ular bilan oʻpishish va peting qilish yoqardi, lekin ular, albatta, jinsiy aloqa qilishni xohlashardi va men qarshilik qilmasdim. Oʻzim xohlagan narsani olishni istasam, ularga xohlagan narsasini berishim kerakdek tuyulardi. Vaqt oʻtishi bilan bunday munosabatlar menda odat tusiga kirdi. Dam olish kunlari oʻzimga bir yigitni koʻrish va u bilan uchrashish uchun men ataylab futbol oʻyinlariga yoki qandaydir ziyofatlarga borardim.
Yigit bilan ogʻiz orqali jinsiy aloqa qilish men uchun konfet eyish bilan barobar edi. Uni mutlaqo bilmasligimga tupurdim. Men notanish odamlar bilan munosabatda boʻlish yanada yaxshiroq deb hisoblardim: keyinchalik noqulaylik yoki tarang munosabatlar boʻlmaydi. Ammo buning oqibati dahshatli edi: doimiy tushkunlik, gʻazab, rashk, oʻziga ishonchsizlik va oʻzimni mutlaqo ahamiyatsiz his qilish. Oʻzimdan nafratlanib, oʻzimni oʻldirish haqida jiddiy oʻyladim."
Yaxshiyamki, Xudo Kelli va Nikolga vaziyatdan chiqishning boshqa yoʻlini koʻrsatdi. "Teen Mania" (www.teenmania.org) tashkiloti qoshidagi "Quduq yonidagi ayol" guruhi mashgʻulotlariga qatnay boshlagach, ular oʻzlarining nosogʻlom xulq-atvorlari sababini tushunib etishdi. Bugungi kunda ularning ikkalasi ham yaxlit jinsiy hayot kechirmoqda va tengdoshlarini Xudoga va jinsiy poklikka qaytarishga qatiy qaror qilishgan.
Kollejga tayyorgarlik boʻyicha qisqacha kurs
Tayyorlaning. Aksariyat universitet shaharchalarida tasodifiy jinsiy aloqa kutubxonaga tashrif buyurish kabi odatiy holdir. Kollejga kirish yoki mustaqil hayot kechirish uchun ota-onangizning uyini tark etganingizda, siz kuchli jinsiy vasvasalarga duch kelishingiz mumkin, shuning uchun oldindan qatiy jismoniy chegaralar haqida oʻylang!
Boston kolleji talabasi Anna Shleelyayn talabalar yotoqxonasida yashovchi yoshlar doimo duch keladigan jinsiy vasvasalar manzarasini yorqin tasvirlaydi.
"Kollej talabalarga toʻlib-toshgan. Bu aqlga sigʻmaydigan narsa. Bizni - jinsiy mayl avjiga chiqqan olti ming nafar yoshlarni olib, yotoqxonalarga tiqishtirishdi, u yerda toʻshakdan boshqa oʻtiradigan joy yoʻq edi. Qarama-qarshi jins vakillari, xuddi siz bilan bir xil jins vakillari kabi, bir zinapoya oraligʻida, bazan esa qoʻshni eshik orqasida yashaydilar."
Shunga qaramay, koʻplab yoshlar iffatli hayot kechiradilar, shuning uchun buning iloji yoʻq deb oʻylamang. Faqat aql va yurakni asrash, mustahkam jismoniy chegaralarni oʻrnatish kerak. Aytgancha, agar oʻrta va yuqori sinflarda shu doirada yashasangiz, keyinroq, talabalik yillarida va undan keyin ham shahvoniy vasvasalarga qarshi turish ancha oson boʻladi.
Davom etishdan oldin, keling, dunyodagi eng yaxshi hayot darsligi tasodifiy jinsiy aloqa haqida nima deyishini koʻrib chiqaylik.
Muqaddas Yozuvni oʻrganish
Sizningcha, Xudo "oʻynash doʻstlar" va "tasodifiy aloqalar"ga qanday munosabatda? Bunday jinsiy munosabatlarga nisbatan Xudoning nuqtai nazari qanday ekanini tushunish uchun, keling, Muqaddas Kitobning ayrim parchalarni koʻrib chiqaylik.
«Shuning uchun Xudo ularni oʻz yuraklaridagi chirkin ehtiroslari ogʻushida qoldirdi. Shu sababdan ular bir–birlari bilan behayo ishlar qiladilar. Ular Xudoning haqiqatini yolgʻon bilan almashtirib, Yaratuvchiga emas, balki yaratilganga sajda qilib, xizmat qiladilar. Yaratuvchi Xudogagina to abad hamdlar boʻlsin! Omin. Haqiqatni rad qilganlari uchun Xudo ularni oʻzlarining behayo ehtiroslariga topshirdi. Hatto ayollar ham tabiiy jinsiy munosabatni notabiiy munosabatga almashtirib, bir–birlari bilan jinsiy aloqa qildilar. Xuddi shuningdek, erkaklar ham ayollar bilan boʻladigan tabiiy jinsiy munosabatdan voz kechib, bir–birlariga nisbatan shahvoniy hirs bilan yondilar. Erkaklar bir–birlari bilan behayo ishlar qilib, qilmishlariga yarasha jazo tortyaptilar». (Rimliklar 1:24-27)
Ushbu parchadan koʻrinib turibdiki, bunday munosabatlar Xudo ruxsat bergan chegaralardan ancha tashqarida. Etibor bering, Xudo bizga: "Qani, bas qil! Bunday qilish mumkin emas!” demayapti. U insonga jinsiy tanlov erkinligini beradi (24-oyatga qarang), ammo bu tanlov muqarrar ravishda tegishli oqibatlarni keltirib chiqaradi (27-oyatga qarang). Axloq murakkab emas: sogʻlom natijalarni xohlasangiz, sogʻlom jinsiy tanlov qiling. Quyidagi parchaga murojaat qilamiz:
«Sizlarning muqaddas boʻlishingiz Xudoning irodasidir. Shuning uchun jinsiy axloqsizlik qilmang. Har biringiz muqaddaslik va izzat–hurmatga loyiq tarzda oʻzingizni tuta bilishingiz kerak. Xudoni bilmagan butparastlarday shahvoniy hirsga qul boʻlmang. Jinsiy hayot tarziga kelganda, oʻz birodarlaringizning ishonchini suiistemol qilmang, ularga xiyonat qilmang. Bunday qilganlarni Egamiz jazolaydi. Biz sizlarga bu haqda oldindan aytib, qattiq ogohlantirganmiz. Xudo bizni harom yoʻldan yurishga emas, balki muqaddas boʻlib yashashga chaqirdi. Shunday ekan, kim mana shu talimni rad etsa, insonlarni emas, sizlarga Oʻz Muqaddas Ruhini beradigan Xudoni rad qilgan boʻladi». (1 Salonikaliklar 4:3-8)
Oxirgi oyatning manosini tushundingizmi? Xudoning jinsiy poklik haqidagi talimotini rad etsak, Xudoning Oʻzini rad etgan boʻlamiz. Uning nazdida bizning buzuqligimiz yoki tasodifiy aloqamiz jirkanch hid taratuvchi qabihlikdir. Bu soʻzlar sizga juda keskin tuyulishi mumkin, lekin shunday yozilgan va biz Muqaddas Kitobda yozilganlarini oʻzgartirib, jinsiy nopoklik unchalik qoʻrqinchli emasdek taassurot qoldirmoqchi emasmiz. Koʻpgina tengdoshlaringiz tanlagan yoʻllardan yurmaslik uchun, Xudoning nikohdan tashqari jinsiy aloqalarga (nafaqat jinsiy aloqaga, balki har qanday shunga oʻxshash harakatlarga: ogʻiz orqali va orqa orqali jinsiy aloqaga, oʻzaro masturbatsiyaga va lesbiyanlikka) boʻlgan munosabatini aniq tasavvur qilishingiz juda muhim. Men va hammuallifim sizdan quyidagi qarorlarni qabul qilishingizni soʻraymiz:
- Rabbimizni ulugʻlash niyatingizni aks ettiruvchi sogʻlom jismoniy chegaralarni oʻrnatish va qoʻllab-quvvatlash;
- Xudoning mukammal niyatiga muvofiq yashash, yani nikohdan oldin jinsiy munosabatlarni kechiktirish kerak;
- bu dunyoda boʻlishi mumkin boʻlgan eng yaxshi jinsiy munosabatlardan bahramand boʻlish, bir ayol va bir erkak oʻrtasidagi nikohda, butun umr davomida.
Biz bir necha bor eslatib oʻtgan oqilona jismoniy chegaralar nimani ifodalaydi? Eng boshidan, yani siz birinchi marta kimgadir etibor bergan paytingizdan boshlaymiz. Shuni unutmangki, gap vaqtinchalik muloqot uchun jismoniy chegaralar haqida bormoqda, shuning uchun biz bu yerda doʻstlik haqida gaplashamiz; malum majburiyatlar bilan bogʻlangan munosabatlar uchun chegaralarga kelsak (sevgilim), ular haqida keyingi bobda gaplashamiz.
Doʻstingiz chegaradan oʻtishga yoʻl qoʻymaydi
Sizning munosabatlaringiz oddiy tanishuvdan doʻstlikka aylanganda, chegaradan oʻtish vasvasasi paydo boʻlishi mumkin, bu sizning (yoki uning) sogʻlom fikrlash qobiliyatingizni xavf ostiga qoʻyadi. Bu xavfning oldini olish uchun doʻstlikning tabiatini eslang. Doʻstlar bir-birlari bilan samimiy suhbatlashadilar, birga oʻyin-kulgi qiladilar, bir-birlariga gʻamxoʻrlik qiladilar va hokazo. Biroq, ular bir-birining boshini aylantirishga yoki jinsiy qiziqishni uygʻotishga urinmaydilar. Oʻrtoq oʻz doʻstining aqli, qalbi, jismi va ruhiga gʻamxoʻrlik koʻrsatadi va uning xavfli ahvolga tushib qolmasligi uchun nimalardandir kechishga tayyor boʻladi.
Koʻpincha yosh ayollar bu xavfli chiziqni kesib oʻtishlarini koʻrasiz (ularning erkak doʻstlarini qanday quchoqlashlarini koʻrsangiz). Yigitning boʻynidan quchoqlab olish yoki elkasiga qoqib qoʻyish mumkin, lekin koʻkrak bilan unga yopishib olish, xuddi ehtirosingiz joʻshib, uni yerga yiqitib yuboradigandek harakat qilish mutlaqo mumkin emas. Bu erkakda jinsiy qoʻzgʻalish uygʻotadi. "Yonma-yon quchoqlash" va elkangizga doʻstona qoqib qoʻyish bilan cheklaning. "Uchburchak quchoqlash" mutlaqo maqbuldir: siz biroz oldinga egilib, yigitning boʻynidan quchoqlasangiz, bu bilan siz hozir unga butun tanangiz bilan yopishasiz, degan taassurotdan qochasiz.
Koʻpincha qizlar yigitlarning tizzasiga oʻtirganini koʻramiz - shunchaki noz-karashma uchun yoki "boshqa oʻtiradigan joy yoʻq!" degan bahonada. Yigitning tizzasiga oʻtirishdan oldin bir narsani oʻylab koʻring: siz bunday holatni egallaganingizda, sizning jinsiy azolaringiz uning ustida boʻladi, bu, tabiiyki, uni juda hayajonlantiradi - hatto siz uchun bu shunchaki "uning tizzasida oʻtirish" deb atalsa ham. Bundan tashqari, agar siz unga yuzma-yuz boʻlsangiz, koʻkragingiz uning koʻz oʻngida boʻladi, shuning uchun u unga qaramasligi mumkin emas. Agar xonada juda koʻp odam yigʻilgan boʻlsa, yaxshisi polning biror joyiga joylashing. Yigitning yoniga "valet" boʻlib yotmang va oyogʻingizni uning ustiga qoʻymang, chunki bu ham qoʻzgʻatuvchi tasir koʻrsatadi. Agar doʻstingizga doʻstona munosabatda boʻlishni istasangiz, uning tirsagidan yuqorirogʻiga qoʻlingizni tekkizing, elkasiga urib qoʻying yoki yonidan siqib qoʻying.
Koʻkrak, son, dumba va jinsiy azolar har qanday teginish, ushlash, chimchilash, shapaloq va hokazolar uchun taqiqlangan hudud boʻlishi kerak - bu hatto hazil uchun ham mumkin emas. Hech kimga tanangizga tegishga ruxsat bermang - na kiyimingiz orqali, na kiyimingiz ostidan. Haddan tashqari ochiq choʻmilish kiyimlari va haddan tashqari kalta shorti kiymang.
Tanishlar va doʻstlar bilan munosabatlarda tanangizni jinsiy jihatdan xavfli vaziyatlardan himoya qilish usullari roʻyxatini, albatta, oʻzingiz davom ettirishingiz mumkin. Bu yoʻlda sizga donolik va sogʻlom fikr yoʻlboshchi boʻlsin. Agar munosabatlaringizda nimadir notoʻgʻri ekanligini his qilsangiz, demak, shunday boʻlishi mumkin. Sezgingizga ishoning va xavfsiz masofani saqlang. Bu bilan oʻzingizni ham, atrofingizdagi yigitlarni ham himoya qilgan boʻlasiz, qolaversa, boshqa qizlarga ham yaxshi oʻrnak koʻrsatgan boʻlasiz. Sizning oqilona xulq-atvoringiz ham Xudoni, ham boʻlajak turmush oʻrtogʻingizni hurmat qilishingizning belgisidir.
“Jinsiy axloqsizlikdan oʻzingizni olib qochinglar! Jinsiy axloqsizlik bilan gunoh qilgan oʻz tanasiga qarshi gunoh qilgan boʻladi, qolgan hamma gunohlar esa tanaga bevosita bogʻlanmagan holda qilinadi. Nahot bilmasangiz?! Qalbingizda maskan qilgan Muqaddas Ruhni Xudo sizlarga bergan. Tanangiz Muqaddas Ruhning mabadidir. Sizlar oʻzlaringizga tegishli emassizlar. Sizlar qimmat bahoga sotib olingansizlar. Shuning uchun oʻz tanangiz bilan Xudoni ulugʻlanglar” 1 Korinfliklar 6:18-20
