Har bir qizning vasvasasi (kitobi SKACHAT LOTIN) .PDF
Ҳар бир қизнинг васвасаси (китоби SKACHAT) .PDF
- ayollar hayoti va ichki kurashi haqida kitob
Mundarija
Djosh Makdauelldan soʻzboshi
Bagʻishlovlar va minnatdorchiliklar
Ota-onalarga
Kirish soʻzi (Stiven Arterbern)
I-qism: Vasvasangizni tushunish
1. Oʻzimizga haqiqatni aytishga jazm etamiz
2. Boshida aytilgan rejaga qaytib
3. Iffatli va oriyatli hayot
4. Vasvasalarimizni kuchaytiruvchi afsonalar
II-qism: Oʻz-oʻzini halok qilishdan saqlanish
5. Jinsiy aloqaga nisbatan istagimizni kuchaytirganimizda
6. Koʻzgu doʻstimizga aylanganida
7. Haqiqatga taqqoslanib
8. Buzuq doirani uzish
III-qism: Boshqalarni vasvasaga tushirmaslik
9. Hukmronlik qilishga tashna boʻlganimizda
10. Taassurot uygʻotish uchun kiyinamizmi?
11. Noz-karashma qilish yoki qilmaslik?
IV-qism: Oʻz ongingizni himoya qilish
12. Ong jangida gʻolib chiqish
13. Davolovchi ochlik
14. OAV va u bilan qanday kurashish kerak
V-qism: Oʻz qalbingizni himoya qilish
15. His-tuygʻular bilan kurashda gʻolib chiqish
16. Ketish mumkin!
17. Ehtiyotkorlik bilan harakatlanish
18. Qayerda toʻxtashni bilish!
VI-qism: Oʻz tanangizni himoya qilish
19. Oʻz tanangiz ustidan gʻolib kelish
20. «Texnik» bokiralik
21. “Tormozsiz” jinsiy aloqa
22. «Axir bir-birimizni sevamiz!»
VII-qism: Muhabbatni kerakli joydan izlang
23. Sizga kerak boʻlgan Zot
24. Unga kerak boʻlgan qiz boʻlish
25. Isoga oshiq boʻlish
Xotima
16-BOB
Ketish mumkin
[Qizim], soʻzlarimni eshit, aytganlarimga quloq sol. Ularni koʻz oldingdan qochirma, yuragingning qarida saqlagin. Chunki ularni topganlarga hayot, butun tan–joniga malham boʻladi.
Hikmatlar 4:20-22
Har birimiz u yoki bu sababga koʻra kimdir nigohimizni oʻziga qaratgan holatni eslashimiz mumkin.
Balki rok-guruhning kontsertida ajoyib gitarachiga etibor bergandirsiz, balki dugonangizning akasi shunchalik yoqimtoyki, uni shunchaki tomosha qilish mumkin. Ehtimol, sizning xaridlaringizni mashina oldiga olib keladigan supermarketdagi chiroyli yugurdak yigitning ajoyib tabassumi bordir va siz uning xayrlashuv soʻzlarida "Hammasi yaxshi boʻlsin. Yana biznikiga keling!" - degan yashirin manolar bordir.
Toʻsatdan biror yigit sizga yoqimtoy boʻlib koʻrinsa, bundan qoʻrqish kerakmi? Xavfli yoʻlga qadam qoʻymayapsizmi? Balki kimnidir chiroyli deb topib, qalbingizni asrab qolmagandirsiz? Aslo unday emas! Siz Muqaddas Yozuvlarga zid keladigan hech qanday ish qilmadingiz, hech qanday qasamni buzmadingiz va bu vaziyatlarda har qanday aybdorlik hissi yolgʻon boʻladi. Boʻling
Mutlaqo xotirjamsiz: koʻzlaringiz sizga sadoqat bilan xizmat qilmoqda, shuning uchun bunday goʻzallikni yaratgani uchun Xudoga minnatdorchilik bildirishingiz mumkin. Yigitning etiboringizni tortishida hech qanday jinoyat yoʻq va bu bobda biz hissiy aloqaning "yashil darajasi" haqida gaplashamiz, uning birinchi bosqichi diqqatdir.
U sizning etiboringizni tortganda
Birinchi kurs talabasi Sara universitet kutubxonasida oʻtirganida, eshik ochilib, juda yoqimtoy bir erkak kirib keldi. "Voy, sen-ey! Bu mening boʻlajak erim shekilli! - deb hazilomuz xitob qildi u dugonasiga, shunda yonida turgan ayol xotirjamlik bilan javob berdi: - Kechirasan, jonim, bu mening erim! Garchi bunda qizarishning hojati boʻlmagan va u mutlaqo hech qanday gunoh qilmagan boʻlsa-da, bu soʻzlarni eshitib, Saraning qanchalik qizarib ketganini gapirib oʻtirishning hojati yoʻq.
Chiroyli yigitni payqaganimizda, u bizning etiborimizni tortadi. Bu mutlaqo normal, sogʻlom va tabiiydir, - hatto keyinchalik u bilan yaqinroq uchrashish yoki tanishishning iloji yoʻqligi malum boʻlsa ham. Hissiy aloqangiz darajasi chegaradan chiqmaguncha "yashil signal," siz oʻzingizni ayblashingiz shart emas.
Koʻpchilik yosh qizlar bizdan: "Chiroyli erkakka boshqalarga boʻlgani kabi etibor bermaydigan vaqtim kelarmikin?" deb soʻrashadi. Ha, vaqt oʻtishi bilan, balogʻatga etish bilan qarama-qarshi jinsga boʻlgan qiziqishingiz kamayadi, lekin u izsiz yoʻqolib ketmaydi. Yodingizda tuting: muhabbat, etibor, mehribonlik va ruhiy yaqinlik istagi inson tabiatiga xosdir. Maktabni bitirganingiz, barmogʻingizga nikoh uzugini taqqaningiz, farzandli boʻlganingiz, keksayganingiz, sochingiz oqargani va ajinlar bilan qoplanganingiz bilan u oʻzgarmaydi. Bu istakning yoʻqligi faqat bir narsani bildiradi: siz oʻlgan boʻlasiz.
Shu kuni jang maydonidan ziyofat dasturxoniga oʻtasizlar. U yerda, Iso bilan birga boʻlganingizda, eng yaxshi taomlar bilan oziqlanasiz (Zabur 62:5).
Keyingi bosqichga oʻtishdan oldin diqqat darajasi bilan bogʻliq keng tarqalgan bir afsonani bartaraf etmoqchimiz.
Agar bu sevgi boʻlsa-chi?
Siz yigitga tikilib qoldingiz va oʻzingizdan soʻradingiz: "Balki bu bir qarashdagi muhabbatdir?" Boʻlmagan gap.
Bunaqa narsa umuman yoʻq. Bir qarashda faqat etibor boʻladi. Muhabbat toʻsatdan mast boʻlib, boshni aylantirib yuboradigan narsa emas. Bu odam bilan uzoq va yaqin muloqotdan soʻng paydo boʻladigan jiddiy ishonchdir. Agar kimdir sizning etiboringizni qozongan boʻlsa, bu uning allaqachon qalbingizni zabt etganini anglatmaydi. Bu faqat vaqt oʻtishi bilan va faqat sizning ruxsatingiz bilan sodir boʻlishi mumkin.
Etibor koʻrgan narsangizga asoslanadi va garchi sizning nigohingiz chiroyli erkakka toʻxtashi mumkin boʻlsa-da, bu hali sizni unga tortishiga kafolat bermaydi. Odam bilan bir necha bor gaplashib, uni yaxshiroq bilib olganingizdan keyingina etibor qiziqishga aylanadi.
Buning isboti uchun bir misol keltiramiz. Aytaylik, siz yoqimtoy yigitni koʻrib qoldingiz va darhol uning singlisiga baqirganini, mashinasi bilan maqtanayotganini yoki kimnidir gʻazab bilan soʻkayotganini eshitdingiz. Sizda bunday odamga nisbatan mayl paydo boʻladimi? Boʻlishi mumkin emas! U qanchalik basavlat boʻlmasin, sizda unga nisbatan mehr uygʻonmaydi. U sizning etiboringizni tortdi, lekin u sizni oʻziga tortmadi. Boshqa tomondan, siz tashqi koʻrinishidan hech qanday etiborga loyiq boʻlmagan yigitni uchratishingiz va dastlab unga umuman etibor bermasligingiz mumkin, ammo uni yaqindan taniganingizdan soʻng, uning nimasi sizga yoqishini his qilasiz. Buning sababi shundaki, ularga ayol kerak, ayol esa "koʻzlari bilan emas, quloqlari bilan sevadi."
Endi hissiy aloqaning ikkinchi darajasi - maylga oʻtamiz. (15.1-rasmga qarang).
Diqqat-etibor qiziqishga aylanganda
Agar yigitni etarlicha yaxshi tanisangiz, u sizga haqiqatan ham yoqishini tushunsangiz, etibor - maylga aylanadi. Yana bir bor aytamanki, mayl tuygʻusida hech qanday gunoh yoʻq. Biroq, bu yigit bilan uchrashish yoki yaqinlashishni boshlash uchun u sizga allaqachon yashil chiroqni koʻrsatyapti deb oʻylamang.
Agar sizda kimgadir moyillik paydo boʻlgan boʻlsa, bu zudlik bilan bu borada qandaydir choralar koʻrishingiz kerakligini anglatmaydi (garchi ommaviy axborot vositalari sizni aksincha ishontirsa ham). Agar siz doʻstlaringizdan biriga moyil boʻlsangiz, u bilan oʻynashishni boshlashingiz va shu bilan munosabatlaringizni sifat jihatidan yangi, shahvoniy darajaga olib chiqishingiz kerak deb oʻylamang. Siz hissiyotlarning ojiz quli emassiz. Siz u bilan yaqinlashishga, ayniqsa, jinsiy aloqa qilishga "mahkum" emassiz, goʻyo bu yerda endi hech narsa qilib boʻlmaydigandek. Aslida, agar kerak boʻlsa, siz uni umuman etiborsiz qoldirishingiz mumkin - yoki yoshingiz oʻrtasidagi farq juda katta, yoki u bilan qiziqishlaringiz va qadriyatlaringiz butunlay farq qiladi, yoki bazi holatlar oʻrtasidagi munosabatlarni imkonsiz qiladi. (Taqiqlangan munosabatlar haqida 18-bobda batafsil toʻxtalamiz.)
Shunday qilib, siz yigitga boʻlgan ishtiyoqni his qilishingiz mumkin va shunga qaramay, bu tuygʻuni notoʻgʻri rivojlantirishdan voz kechib, qalbingiz va tanangizni jinsiy nuqsonlardan himoya qilishda davom etishingiz mumkin.
Nima uchun bir odamga etibor beramiz-u, ikkinchisiga bermaymiz, buni tushuntirish qiyin emas. Nima uchun bizni u tomonga emas, bu tomonga tortishini tushunish qiyinroq. Bu yerda juda koʻp sabablar boʻlishi mumkin, ularning har biri oʻzimizga xos va koʻpincha yosh oʻtishi bilan orttirgan tajribamizga asoslanadi.
Oʻz hayotimdan misol keltiraman. Bir kuni oilamizning bir doʻstiga koʻnglim qattiq tortib qoldi. Men "imago-terapiya" nima ekanligini tushunib olmagunimcha, nima uchun bunday boʻlganini tushunolmadim ("imago-terapiya" - bu bazi odamlar shunchaki "sizning modelingizga mos keladi" va har bir shaxs oʻziga xos "model" ekanligini oʻrgatadigan usul). Shunday ham boʻladiki, dugonangiz sizga yangi yigitini zavq-shavq bilan maqtaydi, siz esa uni koʻrib, hayron boʻlasiz: "U yigitdan nima topdi ekan?" Hamma gap shundaki, u qizning ichki ideallariga mos keladi, siznikiga esa toʻgʻri kelmaydi.
Oʻz "modelim"ni biroz tushunib olgach, bu oilaviy doʻst akamga juda oʻxshashligini, oʻzini tutishi esa otamning xatti-harakatlarini eslatishini angladim. Uni jozibali deb topganimdan ajablanishim kerakmi? U mening modelimga mos kelardi. Lekin u meni shunchalik oʻziga jalb qilgan ekan, oʻrtamizda muqarrar ravishda ishqiy va jinsiy aloqa paydo boʻladi, degan fikrdan qoʻrqdimmi? Yoshligimda koʻp xatolarga yoʻl qoʻyishim mumkin edi, lekin baxtimga, qarama-qarshi jinsga etibor va moyillik inson tabiatiga xos ekanligini allaqachon bilardim. Men shunchaki bu odamning oldida oʻzimni qanday tutishimni kuzata boshladim va u bilan suhbatlashish uchun mavzu tanlashda meni nima harakatga keltirayotganini tekshira boshladim. Aslida ukam va otam bilan muloqot etishmasligini tushungan holda, ular bilan munosabatlarni yaxshilashga va mustahkamlashga harakat qildim.
Oliyroq boʻlgan maqsad
Xudo bizga hissiy aloqaning "yashil" darajalarini - etibor va maylni - zavqlanish mumkin boʻlgan sovgʻalar sifatida berdi. U Oʻzi yaratgan narsalarning goʻzalligini, shu jumladan, qarama-qarshi jins vakillarini ham koʻrishimiz uchun koʻz ato etgan. U bizga eshitish, soʻzlash va fikrlash qobiliyatini ato etganki, biz atrofimizdagi odamlar bilan muloqotda boʻlganimizda ular haqida tasavvurga ega boʻlamiz va ular bilan yaqinlashamiz. Xudo bir-birimizni qadrlashimiz va Masih sevgisida bir-birimizga intilishimizni istaydi.
Ammo Rabbimizning bundan ham oliyroq maqsadi bor, shu maqsadda u qalblarimizga bir-birimizga etibor va moyillik tashnaligini joylagan. U aqlimiz va qalbimiz bilan Unga murojaat qilishimizni istaydi. Biz Xudoni anglab etganimizda va payqaganimizda, moʻjizaviy Yaratuvchimizni bilish uchun vaqtni ayamasak, U bizga ajoyib Ër sifatida namoyon boʻladi, biz bilan chuqur hissiy aloqaga kirishadi va yuragimizni toʻldirishga qodir boʻlgan Oʻzining mehr-muhabbatiga intilish hissini uygʻotadi. Biz Isoni bu fazilatda taniganimizda, yer yuzidagi barcha sevgi va aloqalar Uning oldida ahamiyatsiz boʻlib qoladi.
“Ey Egam, sodiq sevging falaklarga etgaydir, Ey Egam, sadoqating samolarga choʻzilgaydir.
Odilliging buyuk togʻlarga oʻxshaydi, Adolating tubsiz dengizga oʻxshaydi,
Ey Egam, insonu jonivorlarni Sen saqlagaysan. Sodiq sevging, ey Xudo, naqadar bebahodir!
Qanotlaring soyasida insonlar panoh topadi. Ular uyingdagi nematlardan eb toʻyadi,
Lazzat toʻla daryoingdan ularga ichirasan.” Zabur 35:6-9
