33-Боб - Гувоҳ. Ўзбек тилида Аудио китоб Онлайн
Улар “Риц-Карлтон” меҳмонхонасига жойлашдилар ва янги келин-куёвдай бирга яшашди. Улар уйқудан жуда кеч уйғонишарди ва ётган ўриндиқларида тамадди қилиб бўлгач, бассейнда чўмилардилар. Кундузлари Қизил денгизда сузиб юришарди, кечқурунлари эса шоҳона ресторанларда кечки овқат ейишарди. Меҳмонхонага қайтгач, тўхтатиб бўлмайдиган ҳис-туйғуларга берилиб кетишарди.
Кундузлари ҳаво даражаси 30 бўлиб, шимолдан енгилгина шабода эсиб турарди. Кечалари ҳаво 15 даражадан паст бўлмас эди. Уларни ҳеч нарса безовта қилолмасди: момақалдироқ ҳам, ёмғир ҳам, телефон қўнғироқлар ҳам, электрон почта орқали келган хабарлар ҳам. Бундан ўзга яхши ҳаёт йўқ ва Тарик бу ҳеч қачон тугамаслигини жуда-жуда хоҳларди.
Кейинги кун Тарик вақтлироқ уйғонди ва эрталабки енгил югуришга чиқди. Монте-Карлода олган жароҳатлари тамомила яхши бўлиб кетди. Куч-қуввати борган сари қайта тикланарди. У кулиши, душхоналарда қўшиқ куйлаши мумкин эди. У севгидан маст бўлганди — ўзининг шундай кўтаринки кайфиятини йигит севги туфайли, деб ҳисобларди. Зеро бунинг бошқа сабабларини у билмасди.
Тарик ҳеч қачон бундай ҳис-туйғуни бошидан ке‑
чирмаганди, ҳаттоки Рания билан учрашиб юрган вақтда ҳам. Ранияга нисбатан унинг бошқача ҳис-туйғулари бор эди. Йигитнинг ўйлашича, бу ҳис-туйғулар умрининг сўнгигача сақланиб қолса керак. Аммо Рания ҳеч қачон унинг ҳис-туйғуларига жавоб қилмаган. Далиянинг унга
нисбатан муносабатлари умуман бошқача. Далия йигит‑
нинг кўнглини олишни хоҳларди. Йигит Далияга керак эди. Тарик Далия билан биргалигида ўзини жуда бошқача ҳис қиларди. Йигит қизни севиб қолганди, аммо бу ҳис-туйғу тўсатдан, кутилмаганда пайдо бўлди.
Пляж бўйлаб 4 миля югургандан сўнг, Тарик “Риц” меҳ‑
монхонасига қайтди ва ухлаб ётган Далияни безовта қил‑
маслик мақсадида уйга секингина кирди. Қиз гўё фаришта мисоли эди — унинг чиройи ва камтарлиги одамни тел‑
ба қилиб қўйиши мумкин эди. Эҳтимол, Тарик туш кў‑
раётгандир.
У душ қабул қилиб, кийинди. Бугун диққатга сазовор бўлган жойларни кўриши ёки магазинларни айланиши мумкин эди. Балки, улар бугун велосипед учиш билан ёки пара-сейлинг билан машғул бўларлар. Унга барибир. Улар бугун Далия нимани хоҳласа, шу билан машғул бўлади‑
лар. Йигитга фарқи йўқ. Ишқилиб, у қизнинг кўнглини
олиб, Далия билан бирга бўлса, бас.
— Хайрли тонг, — деди Далия ваннадан чиқиб келаёт‑
ган Тарикни кўргач.
— Хайрли тонг, — жавоб берди йигит Далияни ўпиб. — Кайфиятинг қалай?
— Ажойиб, — деди қиз, — қорним очиб кетди.
— Мен ҳам очқадим, — деди Тарик. — Сен душ қабул қилиб олгин, кейин иккимиз нонушта қилгани тушамиз, бугун нима билан шуғулланишимизни ўйлаб кўрамиз.
— Яхши, — деди қиз ва ваннанинг эшигини ёпишдан олдин яна бир бўса талаб қилди.
Қиз ваннада эканида Тарик у ер–бу ерни йиғиштиргандай бўлди. Далиянинг балконда қуриб турган кийимларини олиб, тахлади ва чамадонга жойлади. Кроватнинг тагида йигит қизнинг калитини ва уяли телефонини топиб олди. Уларни олиб, Далиянинг сумкачасига солаётганда, сумкадан пастга бир нечта хат тушиб кетди. Аслида бу тўланмаган
ҳисоблар эди. Бироқ конвертлардан бири унинг диққатини ўзига тортди.
Бу хат бир ҳафта олдин жўнатилган бўлиб, устида иордан маркаси ёпиштирилган эди. Конверт очиқ бўлгани учун ичидаги хатни ўқимасликдан ўзини тутиб туролмади. Тарик хатни ўқиб чиққандан кейин ғалати бўлиб қолди.
Менинг севикли Далиям!
Яқиндагина жўнатган хатинг учун сенга раҳмат.
Эндиликда Калим билан учрашмаётганлигинг‑
ни эшитиб, онанг ва менинг қанчалик хурсанд бўлга‑
нимизни сенга қандай етказишимни ҳам билмайман. Биласанми, биз унинг ҳаёт тарзини — наркотиклар қа‑
бул қилишини, спиртли ичимликлар истеъмол қилиши‑
ни, тунги саёҳатларини қўллаб-қувватламас эдик. Бу дунёда шундай одамга турмушга чиқишинг учун биз се‑
ни тарбиялаганимиз йўқ.
У масиҳий эмас, ёки имонли ва жиддий одам ҳам эмас.Сен у билан алоқаларингни узганингдан ва янги ҳаётга йўл қўяётганингдан биз ниҳоятда хурсандмиз.
Қизгинам, биз сени севиб, бутун ҳаётинг давоми‑
да сени ардоқлайдиган, сенга яхшигина ва имонли турмуш ўртоғи топишимизга қарши эмасмисан? Юсуф ҳақида нима дейсан? Бир ой олдин мен уни қавмбоши‑
нинг ёрдамчиси қилиб олганимни биласанми? У жамо‑
атда сидқидилдан меҳнат қилмоқда — болалар учун Муқаддас Китоб дарсларини, якшанбалик машғулот‑
ларни олиб бормоқда, ёшлар гуруҳини бошқариб келмоқ‑
да. Менинг ўйлашимча, унинг сенга ишқи тушган. Те‑
лефон рақамингни берайми, сенга қўнғироқ қилсинми? Биз онанг иккимиз беҳад хурсанд бўламиз.
Уйга қачон келасан? Биз сени жуда соғиндик, кўргимиз келяпти. Сен Юсуф билан учрашишинг мум‑
кин эди. Барча ака-укаларинг ва опа-сингилларинг сени соғинишган. Шу жумладан, мен ҳам.
Илтимос, жавоб ёзгин.
Сенинг севикли отанг.
Хат “Петр Байбл Черч” жамоатининг бланкасида яхши‑
лаб компьтердан чиқарилган эди. Конверт устида Иор‑
даниянинг жанубида жойлашган кичкинагина шаҳарча‑
нинг почта индекси кўрсатилганди.
Тарик таажжубланди. Бу нимаси? Далия — масиҳий? Унинг отаси — қавмбоши? Бу қандай бўлиши мумкин? Тушунарсиз. Далия спиртли ичимликлар ичса, наркотик‑
лар чекса. Уйланмаган бўлса-да, Тарик билан яшаётган бўлса. Бўйнига хоч тақиб юрмаса. Қўлида Муқаддас Ки‑
тоб кўтариб юрмайди. Йигитнинг тасаввурида, қиз ҳам Та‑
рик сингари, адашган қалб эгаси эди. Тарик учун дин, эътиқод ҳеч қандай роль ўйнамаган. Аммо у масиҳий оилада тарбия олмаган. Нима сабабдан Далия бундай му‑
ҳим нарсани ундан беркитди? Калим деган кимса ким бўл‑
ди экан? Юсуф-чи? Нималар юз бермоқда? Қиз Тарикдан яна нималарни беркитаётган экан?
Тарикнинг ўзи-чи? У қиздан ҳеч нарсани беркитмаяптимикан?
Guvoh 33-bob D-McDowell. Kitob O'zbek tilidagi yaxshi Audiokitob Online
