Сторми Омартиан. Ибодатгўй Аелнинг Кучи (27-боб) Ўзбек тилида ![Ibodatgo‘y ayolning kuchi. S.Omartian. Audiokitob Uzbek tilida](https://kitobook.com/kitoblar/images/obl/kitob_S_Omartian_Ibodatgoy_ayolning_kuchi.jpg)
МУНДАРИЖА
Ибодатнинг кучи
1-боб. Раббий, мени Ўзингга жалб эт, йўлларингдан юришни ўргат
2-боб. Раббий, мени покла, менда имонли юракни ярат
3-боб. Раббий, менга кечиришни ўргат
4-боб. Раббий, доимо Сенга итоатли бўлишимни ўргат
5-боб. Раббий, шайтон билан курашувимда иродамни мустаҳкамла
6-боб. Раббий, фикрларимни назорат қилишни ўргат
7-боб. Раббий, ҳаётимнинг барча жабҳаларида менга йўл кўрсат
8-боб. Раббий, Сенинг Каломингни чуқурроқ англашда менга ёрдам бер
9-боб. Раббий, ҳаётимда тартиб ўрнатишимга ёрдам бер
10-боб. Раббий, Сенинг ҳақиқий сажда қилувчинг бўлишимга ёрдам бер
11-боб. Раббий, меҳнатимни марҳаматла
12-боб. Раббий, Сенинг Руҳинг ҳосилини келтиришимга ёрдам бер
13-боб. Раббий, мени покликда ва ҳалолликда сақла
14-боб. Раббий, Ўзинг мени даъват қилган ишларга муносиб айла
15-боб. Раббий, одамлар билан тўғри мулоқот қилишимга ёрдам бер
16-боб. Раббий, доим Сени эшитишимга, Сенинг истагингни бажари шимга ёрдам бер
17-боб. Раббий, мени ва мен учун ардоқли бўлган нарсаларни сақла
18-боб. Раббий, тўғри йўл танлашда менга донолик ато эт
19-боб. Раббий, турли ёвузликлардан мени халос қил
20-боб. Раббий, мени салбий қарашлардан халос қил
21-боб. Раббий, ғам-ташвиш лаҳзаларида мени юпат
22-боб. Раббий, гуноҳга қарши туришим учун ёрдам бер
23-боб. Раббий, менга шифо бер, баданимни озода сақлашни ўргат
24-боб. Раббий, мени сохта қўрқувдан қутқар
25-боб. Раббий, Сенга қилган хизматим орқали одамларнинг меҳрини уйғотишимга ёрдам бер
26-боб. Раббий, менинг оғзимдан фақат ҳаётбахш сўзлар чиқсин
27-боб. Раббий, ишончим тоғларни суриб юборадиган аёл бўлишимга ёрдам бер
28-боб. Раббий, Масиҳга ўхшашим учун менга ёрдам бер
29-боб. Раббий, ўтмишимдан мени озод қил
30-боб. Раббий, ўзим учун тайёрлаган келажакка мени бошла
27-боб Раббий, ишончим тоғларни суриб юборадиган аёл бўлишимга ёрдам бер
Мен етти ёшга тўлганимда туғилган кунимга ингичка тилла занжир совға қилишди. Занжирнинг ўртасида соққачага ўхшаган кулон бўлиб, кулоннинг ичига хантал донаси жойлаштирилган эди. Мен ҳайрон бўлгандим: «Шу кичкина хантал донасини соққачага жойлаш шартмиди, бунинг устига бу уруғ донаси зўрға кўринса?» Ўшанда мен бу образ маъносини тушунмаган эканман.
Фақат бир неча йил ўтгач, бу кичкина хантал донаси сири менга аён бўлди. Исо шундай деганди: «…агар бир хантал донидай ишончингиз бўлса-ю, бу тоққа: «Бу ердан у ерга кўч», — деб айтсангиз, у кўчади; сизга ҳеч бир нарса имконсиз бўлмайди…» (Матто 17:20). Ўшандан бери қуйидаги савол мени қизиқтириб келади: нега донача бунчалик кичкина? Агар шу доначалик ишонч тоғни суриб қўйишга кифоя бўлса, унда менинг эътиқодим ҳаётимдаги ҳолатни ўзгартиришга қодир экан-да.
Агар биз итоатда яшасак, Худо бизнинг имонимизни мустаҳкамлаб боради. Муқаддас Китобда Худо «ҳар бир кишига қанча имон бергани» ҳақида айтилган (Рим. 12:3). Бошланғич паллада бизларда оз миқдорда бўлса ҳам ишонч мавжуд, ҳақиқат йўлида биринчи қадамларни қўйишимиз биланоқ, Худо эътиқодимизни кўпайтириб боради. Бошқача қилиб айтганда, ишончга қараб ҳаракат қилиш, ишонч эътиқодни кучайтиради.
Буни тушунасизми, ёки йўқми, барибир сиз ҳар куни ишонч билан яшайсиз. Шифокорга мурожаат қилиб, у тўғри шифо бераётганига ишонасиз. Аптекадан дори харид қилаётиб, фармацевтга ва унинг рецептга асосланиб тайёрлаган дорисига ишонасиз. Ресторанда тамадди қилаётиб, у ернинг ошпазлари сизни заҳарлаб қўймасликларига ишонасиз (лекин баъзи ресторанлар бошқаларга қараганда кўпроқ ишончга эгадирлар). Худога бўлган ишончимиз қанчалар тўғри!
Худо бизнинг ҳаётимизда қанчалар улкан ишлар бажармоқчи бўлганини биз тасаввур ҳам қилолмаймиз, агарда У бизга амр берганда, Унинг амрларини бажаришга биз тайёр бўлсак. Шунинг учун У бизга барча синовлардан ўтишимизга, заифлик ва кучсизлик даврини бошимиздан кечиришимизга имкон беради. Бизнинг диққат-эътиборимизни Ўзига қаратиш учун, барчамизни Ўзига жалб қилиш учун маълум ҳодисаларни бизнинг ҳаётимизда юз беришига имкон яратади. Айнан шундай пайтларда биз катта ишонч билан ибодат қилиш заруратини ҳис этамиз, натижада имонимиз янада мустаҳкамланиб бораверади.
Исо шундай деган: «…сизнинг ишончингизга яраша бўлсин» (Матто 9:29). Бизнинг ишончимизга кўп нарса боғлиқ экан, демак, биз қўрқадиган нимадир бор. Бизнинг имонимизни «ўстирадиган» кўплаб воситалар мавжуд, масалан, Худованднинг Каломи ёрдамида. Маълумки, имон эшитишда ҳосил бўлади (қаранг: Рим. 10:17). Агар сиз Худонинг ваъдаларига ишонсангиз, уларни овоз чиқариб айтсангиз, сизнинг имонингиз тез суратлар билан ўсиб боришини кўрасиз.
Ишонч ва имон биз ибодат қилганимизда ҳам мустаҳкамланиб бораверади, чунки ибодатда биз Худога яқинлашамиз, Унга тегиб ўтамиз. Кунларнинг бирида бир аёл Исонинг орқа томонидан йўлаб, кийимининг этагига қўл тегизиб ишонч билан шундай деди: «…Агар кийимига бир тегиб олсам бас, соғайиб кетаман» (Матто 9:20-22). Ҳар гал ибодатда Раббийга текканимизда, биз шифо топамиз, имонимиз эса ўсиб, мустаҳкамланиб бораверади.
Кунлар ўтган сари имонга муҳтож эканлигимизни ҳис қилаверамиз. Ҳар биримизнинг ҳаётимизда ишончимиз жуда керак бўладиган пайт келади. Ўшанда ишонч орқали биз муваффақият ва омадсизлик, ғалаба ва мағлубият, ҳаёт ва ўлим ўртасидаги тафовутни аниқ кўрамиз. Шунинг учун доимий ибодатимизда Худодан имонимизни мустаҳкамланишини сўрашимиз керак. Сизнинг имонингиз қанчалик суст бўлмасин, Худованд уни мустаҳкамланишига ёрдам беради.
Ҳатто имонингиз суст эканлигини ўзингиз ҳис этганингизда ҳам, барибир сиз тоғларга жойидан силжишини буюрсангиз бўлди, Худо иложсиз нарсани амалга ошириш йўлини топади. Сиз ўз ҳаёт йўлингиз тўғриланишини, шифо топишингизни ва барбод бўлган ҳаётингиз қайта тикланишини ибодат қилиб сўрашингиз мумкин. Сиз Худодан имонингиз мустаҳкамланишини, ҳақиқат йўлида юришингизда сизга У дадиллик иноят этишини сўрашингиз мумкин. Ва У албатта сизга жавоб қайтаради.
Худованд ваъдаларининг қай бирига сиз эришмоқчисиз? Ҳеч шак-шубҳасиз қандай ишонч билан Унга ибодат қилмоқчисиз? Ҳаётингиздаги ёки бошқа одамнинг ҳаётидаги қандай ўзгаришлар ҳақида катта ишонч билан ибодат қилмоқчисиз? Сиздаги ишонч уруғини олиб, ундан катта, улкан ишонч дарахти ўстиришини Худодан сўранг, токи бу дарахтни сиз ўз кўзингиз билан кўринг.
Ибодат
Эй, Раббий, менинг имонимни мустаҳкамла, «кўриш билан эмас, эътиқод билан яшашни» менга ўргат (2 Кор. 5:7). Сенинг ҳақиқатингда мустаҳкам туришим, Сенинг ҳар бир сўзингга ишонишим учун менга куч ато эт. Мен Сенинг сўзларингни имон билан қабул қилмаганликлари учун фойдаси бўлмаган одамларга асло ўхшамоқчи эмасман (Ибр. 4:2). «Имон — эшитишдан, эшитиш эса — Масиҳ Каломини ваъз этишдан ҳосил бўлишини» мен биламан (Рим. 110:17). Ҳар гал Сенинг Каломингни ўқиганимда ёки эшитганимда ишончим ўсишга ёрдам бер. Сенинг ваъдаларинг менинг ҳаётимда амалга ошишига ишонишимда ёрдам бер. Менинг олтиндан ҳам қимматли бўлган имоним синовдан ўтиб, Сенга мақтов ва шон-шарафлар келтириши учун ибодат қиламан (қаранг: 1 Бут. 1:7).
«Имон — умидвор бўлган нарсаларнинг мужассамланишидир, имон билан биз кўринмайдиган мавжудотга амин бўлишимизни» мен биламан (Ибр. 11:1). Мен «Худодан иноят топиб, имоним туфайли қутилганлигимни» ҳам, бу Сенинг ҳадянг эканлигини ҳам биламан. Менинг имонимни мустаҳкамла, зеро менинг ибодатим ишонч ибодати бўлсин, чунки имонлининг ибодати кўп нарсага қодир. Ҳар гал касал бўлганлар учун ибодат қилганимда, улар шифо топиши учун ишонишимга ёрдам бер. Инсоннинг муҳтожлигини кўриб, у учун ибодат қила олмайдиган, ҳамма нарса фақат яхши бўлишига ишонмайдиган, ишончи заиф аёл ҳолатига тушиб қолишни истамайман.
«Имон қалқони»ни қўлга олиб, у билан «ёвуз шайтоннинг қиздирилган ҳамма ўқларини учиришимга» ёрдам бер. (Ефес. 6:16). «Ҳеч шубҳаланмай Сендан сўраш»ни менга ўргат, чунки «шубҳа қилувчи киши шамолда тебранган денгиз тўлқинига ўхшайди», уни шамол кўтариб, йўқ қилиб юборади. «Ўзининг бутун йўлларида беқарор, иккиланувчи бундай одам» Сендан ҳеч нарса ололмаслигини мен биламан (қаранг: Ёқуб 1:6-8). «…Эътиқодга асосланмаган ҳар бир иш — гуноҳлигини» мен биламан (Рим. 14:23). Сенга нисбатан билдирган ҳамма шубҳаларим гуноҳ эканлигини тан оламан, мени кечиришингни Сендан сўрайман. Менинг шубҳаларим Сенинг ўйлаганингни амалга оширишинг учун, менда ва мен орқали Сенинг ниятларинг рўёбга чиқиши учун халақит беришини мен истамайман. Ҳар куни менинг имонимни мустаҳкамла, токи мен Сенинг номинг билан тоғларни сура олайин.
МУҚАДДАС КИТОБДАН
сизнинг ибодатларингизни таъсирчан қиладиган оятлар
Ишонмасдан эса Худонинг розилигини топмоқнинг имкони йўқ. Ким Худога яқинлашмоқчи бўлса, Унинг борлигига ишонмоғи лозим, Худо Уни изловчиларга мукофот беришига эътиқод қилмоғи шарт.
Ибр. 11:6
Агар одам ишонса, ҳамма нарсанинг имкони бор.
Марк 9:23
Чиндан, сизларга айтаманки: агар бир хантал донидай ишончингиз бўлса-ю, бу тоққа: „Бу ердан у ерга кўч», — деб айтсангизлар, у кўчади. Сизга ҳеч бир нарса имконсиз бўлмайди.
Матто 17:20
Раббимиз Исо Масиҳга бўлган имонимизни инобатга олиб, Худо бизни оқлади ва биз билан сулҳ тузди.
Рим. 5:1
Шу сабабдан беҳад хурсандсизлар. Ҳозир турли васвасалар туфайли бироз қайғуришингизга тўғри келса-да, лекин бу васвасалар имонингизни синаш учун фойдали эканлигини билинглар. Ҳатто фоний олтин ҳам оловда тобланиб, синалади. Шу сингари, олтиндан ҳам қимматли бўлган имонингиз синовдан ўтиб, Исо Масиҳ осмондан зоҳир бўлгач, сизларга мақтов ва шон-шараф келтирсин.
1 Бут. 1:6-7
Книга на узбекском языке: Сила молящейся женщины (Сторми Омартиан)