Вера Самарина. Ҳомиладорлигим кундалиги - (10 ой 40 ҳафта — 280 кун) Китоб Ўзбек тилида
Homiladorligim kundaligi (Vera Samarina) O‘zbek tilida Audiokitob
Мазкур китобни мен
қизим Аринушкага ва
ёруғ дунёга келадиган
барча болаларга бағишлайман.
10 ой 40 ҳафта — 280 кун
Меҳрибон онажоним!
Биламан, сизга ҳозир осон эмас... Қорнингиз катталигидан кечалари ҳам яхши дам ололмаётган бўлсангиз керак. Тўшагингиз қулайлигига эътибор беринг. Керак бўлса кўпроқ ёстиқлардан фойдаланиб, ўзингиз учун қулай жой яратинг: зарур бўлса ёстиқларни қорнингиз тагига ҳам, оёқларингиз орасига ҳам қўйинг. Ўнг томонингизда ётганингиз яхшироқ.
Ҳомиладорликнинг қирқинчи ҳафтаси, энг узун ҳафта бўлиб туюлади! Бу ҳафта сўнгги ҳафта бўлмаслиги ҳам мумкин. Ким билсин, балки Худо туғруқни икки ҳафта кейинга сурар?! Энг муҳими, дард ўзи келсин — Худо белгилаган вақтда. Шундагина туғруқ енгилроқ ўтади ва қаттиқ оғриқлардан ҳоли бўласиз. Озгина чалғишингиз учун, келинг, ичингизда ўтказган вақтимнинг қисқа ҳисоботини берайин.
Менинг баданим уруғланган тухум ҳужайрасидан, яъни зиготадан бошлаб, шу онгача ҳужайра бўлинишининг 45 циклидан ўтди. Бир дона ҳужайрадан мен Худонинг суратида яратилган онгли мавжудотга айландим. “Ҳомиладорлик даври қанча вақтга чўзилди?” деб сўрарсиз. Мен ичингизда 9 календарь ойи, яъни қамария ҳисоби бўйича 10 ой бўлдим, бу эса 40 ҳафтага ёки 280 кунга тўғри келади. Шифокорларнинг айтишича, боланинг она қорнидаги вақти 266 кундан 294 кунгача чўзилиши мумкин экан. Ҳомиладорлик вақтида сиз 9–16 кило қўшимча вазн орттиргансиз.
Вой, вой, вой... Дард бошланди! Вақти–вақти билан бачадон мени сиқиб ташқарига итаряпти. Бачадон туғилишимга ёрдам беряпти. Онажон, кечиринг хатим чала қолди!
Ишонаманки, ҳамма нарса яхшилик билан тугайди. Худонинг Ўзи бизга Мададкордир! Худога шукур, У ҳамма нарсани олдиндан тайёрлаб қўйган! Отажонимни тезроқ чақиринг.
Мен қўрқаётганим йўқ. Сиз ҳам қўрқманг!
Оқ йўл! Ёруғ дунёда кўришгунча хайр!
Жасур Кичкинтойингиз
Худо қилган ҳар бир иш то абад ўзгармас,
Бу ишга ҳеч нарса қўшиб бўлмайди,
Ундан ҳеч нарсани айириб бўлмайди.
Худо бу ишларни, ҳамма Мендан қўрқсин, деб қилди.
Воиз 3:14
Ҳомиладорлик вақтида она 9–16 килограмм қўшимча вазн орттиради. Туғруқ пайтидаги боланинг вазни тахминан 3–4 килограмм бўлади, йўлдош оғирлиги 0,5–0,7 килограмм, ҳомила атрофидаги сув миқдори 0,7–1,0 литр, бачадон оғирлиги 0,8–1,5 килограмм, қон миқдори 0,5–1,5 литр, тўқималардаги суюқлик миқдори 1,0–2,0 литр, ёғ запаси 2,0–4,0 килограмм, сут безлари оғирлиги 0,5–1,2 килограммни ташкил қилади.
Книга на Узбекском языке: Дневник моей беременности (Вера Самарина)
Предлагаемая Вашему вниманию книга состоит из двух частей. Первая что "письма" еще не рожденного малыша, адресованные маме и папе. Материал основан на изучении работ по внутриутробному развитию ребенка, в том числе самого полного атласа по эмбриологии человека академика Л. И. Фалина, монографии "Физиологин плода и детей" под ред. проф. В. Д. Глебовского, а также учебника по эмбриологии человека под ред. проф. Э. И. Вальковича. Вторая часть книги содержит информацию, которая поможет Вам выбрать имя своему ребенку. Автор предлагает список имен, включающий в себя имена библейских персонажей с краткими историями их жизни.
