Вера Самарина. Ҳомиладорлигим кундалиги - (38 ҳафта — 266 кун) Китоб Ўзбек тилида
Homiladorligim kundaligi (Vera Samarina) O‘zbek tilida Audiokitob
Мазкур китобни мен
қизим Аринушкага ва
ёруғ дунёга келадиган
барча болаларга бағишлайман.
38 ҳафта — 266 кун
Салом онажон!
Киндигингизга бир қаранг: у тугмачадай бўртиб чиқиб қолган! Бу дегани, катта бўлиб қолганман ва ҳадемай туғиламан. Ҳаётингиз буткул ўзгаришига саноқли кунлар қолди. Ҳозирча эса дам олинг, китоблар ўқинг, анча вақтдан бери қалашиб қолган майда–чуйда ишларингизни қилиб олинг...
Мен катта бўлиб, анча етилиб қолдим. Энди бошимни пастга қилиб ётишнинг пайти келди — бундай ҳолда бўлсам, туғилишим осонроқ бўлади. Агар бошим ҳанузгача тепада бўлса, ҳеч хавотир олманг, мен тўғри ҳолатни эгаллашга ҳаракат қиламан. Биламан, айрим болалар боши билан эмас, думбаси билан келса ҳам, эсон–омон туғиладилар. Бундай ҳолатни шифокорлар “боланинг ёнбоши билан келиши” деб аташади!
Бугун мен сизга окситоцин гормони ҳақида ёзмоқчиман. Ўша гормон қонимга тушиб, бачадон мушакларини қисқартира бошлайди ва тўлғоқларни юзага келтиради. Тўлғоқлар туғилишимга ёрдам беради. Туғруқдан кейин эса бу гормон бачадонни қисқартириб, ўз ҳолига қайтишига ёрдам беради. Бундан ташқари, окситоцин сизни туғруқдан кейин қон кетишидан сақлайди. Окситоцин ва тўқималар гормони — простагладин иккови биргаликда, эмаётганимда сут безларига сут чиқаришга ёрдам беради.
Онажон, сиз туғишдан олдин уйни яхшилаб тозалаб олмоқчи эканингизни эшитиб, хурсанд бўлдим. Ўзингиз билмаган ҳолда оиламиз учун шинам уйча тайёрлаяпсиз.
Шу билан ушбу хатимни якунлайман. Шу кунларнинг бирида дардингиз тутиб қолса ажаб эмас. Тайёр бўлинг. Ҳеч нарсадан қўрқманг. Эгамиз биз билан! Ишаё пайғамбар китобида Эгамиз нима деб айтгани эсингиздами?! «Туғадиган пайтгача олиб келаман–у, туғишга куч бермайманми?! — демоқда Эгамиз. — Туғишга куч бераман–у, бачадонни ёпиб қўяманми?!» (Ишаё 66:9).
Бу оятни овоз чиқариб ўқинг, бугунги кундан бошлаб, бу оятни қайта–қайта айтаверинг. Керак бўлса, уни ёдлаб олинг. Ишонинг, Худонинг Ўзи сизга туғишга куч беради!
Ушбу хатимни отажонимга ҳам ўқиб беринг!
Ўпиб қоламан, меҳрибон Кичкинтойингиз
Эгамиз буюкдир, мадҳ этилсин янада,
Ақл етмас Унинг буюклигига.
Эй Эгам, бир насл бошқасига мақтар ишларингни,
Улар эълон қилар қудратли ишларингни.
Забур 144:3–4
Туғруқ яқинлашганининг яна бир белгиси бу — аёлнинг бошқалардан яшириниш истаги. Ҳайвонот оламида ҳам шунга ўхшаш ҳол кузатилади, урғочи ҳайвон болалашдан олдин ўзи учун қулай, бировларнинг кўзидан йироқ бўлган, хатарсиз бир жойни қидиради.
Книга на Узбекском языке: Дневник моей беременности (Вера Самарина)
Предлагаемая Вашему вниманию книга состоит из двух частей. Первая что "письма" еще не рожденного малыша, адресованные маме и папе. Материал основан на изучении работ по внутриутробному развитию ребенка, в том числе самого полного атласа по эмбриологии человека академика Л. И. Фалина, монографии "Физиологин плода и детей" под ред. проф. В. Д. Глебовского, а также учебника по эмбриологии человека под ред. проф. Э. И. Вальковича. Вторая часть книги содержит информацию, которая поможет Вам выбрать имя своему ребенку. Автор предлагает список имен, включающий в себя имена библейских персонажей с краткими историями их жизни.