Эйден Тозер. Худонинг Буюклиги - (23 Боб) Китоб Ўзбек тилида
Xudoning Buyukligi (Eyden Tozer) O‘zbek tilida Audiokitob
Мундарижа
Муаллифдан
1. Нима учун биз Худо ҳақида тўғри фикрлашимиз керак
2. Эришиб бўлмас Худо
3. Илоҳий белгилар: Худо ҳақидаги баъзи бир ҳақиқатлар
4. Муқаддас Учбирлик
5. Худонинг баркамоллиги
6. Худонинг эркинлиги
7. Худонинг абадийлиги
8. Худонинг чексизлиги
9. Худонинг доимийлиги
10. Худонинг ҳамма нарсадан бохабарлиги
11. Худонинг донишмандлиги
12. Худонинг қудратлилиги
13. Худонинг трансцендентлиги
14. Худонинг ҳар ерда ҳозирлиги
15. Худонинг содиқлиги
16. Худонинг меҳрибонлиги
17. Худонинг адолатлилиги
18. Худонинг раҳмдиллиги
19. Худонинг марҳамати
20. Худонинг севгиси
21. Худонинг муқаддаслиги
22. Худонинг олий ҳокимияти
23. Очиқ сир
Очиқ сир
Агарда бунга абадийлик нуқтаи назаридан қарайдиган бўлсак, у ҳолда Жамоатни узоқ давом этган Бобил асирлигидан озод қилишлари ва унда аввалгидек Худо исмини яна улуғлашлари бугунги куннинг энг муҳим заруриятидир. Бироқ биз Жамоатни қандайдир ўз хусусиятига эга бўлмаган таркибдек, ақлга тўғри келмайдиган эътиқод абстракциясидек билиб, унинг ҳақида бундай мулоҳазалар юритишимиз керак эмас. Биз масиҳийлар — Жамоатдирмиз ва биз нимаики иш бажарсак, Жамоат бажаради. Бундан бу ҳар биримизнинг шахсий вазифамиз эканлиги келиб чиқади. Жамоатда олға ташланган ҳар бир қадам маълум бир алоҳида инсондан бошланиши керак.
Оддий масиҳийлар қўлдан бой берилган шон-шуҳратни қайтариб олишлари учун нима қилишлари лозим? Бу ерда биз билишимиз мумкин бўлган бирор сир мавжудми? Биз бугунги вазиятда, ўзимизнинг шахсий вазиятимизда қўллашимиз мумкин бўлган қандайдир шахсий янгиланиш формуласи борми? Бу саволга жавоб — ҳа.
Бироқ бу жавоб ҳам баъзи бир кишиларни ҳафсаласини пир қилиши мумкин, чунки у умуман мураккаб эмас. Мен сирли криптограммани ҳам, машаққат билан маъносини очиш мумкин бўлган сирли кодни ҳам келтирмоқчи эмасман. Мен онгсизликнинг ҳеч қанақанги яширин қонунига, оз сондаги кишилар учун мўлжалланган сеҳр-жоду билимига ҳам мурожаат қилмайман. Бу сир очиқдир ва у билан қизиққан ҳар қандай киши уни ўқиб олиши мумкин. Бу шунчаки қадимий ва абадий янги бўлган насиҳат: Худо билан таниш. Қўлдан бой берилган қудратни қайтариб олиш учун Жамоат самони очиқ ҳолда кўриши керак, шунда Жамоат қаршисида уни бошқатдан тиклайдиган Худонинг очиғлиги намоён бўлади.
Бироқ биз кўришимиз керак бўлган Худо ҳозирги кунда машҳур бўлган манфаатпараст Худо бўлмаслиги керак. У шунингдек, бошлаган турли хил ишларига Ўзининг муваффақият келтира олиши билангина одамларнинг эътиборини жалб қиладиган ва шу сабабга кўра ҳам, бирор нимага эга бўлишни истаган ҳар қандай киши Унинг кўнгли олиши ва мақташи мумкин бўлган Худо ҳам бўлмаслиги керак. Биз билишимиз керак бўлган Худо — бу самодаги Буюк Зот, Ота-Худо, Тангри Таоло, само ва ернинг Яратувчиси, ягона, донишманд Худо, бизнинг Нажоткоримиздир. У ер орбитасида савлат тўкиб ўтирган, самони унда яшаш учун парда каби суриб қўядиган ва уни чодирдек ёядиган, юлдуз каби порлайдиган фаришталар тўпининг сонини биладиган ва уларнинг ҳар бирини Ўз қудрати туфайли исми билан чақирадиган Худодир. У инсоннинг ишлари шуҳратпараслик эканлигини кўриб турувчи Худодир. Бу Худо бекларга ишонмайди ва шоҳлардан маслаҳат сўрамайди.
Муқаддас Китоб таълим берган ва дунё билган барча муқаддаслар ичида энг муқаддаси ва солиҳи бўлган инсонлар асрлар давомида такрорлаб келган бу шартларни қисқача баён этишим учун менга рухсат берсангиз.
Биринчидан, биз ўз гуноҳларимиздан воз кечишимиз керак. Худо фосиқларча ҳаёт кечираётган одамлар томонидан таниб-билинмаслигига бўлган ишонч масиҳийликка хос бўлган қандайдир янгилик ҳисобланмайди. Масиҳийликкача бўлган даврда ёзилган Сулаймон доноликлари, деб номланган яҳудийларнинг қадимий китобида шундай деб ёзилган: «Адолатни севинглар, дунё ҳакамлари, Худо ҳақида тўғри фикр қилинглар, камтар юрак билан Уни изланглар. Чунки У Ўзини ҳурмат қиладиганларга намоён бўлади, Ўзига ишонганларга Ўзини зоҳир қилади. Ўзбилармонлик кишини Худодан узоқлаштиради, фақат ахмоқлар Уни синаб кўрмоқчи бўлади. Маккор юрак ичига донолик кирмайди, гуноҳга қул бўлган танада Муқаддас Руҳ яшамайди...» (1:1-5).
Худди шундай фикр Илоҳий руҳдан илҳомланиб ёзилган Муқаддас Ёзувларда ҳам бир неча бор такрорланади; уларнинг ичида энг машҳури Масиҳнинг: «Покдил бўлганлар бахтлидир, чунки улар Худони кўрур» (Матто 5:8), — деб айтган сўзларидир.
Иккинчидан, ўз ҳаётимизни имон билан Масиҳга тўла-тўкис бағишлашимиз керак. «Масиҳга ишониш» — Унга хоҳиш-ирода ва ҳис-туйғу билан боғланиш ва шунингдек, Унга ҳар бир нарсада итоат этиш демакдир. Бунинг учун биз Унинг амрларига риоя қилишимиз, ўз хочимизни олиб юришимиз, Худо ва инсонларни севишимиз керак.
Учинчидан, биз ўзимизга гуноҳ учун ўлган ва Худо учун Исо Масиҳда тирик бўлган кишиларга қарагандек қарашимиз, кейин эса Муқаддас Руҳнинг кириб келиши учун қалбимиз эшикларини ланг очишимиз лозим. Шундан сўнг, биз ҳамиша Руҳда бўлишимиз учун ўз-ўзини бошқариш интизомига риоя қилишимиз ва танамиз хоҳиш-истакларини оёқларимиз билан тепкилаб ташлашимиз керак.
Тўртинчидан, биз тубанлашган дунёнинг ҳеч нарсага арзимайдиган қадрсизликларидан қўрқмасдан воз кечишимиз, имонсиз одамлар интиладиган ҳамма нарсадан ўзимизни руҳан четлашимиз ва ўзимиз учун Худо солиҳларга ҳам, фосиқларга ҳам инъом қилган энг оддий табиий ҳузур-ҳаловатларни раво кўришимиз зарур.
Бешинчидан, биз Худонинг улуғворлиги ҳақидаги узоқ давом этувчи ва севги билан тўлиб-тошган ўй-фикрларимизни амалда қўллашимиз керак. Бунинг учун баъзи бир ҳаракатларни амалга оширишга тўғри келади, чунки улуғворлик ҳақидаги тасаввур одамларда бутунлай йўқолиб кетди. Ҳозирги кунда инсоннинг қизиқишлари унинг ўзига қаратилгандир. Инсонпарварлик ўзининг турли кўринишлари билан эътиқодни сиқиб чиқарди ва унинг ўрнига тушунишнинг калити сифатида ҳаётни қўйди. ХIX асрда шоир Суинберн: «Юксакликлардаги инсонга олқишлар бўлсин! Инсон — буюмлар эгасидир», — деб ёзганида, у замонавий дунёга «Раббим, Сени олқишлаймиз» ибодатининг янги шаклини киритди. Ҳамма нарсани аввалги ҳолатига мақсадга мувофиқ хоҳиш-ирода ҳаракати билан қайтариш керак ва бу вазиятда сабр-тоқат билан онгли равишда ушлаб туриш зарур. Худо — Шахсдир ва биз юракларимизни мўъжизага тайёрлаган ҳолда Унинг билан янада яқиндан танишишимиз мумкин. Эҳтимол, биз Муқаддас Ёзувларни олтину зар билан кўмиб ташлайдиган шон-шуҳрат кўтарилиб келаётган қуёш каби бизнинг ички ҳаётимизда юксалишига қараб, Худога бўлган одатдаги имонимизни ўзгартиришимизга тўғри келар. Балки Хушхабар Жамоатларида ҳукмронлик қилувчи қонункашликдан хотиржам ва муносиб тарзда узоқлашишимизга ва орамизда масиҳийлик деб ҳисобланадиган кўпгина мулоҳазасизликларга қарши чиқишимиз зарурдир. Балки бунинг оқибатида биз маълум бир вақтгача дўстларимиздан айрилармиз ва «художўйлар» деган ном ҳам олармиз: бироқ бундай муҳим ишда кўнгилсиз оқибатлардан чўчиган киши Худо Шоҳлигига муносиб бўлолмайди.
Олтинчидан, Худо ҳақидаги билимлар қизиқарли, ажойиб бўла бошлагани сайин, бошқа одамларга янада кўпроқ хизмат қилиш биз учун мажбуриятга айланиб қолади. Марҳаматли билимлар биз улардан худбинларча завқ олишимиз учун берилмайди. Худо ҳақидаги билимларимиз қанчалик етук бўлгани сайин, ҳозиргина эга бўлган бу билимларни азоб чекаётган инсониятга нисбатан раҳм-шафқат йўлида қўллаш истаги шу қадар кучайиб боради. Бизга ҳамма нарсани берган Худо, ҳамма нарсани беришни Уни қанчалик яхши таниб-билишимизга қараб, биз орқали давом эттиради.
Шу вақтгача биз инсоннинг Худога бўлган шахсий муносабатини кўриб келаётган эдик, бироқ инсоннинг ўнг қўлидаги ўзини ўз хушбўйлиги билан «билдириб қўяётган» ёқимли мой каби, Худо ҳақидаги ҳар қандай чуқур билим ҳам тез орада масиҳийлик ҳамжамиятида атрофимизни ўраб турганларга таъсир қила бошлайди. Биз эса ўзимизда кўпайиб бораётган нурни Худо оиласининг бошқа аъзолари билан бўлишиш учун ҳаракат қилишимиз керак.
Биз бу нарсани бошқа одамлар олдида, Худога хизмат қилган ҳолда, ҳамиша Худонинг улуғворлиги сари интилган пайтимиздагина аъло даражада амалга ошира оламиз. Шахсий ибодатларимизгина эмас, балки гувоҳлигимиз, қўшиқларимиз, ваъзимиз ва ҳатто ёзаётганларимиз — буларнинг ҳаммаси муқаддас Тангримиз шахси атрофига жамланиши керак ва биз ҳамиша Унинг улуғворлиги, ҳурмати ва қудратини олқишлашимиз, улуғлашимиз зарур. Самода, Буюк Зотнинг ўнг томонида содиқлик билан бизнинг манфаатларимизни ҳимоя қилган ҳолда, шон-шуҳрат ила Инсон ўтирибди. Биз одамлар орасида жуда кам вақтга қолдирилганмиз. Kелинглар, биз бу ерда Унинг садоқатли вакиллари бўлайлик.
Книга на Узбекском языке: Величие Бога (Эйден Тозер)
Церковь оставила своё некогда возвышенное представление о Боге и заменила его представлением низким и постыдным, которое совершенно недостойно мыслящих, поклоняющихся Господу людей. Когда мы потеряли ощущение величия Господа, мы потеряли и религиозное благоговение, и сознание Божественного присутствия. Мы потеряли наш дух поклонения Богу и нашу способность внутренне сосредоточиться для того, чтобы встретить Бога в молитвенном молчании.
В этой книге доктор Тозер помогает нам лучше понять Бога и вновь открыть для себя Его величие, чтобы это оказало глубокое влияние на нашу повседневную жизнь. Чтобы вернуть это понятие в повседневную жизнь верующих, он предлагает рассмотреть Божественные атрибуты в их взаимосвязанности и единстве, сосредоточив внимание на таких свойствах Бога, как самодостаточность, независимость, всемогущество, вездесущность, неизменность, бесконечность и многие другие.
