Джош Макдауэлл, Эд Стюарт. Яқин инсоннинг вафот этиши - (Аудиокитоб) Китоб Ўзбек тилида
«Психологик биринчи тез ёрдам» туркумидан
Yaqin insonning vafot etishi (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchiliklar
Chadning hikoyasi. 1–qism
Oylab korish uchun vaqt
Chadning hikoyasi. 2–qism
Oylab korish uchun vaqt
Chadning hikoyasi. 3–qism
Oylab korish uchun vaqt
Chadning hikoyasi. 4–qism
Oylab korish uchun vaqt
Mualliflar haqida
O‘YLAB KO‘RISH UCHUN VAQT
Baxtsiz hodisa Chad Rojers olamini tubdan o‘zgartirib yuborganiga uch kundan ham kam vaqt o‘tdi, lekin u uchun shunga o‘xshash fojeadan omon qolganlarning ko‘pchiligi o‘tadigan jarayon allaqachon boshlangan. U bir necha haftadan bir necha oygacha davom etishi mumkin va besh bosqichni o‘z ichiga oladi. Bu jaryon hammada har xil o‘tadi va uni bir xil o‘tkazgan hech bo‘lmaganda kamida ikkita odamni topish qiyin; bosqichlar birin–ketin o‘tishi va yana qaytishi mumkin. Ammo, sizning fojeaga nisbatan bo‘lgan munosabatingiz Chadniki kabi bo‘lishining katta ehtimoli bor.
Birinchi bosqich – rad etish. Ba’zida, bu siz bilan sodir bo‘lishi mumkinligiga ishonishdan bosh tortasiz. Chadning rad etish jarayoni, onasini ko‘rish uchun palataga kirishni xohlamasligi bilan namoyon bo‘ldi. U jarohatlangan onani ko‘rishni xohlamadi, chunki bu haqiqatan ham fojea ro‘y berganining tasdig‘i bo‘lardi. Keyinchalik u o‘zini, bu shunchaki dahshatli tush ekanligiga ishontirishga urindi.
Rad etish – bu ongning (miyaning) boshingizga tushgan baxtsizlik bilan kurashishning bir usuli: "Yo‘q, bunday bo‘lishi mumkin emas".
Ikkinchi bosqich – g‘azab. Bunday vaziyatlarda o‘zingizga ko‘p savollar berib, nega bunday bo‘ldi, degan savolga javob topa olmaganingiz uchun g‘azablanishingiz mumkin. Siz sevgan insoningizdan ayrildingiz va bu sizga adolatsizlik bo‘lib tuyuladi. Chad singari, g‘azabingiz o‘lim sababiga (avtomobil, mahalliy hokimiyat organlari, saraton, yurak xuruji va h.k.z.), shuningdek, hech bo‘lmaganda qisman aybdor deb hisoblagan odamga yoki odamlarga qaratilishi mumkin. (Haydovchi, shifokor, jinoyatchi va boshqalar). Bu g‘alati tuyulishi mumkin, lekin g‘azabni o‘lgan kishiga ("Nega u meni tashlab ketdi?!") yoki fojeaga yo‘l qo‘ygan Xudoga qaratilishi ham mumkin. Va hatto o‘zingizga nisbatan ham qaratilishi mumkin, chunki siz sodir bo‘lgan voqeada qandaydir aybingiz bor deb o‘zingizdan gumon qilishingiz mumkin. Chad hamma darajadagi g‘azabni boshdan kechirdi.
Uchinchi bosqich – bu vaziyatni yoki uning oqibatlarini o‘zgartirish uchun Xudo bilan muzokara olib borishga urinish. Agar Xudo sizga yaqiningizni qaytarsa yoki dardingizni yengillashtirsa, siz Unga hayotingizni o‘zgartirishga va’da berasiz. Siz hatto Xudo bilan shartnoma tuzishga urinib ko‘rishingiz mumkin, Chadning ibodati yolg‘on aybdorlikni his qilish bilan bog‘liq edi, chunki uning fikricha, u yaxshi imonli emasdi, u o‘ylaganidek qisman, fojea sababchisi bo‘lgan. Xudo bilan shartnoma tuzmoqchi bo‘lib, siz buni vaziyatni o‘zgartirish va/yoki o‘tgan xatolarni tuzatish istagi bilan qilishigiz mumkin.
To‘rtinchi bosqich – ruhiy tushkunlik, u yaqin odamingizni qaytarib kelmaslikni tushunganingizda boshlanishi mumkin. Bu yo‘qotish tufayli insonni butunlay yutib yuborayotgan qayg‘u va umidsizlik hissi. Ruhiy tushkunlik qo‘rquv, ishonchsizlik va tashvish bilan birga bo‘lishi mumkin, chunki siz bu odamsiz qanday yashashingizni tasavvur qila olmaysiz. Yolg‘izlik hissi – ruhiy tushkunlikning yana bir jihatidir. Komaga tushgan onasining yonida o‘tirgan Chad, uni allaqachon sog‘inganini va kelajakda u bilan birga bo‘lmasligidan juda xafa bo‘lganini tan oldi.
Va nihoyat, oxirgi, beshinchi bosqich – qabul qilish. Vaqt o‘tishi va qayg‘uning boshqa bosqichlari asta–sekin o‘tishi bilan yo‘qotish haqiqat ekanini tan ola boshlaysiz va uning oqibatlarini ham qabul qilasiz. Ammo bu bosqich asosiy bo‘lganida ham, siz inkor qilish, g‘azab, tushkunlikka tushib qolishingiz mumkin. Biroq, asta–sekin ularning namoyon bo‘lishi kamayib boradi, chunki Xudo sizni, boshingizdan kechirayotgan hamma narsani foydangizga aylantirish uchun harakat qilayotganiga ishonch tuyg‘usi bilan to‘ldiradi. (qarang: Rim. 8:28).
Masihiy maslahatchilari odatda qayg‘uning bu besh bosqichi – yaqin kishining o‘limiga nisbatan bo‘lgan odatiy va sog‘lom javob harakati ekanligiga qo‘shiladilar. Ba’zi hollarda, ularni muvaffaqiyatli o‘tish uchun bir necha hafta yoki hatto bir necha oy kerak bo‘ladi. Bu davrda boshdan kechirgan his–tuyg‘ular yoki paydo bo‘ladigan fikrlar siz uchun mutlaqo yangi yoki juda kuchli bo‘lishi mumkin. Shu sababli sizda shubha bo‘lishi mumkin: va siz bilan hammasi yaxshimikin degan savol tug‘ilishi mumkin. Xavotir olmang, siz hayotingizdagi eng qayg‘uli voqealarga mutlaqo odatiy munosabatdasiz.
Tuyg‘ularni qabul qilish qiyin bo‘lgan yoki nosog‘lom tarzda ifodalash – bu davrda sizni kutayotgan yagona haqiqiy xavfdir. Misol uchun, agar Chadning g‘azabi uni yuk mashinasi haydovchisidan qasos olishga yoki o‘z joniga qasd qilishga urinishga undaganida, bu uning noto‘g‘ri va nosog‘lom reaksiyasi bo‘lar edi. Bu davrda paydo bo‘ladigan his–tuyg‘ular ta’sirida qilinadigan harakatlardan qochish uchun donolik zarur.
Yaqiningizni yo‘qotish oqibatlarini bartaraf etishda sizning eng yaxshi ittifoqchilaringizdan biri bu vaqt. "Vaqt davolaydi" degan eski iborada haqiqat bor. Fojea ustidan g‘alaba qozonish uchun vaqt kerak bo‘ladi, buni qabul qiling. Fikrlaringiz va his–tuyg‘ularingizning labirintidan o‘ta olish uchun sizga vaqt kerak. Va ular haqida tajribali masihiy ustozlar va do‘stlar bilan gaplashish uchun vaqt kerak. Haftalar o‘tishi bilan sizning qayg‘ularingiz asta–sekin kamayadi va siz odatiy hayotga qaytasiz. Vaqt siz uchun ishlasin va og‘riq bilan qayg‘u tez o‘tib ketishini kutmang.
Endi Chadning onasi vafot etganida, u qayg‘uni boshdan kechirishning yangi bosqichiga kirmoqda. Ammo, baxtimizga, u bu yo‘lda yolg‘iz o‘zi ketmaydi.
Книга на Узбекском языке: Смерть близкого человека (Джош Макдауэлл, Эд Стюарт)
В этой книге речь пойдет о том, как пережить смерть близкого человека.
Пятнадцатилетний Чад Роджерс никогда раньше не испытывал таких страданий. В одночасье он потерял младшего брата, мать и лучшего друга Роба. Он знает, что должен найти выход и продолжать жить, когда тех, кого он любил, больше нет. Но как?
Авторы предлагают библейский ответ на вопрос, как пережить потерю близкого человека. Если ты столкнулся с такой бедой, то из этой книги ты узнаешь, как справиться с ее последствиями, принять свершившееся и жить дальше.
А если у тебя есть друг, который, подобно Чаду, переживает смерть близкого человека, то в этой книге ты найдешь практические советы, как утешить, поддержать и ободрить его.
