Джош Макдауэлл, Эд Стюарт. Яқин инсоннинг вафот этиши - (Аудиокитоб) Китоб Ўзбек тилида
«Психологик биринчи тез ёрдам» туркумидан
Yaqin insonning vafot etishi (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchiliklar
Chadning hikoyasi. 1–qism
Oylab korish uchun vaqt
Chadning hikoyasi. 2–qism
Oylab korish uchun vaqt
Chadning hikoyasi. 3–qism
Oylab korish uchun vaqt
Chadning hikoyasi. 4–qism
Oylab korish uchun vaqt
Mualliflar haqida
O‘YLAB KO‘RISH UCHUN VAQT
Chad tushunganidek, yaqin qarindoshining yoki do‘stining o‘limini boshdan kechirish nihoyatda og‘riqli va qiyin. Ehtimol siz ham shunga o‘xshash tajribaga ega bo‘lgandirsiz. Bu ota–onangizdan biri, saraton kasalligidan vafot etgan bobongiz yoki buvingiz, avtohalokatda vafot etgan yaqin do‘stingiz, uyg‘onmaslik uchun uxlab qolgan ukangiz yoki singlingiz bo‘ladimi, yoki sizga yaqin bo‘lgan boshqa odammi, – bu juda og‘riqli. O‘limni, ayniqsa u to‘satdan va kutilmaganda sodir bo‘lganida, masalan, Metyuning avtohalokatdagi o‘limiga o‘xshab yoki zo‘ravonlik natijasida yurak xurujidan sodir bo‘lsa, boshdan kechirish qiyin va buni qabul qilish oson emas.
Agar siz yaqin kishining o‘limiga duch kelgan bo‘lsangiz, Chad hikoyasining birinchi qismida, sizga foydali bo‘lishi mumkin bo‘lgan bir nechta fikrlarga e’tibor qaratish lozim.
Birinchidan, bunday holat sodir bo‘lganda, siz turli his–tuyg‘ularni boshdan kechirishingiz mumkin: qayg‘u, umidsizlik, qo‘rquv va hatto g‘azabni ham. Hayotingizda hech qachon yig‘lamagandek yig‘lashingiz mumkin. Siz emotsional bo‘shliqni his qilishingiz mumkin. Siz vaziyatdan, vafot etgan va sizni yolg‘iz qoldirgan kishidan, yoki uning o‘limida aybdor deb hisoblagan odamdan (yoki odamlardan) va hatto bunga yo‘l qo‘ygan Xudodan g‘azablanishingiz mumkin. Ushbu his–tuyg‘ularning barchasi odatiy va tabiiy ekanligini tushunish juda muhim: Xudo sizni shunday yaratdi. Sizning his–tuyg‘ularingiz o‘rnatilgan klapanga o‘xshaydi, u orqali yurak og‘rig‘i chiqadi. Ularni tushunish va ularga dosh bera olish muhim. Albatta, ularni ifoda etishning sog‘lom va nosog‘lom usullari bo‘lishi mumkin.
Dag va Jenni Chadga bergan oddiy maslahat mutlaqo to‘g‘ri edi: his–tuyg‘ularingizni ichingizga yutmang, ularni tashqariga chiqib ketishiga yo‘l qo‘ying. Va ular Chadning yonida bo‘lishdi va u bilan yig‘lashdi. Bu munosabat Isoning so‘zlarida aks etilgan: "Yig‘layotganlar baxtlidir, chunki ular tasalli topadilar" (Matto 5:4). Yig‘lash – bu, yurak og‘riqlar tashqariga chiqib ketadigan jarayon. Og‘riqni o‘zingizda saqlamang, boshqalar bilan baham ko‘ring, shunda ular sizga hamdard bo‘lishadi. Bu siz uchun Xudoning marhamati va shifoning boshlanishi bo‘ladi. Bu bosqichda har xil hissiyotlarni boshdan kechirish juda muhim (va foydali).
Ikkinchidan, yaqin qarindoshingiz yoki do‘stingiz vafotidan keyingi birinchi soatlarda siz hammasidan ko‘ra ko‘proq tasalliga muhtojsiz. Shuning uchun Dag va Jenni Chad va uning otasi bilan bo‘lish uchun darhol kasalxonaga yetib kelishdi. Biz yurak og‘rig‘ni his qilayotgan paytimizda, bu og‘riqni biz bilan boshqalar ham his qilayotgani bizga eng katta yengillik keltiradi. Xudo bizga boshqa odamlar orqali tasalli beradi. Havoriy Pavlus shunday deb yozgan edi: "Rabbimiz Iso Masihning Otasi Xudoga, har turli tasallining manbai bo‘lgan Xudo — marhamatli Otaga hamdu sanolar bo‘lsin! Har xil azob–uqubatlarga uchraganimizda, Xudo bizga tasalli beradi. Shunday ekan, biz ham azob chekayotgan insonga tasalli bera olamiz. Xudo bizga bergan tasalli bilan uni ovuntira olamiz." (2 Kor. 1:3–4).
Tasalli o‘zi nima? Ehtimol, birinchi navbatda nima emasligini ko‘rib chiqish foydali bo‘ladi. Tasalli – bu o‘zingizni ushlab turishga va ruhingizni yo‘qotmaslikka da’vat etish emas. Tasalli bu nima uchun odamlarning muammolari borligini tushuntirishga urinish emas. Tasalli – bu, Xudo hammasini nazorat qilyapti kabi "to‘g‘ri" so‘zlar to‘plami emas. Bularning barchasi o‘z vaqtida foydali bo‘lishi mumkin, lekin bu bizning tasalliga bo‘lgan ehtiyojimizni qondirmaydi.
Bizga asosan odamlar bizning og‘rig‘imizni his qilishlari va biz bilan birga qayg‘urishlari tasalli beradi. Iso do‘sti Lazar vafot etganida tasalli xizmatini ko‘rsatdi (qarang: Yuh. 11). Iso Lazarning opa–singillari Maryam va Martaning uyiga kelganida, ular bilan birga yig‘lab yubordi (qarang: Yuh. 11:33–35). Va buni esda tutish juda muhim, ayniqsa keyin nima qilganini nazarda tutsak: esingizda bo‘lsa U Lazarni tiriltirdi (qarang: Yuh. 11:38–44).
Nega Iso yuragi ezilgan Maryam va Martaga: "Yig‘lama, Lazar tez orada hayotga qaytadi", demadi? Chunki o‘sha paytda ular qayg‘usini o‘rtoqlashadigan odamga muhtoj edilar. Iso ular bilan yig‘lab, tasalliga bo‘lgan ehtiyojlarini qondirdi. Va keyin U mo‘‘jiza yaratdi va ularning qayg‘usini quvonchga aylantirdi.
Agar biz qayg‘u paytida yolg‘iz emasligimizni bilsak, uni boshimizdan o‘tqazish biz uchun yengilroq bo‘ladi. Havoriy Pavlus bizga shunday deb o‘rgatgan: "Xursand bo‘lganlar bilan xursand bo‘linglar va yig‘laganlar bilan yig‘langlar" (Rim 12:15). Siz qayg‘uda bo‘lganingizda, odamlar sizni yupatishni, sizni kuchli bo‘lishga undashni yoki nima uchun muammo yuz berganini tushuntirishni istab, tasalli berishga harakat qilishlari mumkin. Shubhasiz, bu odamlar sizga g‘amxo‘rlik qilishadi va qo‘lidan kelganicha harakat qilishadi. Lekin ular haqiqiy tasalli nima ekanligini bilmasliklari mumkin. Shu payt yoningizda Dag Shou singari sizga chindan ham tasalli beradigan inson bo‘lishiga umid qilamiz. Kimdir siz bilan birga azoblaringizni tushunib, qayg‘u chekayotganida, hatto yig‘layotganda, siz Xudoning g‘amxo‘rligini his qilasiz. Dag va Jenning xatti–harakatlari og‘ir va fojeali sharoitlarda haqiqiy tasalli berishning yaxshi namunasidir.
Biroq, Chad Rojers yaqinda shuni bilib oladiki, yaqin kishining o‘limini boshdan kechirish boshqa ko‘plab jihatlarni ham o‘z ichiga oladi.
Книга на Узбекском языке: Смерть близкого человека (Джош Макдауэлл, Эд Стюарт)
В этой книге речь пойдет о том, как пережить смерть близкого человека.
Пятнадцатилетний Чад Роджерс никогда раньше не испытывал таких страданий. В одночасье он потерял младшего брата, мать и лучшего друга Роба. Он знает, что должен найти выход и продолжать жить, когда тех, кого он любил, больше нет. Но как?
Авторы предлагают библейский ответ на вопрос, как пережить потерю близкого человека. Если ты столкнулся с такой бедой, то из этой книги ты узнаешь, как справиться с ее последствиями, принять свершившееся и жить дальше.
А если у тебя есть друг, который, подобно Чаду, переживает смерть близкого человека, то в этой книге ты найдешь практические советы, как утешить, поддержать и ободрить его.
