Джош Макдауэлл, Эд Стюарт. Ота-онанинг ажралиши - (3 қисм) Китоб Ўзбек тилида
«Психологик биринчи тез ёрдам» туркумидан
Ota-onaning ajralishi (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchilik
Jessikaning hikoyasi. 1-qism
O'ylab ko'rish uchun vaqt
Jessikaning hikoyasi. 2-qism
O'ylab ko'rish uchun vaqt
Jessikaning hikoyasi. 3-qism
O'ylab ko'rish uchun vaqt
Jessikaning hikoyasi. 4-qism
O'ylab ko'rish uchun vaqt
Mualliflar haqida
JESSIKANING HIKOYASI. 3-QISM
Ular kafedagi stol atrofiga o‘tirishlari bilanoq Jenni Jessikadan so‘radi:
- Xo‘sh, bu hafta qanday o‘tdi?
Jessika yelka qisdi.
- Menimcha, ozmi-ko‘pmi yaxshi. Albatta, ota-onamning ajrashayotgani tan olish juda qiyin. Menga qayg‘u bosqichlarini aytib berganingizdan xursandman. O‘tgan hafta men rad etish va yengil ruhiy tushkunlikni boshdan kechirdim deb o‘ylayman.
- Shuning uchun sen bilan bir necha bor uchrashishimizni xohlardim, - dedi Jenni. - O‘z his-tuyg‘ularing bilan kurashishning eng yaxshi usuli bu ular haqida gapirish va ularning ortida nima borligiga e’tibor berishdir.
Nonushtaga buyurtma berishganda, Jenni bir varaq qog‘oz chiqarib, Jessikaga uzatdi.
- Men ajralish bilan duch kelganingda qanday his-tuyg‘ularga ega bo‘lishing mumkinligi haqida o‘yladim, - dedi u, - va ularni yozib olishga qaror qildim. Iltimos, o‘qib ko‘r-chi, bu ro‘yxatda sen boshdan kechirgan nimadir bormi?
Jessika birinchi so‘zni ovoz chiqarib o‘qidi:
- "Ishonchsizlik". - U to‘xtadi. - Ha, bu menga tanish. Ota-onam ajrashayotganiga haligacha ishonmayapman. Va men bunga ishonishni xohlamayman. O‘tgan hafta men otam qaytib kelgani va onam bilan o‘rtalarida hamma narsa yaxshi bo‘lgani haqida tush ko‘rdim. Uyg‘onganimdan so‘ng, men uni oshxonada bir piyola qahva va gazeta bilan kutib olishimga deyarli ishonchim komil edi. Albatta, otam u yerda yo‘q edi.
- Ishonchsizlik - bu rad etishning bir turi - dedi Jenni. - Shunday qilib, qattiq ruhiy zarba tufayli, sening miyang ma’lum darajadagi barqarorlikni saqlashga harakat qiladi. Ba’zi odamlar uchun bu muammo haqida gapirishdan bosh tortish yoki hatto uni borligini tan olishni rad etishda namoyon bo‘ladi. Boshqalar muammoni tan olishadi, ammo ta’sirni rad etadilar. Rad etish, nosog‘lom bo‘lsa ham, o‘ziga xos himoya reaksiyasidir. Oxir-oqibat, ajralish sodir bo‘lganini va shu sababli hayoting o‘zgarganini tan olishing kerak.
Jessika sekin bosh irg‘adi.
- Tushunyapman. Xayoliy dunyoda yashash noodatiy holdir va bu noto‘g‘ri. Agar men muammoni inkor qilsam, uni hal qila olmayman.
- Buni tushunganing yaxshi, - dedi Jenni.
- Men hozir Mark bilan shunday bo‘layotganidan qo‘rqaman, - deb qo‘shimcha qildi Jessika. - U ota-ona haqida umuman gapirishni xohlamaydi. Men bu mavzuni ko‘tarishim bilanoq u kompyuter o‘yinlariga sho‘ng‘ib ketadi.
- Balki Xudo sen orqali unga yordam bermoqchidir, - dedi Jenni. - Men sen to‘g‘ringda hamda Mark va Karen uchun ibodat qilyapman.
Jenni ro‘yxatni o‘qishda davom etdi.
- Uyat, chalkashlik, g‘azab, ayb... hmm... Men o‘zimni biroz aybdor his qilyapman.
- Bu haqda menga gapirib ber.
Jessika ikkilanib qoldi. Bu vaqtda ofitsiant ularga sharbat olib keldi va Jessika javobni shakllantirish uchun bir necha soniyaning paydo bo‘lganidan xursand bo‘ldi.
- Menimcha, dadam va onamning muammolarida qisman mening aybim bor. Men har doim ham namunali bola bo‘lmaganman. O‘n uch yoshga to‘lganimda o‘zimni mustaqil his qildim. Bir marta uyga atayin belgilangan vaqtdan yarim soat kechroq keldim. Shu sababdan ota-onam orasida katta janjal yuzaga keldi. Otamning shunday deganini eslayman: “Sen shunday yo‘l tutsang, men va onang uchun hayotni juda qiyinlashtirasan, Jessika. Oilaviy munosabatlar shundoq ham oson emas va sening xatti-harakating vaziyatni yanada og‘irlashtiradi”. Shunda men ota-onam bir-birlari bilan yaxshi munosabatda emasligini va men bu muammoning bir qismi ekanligimni angladim.
- Ota-onang ajrashgani uchun javobgarlikni his qilayotganingni eshitib juda xafa bo‘ldim, - dedi Jenni mehrli ovozda. - Va men hozir nimalarni boshdan kechirayotganingni tushunaman. Lekin bu sening aybing emas. Ha, sen namunali bola bo‘lmasliging mumkin, lekin hech qanday bola namunali emas-ku! Ota-onalar hayotdagi qiyinchiliklarni, shu jumladan, farzandlari bilan bog‘liq muammolarni to‘g‘ri hal qilishlari lozim. Ota-onalar o‘zlarining munosabatlari uchun shaxsan o‘zlari javobgardir.
- Ammo dadam aytdilar-ku...
Jenni uning gapini bo‘ldi.
- Otangga o‘z muammolari uchun mas’uliyatni o‘z zimmasiga olish qiyin bo‘lishi mumkin. Bu ko‘p odamlar bilan sodir bo‘ladi. Ishonchim komilki, u seni xafa qilmoqchi emas edi, lekin sening yomon xulq-atvoring unga o‘z ayblarining bir qismini senga yuklashiga imkon berdi.
Jessika bir zum o‘ylanib qoldi.
- Demak, bu mening aybim emasmi?
- Yo‘q, ajrashish sening aybing emas, ota-onangni yarashtirish uchun ham sen javobgar emassan. Ularning yoshi katta va bunday masalalarni o‘zlari hal qilishlari kerak. Sen qila oladigan narsa ularni sevish va ular uchun ibodat qilishdir.
Jessika kresloga suyanib, yengil tortdi:
- Yelkamdan yuk ag‘darilgandek bo‘ldi!
- Mana bu juda yaxshi, - dedi Jenni. - Endi o‘zingni aybdor his qilmasliging kerak.
Ofitsiant ikkita quymoq olib keldi. Ular ovqatlanayotganda, Jessika ro‘yxatni o‘qishda davom etdi va u boshdan kechirayotgan boshqa his-tuyg‘ularini qayd etdi. Jennining savollari va sharhlari Jessikaga bu his-tuyg‘ular tufayli his qilgan og‘riqdan xalos bo‘lishga imkon berdi.
Jenni, shuningdek, Jessikadan umuman uning hayoti qanday kechayotgani haqida so‘radi va u qo‘rqinch bilan ota-onasining ajrashishi uni shunchalik bezovta qilganini, shu sabab u hatto kirlarini yuvish va bog‘ni parvarish qilish kabi barcha uy yumushlarini deyarli tashlab qo‘yganini tan oldi. Va keyin Jenni hayratlantiruvchi ish qildi: u uyali telefonini olib, Nataliga qo‘ng‘iroq qildi va u bilan Jessikaga uy ishlarida yordam berishga kelishib oldi.
Qandaydir noqulaylik hissi bilan birga, Jessika yengil tortdi. Odatda u o‘z vazifalariga juda mas’uliyatli edi, u uy yumushlarini bajarish uchun juda tushkun ahvolda edi va hozir u Natali unga yordam berish uchun kelganidan xursand edi.
Vaqt tez o‘tdi va Jenni ishga ketishi kerak edi. Ular kelasi shanba kuni uchrashib, suhbatni davom ettirishga kelishib oldilar. Jessika Jenniga g‘amxo‘rlik va amaliy yordam uchun minnatdor bo‘lib, kelgusi hafta o‘tgan haftadan yaxshiroq bo‘lishiga umid qilib, uyiga ketdi.
Книга на Узбекском языке: Развод родителей (Джош Макдауэлл, Эд Стюарт)
В этой книге речь пойдет о трудностях, которые переживает подросток при разводе родителей.
Когда пятнадцатилетняя Джессика Инграм услышала, что ее родители разводятся, она поняла - с этого момента ее жизнь изменится навсегда. Что делать, когда кажется, что вместе с распадом семьи рушится весь твой мир?
Авторы предлагают библейскийответ на вопрос, что можно сделать в подобной ситуации. Если ты столкнулся с такой бедой, то из этой книги ты узнаешь, как справиться с ее последствиями и адаптироваться к переменам.
А если у тебя есть друг, который, подобно Джессике, переживает из-за развода родителей, то в этой книге ты найдешь практические советы, как утешить, поддержать и ободрить его.
