Джош Макдауэлл, Эд Стюарт. Ҳақиқий севгини излаш - (Трейсининг ҳикояси. 1-қисм) Китоб Ўзбек тилида
«Психологик биринчи тез ёрдам» туркумидан
Haqiqiy sevgini izlash (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchilik
Lyukning hikoyasi. 1-qism
Treysining hikoyasi. 1-qism
O‘ylab ko‘rish uchun vaqt
Lyukning hikoyasi. 2-qism
Treysining hikoyasi. 2-qism
O‘ylab ko‘rish uchun vaqt
Lyukning hikoyasi. 3-qism
O‘ylab ko‘rish uchun vaqt
Mualliflar haqida
TREYSINING HIKOYASI. 1 QISM
"Rabbim, vijdonim bilan murosaga kelganim uchun meni kechirgin!" deya Treysi ichida ibodat qilardi, Lyuk uni uyiga olib borayotgan paytda. U o‘z xatti-harakatidan uyaldi, chunki u poklikni saqlash haqida Xudoga berilgan va’dasini buzishga deyarli tayyor edi. Treysi Lyuk bilan yoki boshqa birov bilan bu chegarani kesib o‘tmoqchi emasdi. Ammo bugungi oqshomda u his-tuyg‘ularga berilib ketdi. Romantik kechki ovqat, shamlar, yulduzlar, Lyukning unga yoqadigan narsalarni qilishga tayyorligi - buning barchasi ajoyib edi. U shu qadar muloyim, e’tiborli va g‘amxo‘r ediki, Treysi Lyukning ko‘ngliga yoqish uchun hamma narsa qilishga tayyor edi.
Biroq negadir Lyuk juda kech bo‘lishi mumkin lahzalar yetib kelmasidan avval o‘zini to‘xtatib qoldi. Bir tomondan Treysi yengillikni his qilgandi, boshqa tomondan esa u umidsizlikka tushgandi. Lyuk shunchalik to‘satdan to‘xtadiki, go‘yoki Treysi noto‘g‘ri harakat qilgandek. «Balki u yaqinlikni juda istaganim uchun to‘xtab qolgandir? Yoki, aksincha, u xohlagan darajada istamadimmi? Ehtimol men noto‘g‘ri ish qildim va bu uni mendan uzoqlashtirgandir? Yoki u ilgari birga bo‘lgan qizlarga o‘xshamaganim uchun mendan ko‘ngli qoldimi?» Ushbu savollar Treysiga uyga qaytib kelayotganida tinchlik bermayotgan edi. U Lyuk bilan o‘tkazgan bu oqshom oxirgisi emasligiga umid qilardi - u bunday ajoyib yigitni yo‘qotishni aslo istamasdi.
Treysi Lyukni birinchi marta qanday uchratganini esladi: Lyuk qatnaydigan jamoatning yoshlar guruhi dam olish kunida chang‘ida uchish uchun tog‘larga bormoqchi bo‘lishdi. Treysi u yerga Lyuk bilan bir jamoatga boradigan maktab do‘sti Pollining taklifiga binoan borgandi va ular yig‘ilish joyiga yetib borishilari bilan, Treysi yoqimli bir yigitga e’tibor qaratdi. Lyuk yoshlar guruhining yetakchisi edi. U yangi kelganlarni kutib olib, ularni avtobuslarga joylashtirardi, Lyuk nafaqat unga, balki hammaga e’tiborini qaratardi, ularning qiziqarli sayohati yaxshi boshlanishi uchun qo‘lidan kelganicha harakat qilardi.
Treysi u bilan bitta avtobusda ketishini va Lyuk unga yaqinroq o‘rindiqdan joy olganini bilganida yashirincha xursand bo‘lgandi. Tog‘gacha yo‘l safari taxminan uch soat davom etgandi va shu vaqt davomida Treysi doimo Polli va uning dugonalari bilan muloqotdan Lyukga va uning do‘stlariga chalg‘inardi, ular Treysiga qiziqarliroq tuyulishardi. Treysi uning aql-zakovatidan, kattalarga bo‘lgan hurmatidan va barchaga yaxshi vaqt o‘tkazishga yordam berishidan hayratlangandi va bunga qoyil qolmaslikdan iloji yo‘q edi. Lyuk bu sayohat hamma uchun marhamat va ularning yo‘li xatarsiz bo‘lishni so‘rab ibodat qilgandi. Treysi Lyuk - mehribon masihiy ekanligini tushundi va uni yaxshiroq bilishni istadi.
Buning uchun imkoniyatlar yetarli edi va Treysiga Lyuk ham unga e’tibor qilganday tuyuldi. Shanba kuni nonushta paytida Polli va Treysi o‘tirgan stolga Lyuk va uning do‘sti Kertis qo‘shilishdi. Kertis Polli bilan gaplashayotgan chog‘ida, Lyuk Treysini savollar bilan ko‘mib tashladi. Ularning jamoati va tog‘larga sayohatlari haqida qayerdan bilib olganini, qaysi jamoatga borishi, qachon Isoga ishonishni boshlagani, qancha vaqtdan beri chang‘ida uchishi, maktabni tugatgandan keyin nima bilan shug‘ullanishni istashi haqida so‘radi. O‘zi va yutuqlari haqida maqtanib gapirish, Treysini hayratga solishga urinish o‘rniga, Lyuk uning ruhiy hayoti bilan qiziqdi. U tarbiyali va xushmuomalali edi. Treysi o‘n sakkiz yoshli yigit o‘zini haqiqiy jentelmendek tutishini birinchi marta ko‘rayotgan edi. U suhbatni iloji boricha uzoqroq cho‘zish uchun ovqatini asta-sekin yeyishga harakat qilardi.
Ular chang‘ida uchayotganlarida Treysi Lyukga yana bir necha bor duch keldi. Lyuk Treysiga qaraganda chang‘ida yaxshiroq uchar edi va u Treysiga bir nechta qimmatli maslahatlarni berdi. U buni shunchalik muloyimlik bilan qildiki, Treysi o‘zining bilmagan narsalari va tajribasizligidan uyalmadi. Treysi yiqilib tushganda, Lyuk uning yonida bo‘lar edi va “jarohat olmadimikan” deb xavotirlanib, unga yordam berardi. Keyin, chang‘i bazasidagi uyda, Treysi oyoqlarini isitayotganida va kamin yonida paypoqlarini quritayotganida, Lyuk unga bir finjon issiq shokolad olib keldi. Treysi barmoqlarining uvishib qolishi yana paydo bo‘lganidan xavotirda edi, lekin u bu haqda Lyukga hech nima demadi. Lyuk o‘z vaqtini chang‘ida uchib o‘tkazishi mumkin edi, lekin ular bir soatdan ko‘proq suhbatlashishdi. Lyuk juda mehribon, muloyim va e’tiborli - Treysi unga maftun bo‘lgandi! Lyuk aynan unga e’tibor qilganiga Treysi ishonolmasdi, vaholanki, har qanday qiz Lyuk bilan muloqot qilish imkoniyatidan foydalangan bo‘lardi.
Sayohatdan qaytish yo‘lida Treysi, Lyuk ibodatni tugatib, kerakli e’lonlarni aytib bo‘lgach, uning yoniga o‘tiradi, deb umid qilib, qo‘shni o‘rindiq bo‘sh bo‘lishini ta’minladi. Lyuk haqiqatan ham uning yoniga o‘tirdi va Treysining xursandchiligi ichiga sig‘masdi. Ular uch soat suhbatlashishdi, garchi shu vaqt davomida avtobusdagi barcha hamrohlari uxlashayotgandi. Ular barcha mavzuda suhbatlashishdi: Masihga qanday kelishgani, orzulari, sevimli taomlari, musiqalari, filmlari haqida... Treysi ularni ko‘p narsalar qanchalik birlashtirayotganiga ishona olmas edi! Avtobuslari jamoat oldidagi to‘xtash joyida to‘xtashidan avval, Lyuk keyingi dam olish kunida Treysini uchrashuvga taklif qildi, Treysi darhol rozi bo‘ldi va u bilan uchrashishga xalaqit beradigan har qanday ishni jadvalidan olib tashlashga qaror qildi.
Keyingi ikki oy Treysi uchun ajoyib bir ertak kabi edi. Lyuk unga malikalardek munosabatda bo‘ldi. Birinchi uchrashuvlarida ular ko‘l bo‘yida musiqa sadosi ostida tushlik qilishdi, Lyuk buni oldindan tayyorlab qo‘ygandi. U Treysini kinoga – jangarilarga emas, balki unga yoqqan romantik melodramalarga taklif etardi; ular teatrga borardilar, shahar va uning atrofida juda ko‘p aylanishardi; birgalikda qo‘shiq kuylashardi, kulishardi, ibodat qilishardi. Uchinchi uchrashuvda Lyuk Treysini birinchi marta o‘pdi va kechasi Treysi uzoq vaqt Lyukning do‘sti bo‘lish qanchalik ajoyib ekanligini o‘ylab uxlolmadi.
Lyuk haqiqiy jentelmen edi, nima ham deymiz - ertak shahzodasi. U Treysiga gullar sovg‘a qilardi, rasmli nomalar yuborardi, doimo qo‘ng‘iroq qilardi, har xil e’tibor belgilarini ko‘rsatardi. Ular ko‘p vaqtlarini birga o‘tkazishardi, doim quchoqlashishardi, o‘pishishardi va qo‘l ushlashib yurishardi. Biroq, Lyuk hech qachon jinsiy aloqaga katta ahamiyat bermasdi. Hech qachon - shu oqshomgacha...
Lyuk Treysining uyi oldida to‘xtadi va har doimgidek unga eshikni ochish uchun mashinani aylanib o‘tdi. Tungi salqin havoda ular yuzma-yuz turishardi.
- Treysi, men... juda afsusdaman... meni kechir, iltimos, - dedi duduqlanib Lyuk. - Menga... shunchaki... sen bilan o‘zimni juda yaxshi his qilaman... - Uning ovozi pasaydi va Treysi unga hozir gapirish qiyinligini tushundi.
- Hammasi joyida, - dedi Treysi, dalda beruvchi ohangda. - Sen juda yoqimlisan, bilaman, sen yomonlik qilishni xohlamaganding. Vaqtida to‘xtaganimiz yaxshi bo‘ldi. Rahmat senga.
Bir oz sukutdan keyin Lyuk so‘radi:
- Ertaga senga qo‘ng‘iroq qilsam bo‘ladimi?
Treysi javoban kuldi:
- Albatta, men sening qo‘ng‘irog‘ingni kutaman.
Lyuk Treysining yuzidan o‘pdi va Treysi uyiga kirdi. Deraza oldida turib, Lyukning yurib ketayotgan mashinasini kuzatdi. «Hattoki bugun ham u o‘zini chinakam jentlmenlardek tutdi», xayolparastlik bilan gapirdi Treysi, - his-tuyg‘ularini jilovlab ololmagani uchun uzr so‘radi, qo‘ng‘iroq qilishga ham ruxsat so‘radi. Men undan xafa emasman va ertangi kunni intiqlik bilan kutaman. Bizning munosabatlarimizda o‘zgacha nimadir bor. Ehtimol, bu... chinakam sevgidir”.
Книга на Узбекском языке: Незапланированная беременность (Джош Макдауэлл, Эд Стюарт)
В этой книге речь пойдет о поисках настоящей любви.
Старшеклассники Люк и Трейси испытывают друг к другу чувства, каких никогда раньше не испытывали. Чем больше времени они проводят вместе, тем сильнее разгораются их чувства. Но долговременны ли они? Действительно ли эти чувства можно назвать настоящей любовью? Как узнать наверняка?
С помощью правдивой и увлекательной истории Джош Макдауэлл и Эд Стюарт предлагают библейский ответ на вопрос, что такое настоящая любовь. Если ты, как Люк или Трейси, пытаешься разобраться в своих чувствах, то эта книга для тебя.
А если у тебя есть друг, который тоже находится в поисках настоящей любви, то эта книга принесет пользу и ему: в ней ты найдешь практические советы, как ему помочь. Сначала прочитай эту книгу сам, а затем дай ее своему другу.