Джош Макдауэлл, Эд Стюарт. Худонинг иродасини излаш - (Эшлининг ҳикояси. 2-қисм) Китоб Ўзбек тилида
«Психологик биринчи тез ёрдам» туркумидан
Xudoning irodasini izlash (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchilik
Bobbining hikoyasi. 1-qism
Eshlining hikoyasi. 1-qism
O‘ylab ko‘rish uchun vaqt
Bobbining hikoyasi. 2-qism
Eshlining hikoyasi. 2-qism
O‘ylab ko‘rish uchun vaqt
Bobbi va Eshlining hikoyasi
O‘ylab ko‘rish uchun vaqt
Mualliflar haqida
ESHLINING HIKOYASI. 2-QISM
- Jenni, biz hammamiz Dag bilan qanday tanishganingizni va qachon sevishib qolganingizni bilmoqchimiz? – deb so‘radi Eshli.
Eshli va uning dugonalari Jennining uyida mehmon bo‘lib, vaqtni juda yaxshi o‘tkazayotgandilar. Ularning barchasi xursand edilar. Aslida, Eshli Jennini dugona sifatida yaxshi ko‘rardi va ruhiy ustozi sifatida hurmat qilardi. Yigitlar haqidagi suhbat asta-sekin Jennining eri Dag bilan bo‘lgan munosabatlari haqidagi suhbatga aylandi. Uning hikoyasini eshitish uchun qizlar unga yaqinroq o‘tirishdi. Eshliga, ayniqsa, Bobbi Franklin bilan kelajagining noaniqligidan xavotirda bo‘lganligi uchun bu hikoya juda qiziqarli edi.
- Dag bilan kollejda tanishganman, men ikkinchi kursda o‘qiyotgandim, - deb boshladi Jeni. - U dengiz floti xizmatidan endi qaytgan birinchi kurs talabasi edi.
- O-o-o, dengizchi! - hazil mutoyiba bilan xitob qildi Eshlining dugonasi Dana. Birdaniga hamma kulib yubordi. Jenni davom ettirdi:
- Biz Dag bilan talabalar shaharchasida Xushxabar yetkazardik. Uning hayoti yuz foiz Rabbiyga xizmat qilishga bag‘ishlanganligi men uchun mutlaqo aniq edi, men erkak aynan shunday bo‘lishi kerak deb o‘ylardim. Bundan tashqari, u yetarlicha jozibali edi!
Yig‘ilgan qizlar orasida yana shum kulishlar eshitildi.
- Bu bir ko‘rishda sevgi edimi? - Eshli juda qiziquvchi bo‘lib ko‘rinmaslikka harakat qilib, asta sekin so‘radi. - U senga to‘g‘ri kelishini qanday tushunding?
- Aslida buni darhol bilmadim, - davom etdi Jenni. - Men Xudo o‘z xohish-irodasini birdaniga emas, balki asta-sekin ochib berishini angladim. Aslida Dag mening e’tiborimni darhol tortdi, bizlarga birgalikda Rabbimizga xizmat qilish zavqli edi. Ammo, Xudo uni aniq men uchun tanlaganini tushunishim uchun deyarli ikki yil kerak bo‘ldi.
- Buni qanday tushunding? - Eshli savol berishda davom etaverdi.
Jenni jilmayib qo‘ydi:
- Xullas, qisqacha aytsam, unga turmushga chiqishni u menga taklif qildi va men rozi bo‘ldim.
Eshli bu safar boshqalar bilan kulmadi. U juda jiddiy qiyofada edi. Uning yuz ifodasini ko‘rib, Jenni hikoyasini davom etdi:
- Kelinglar, men voqeani to‘liq aytib berayin. Demak, ikki yil davomida u bilan uchrashib yurganimizda, hayotimning to‘rtta jabhasida Xudo mendan nimani xohlashini tushunishga harakat qilardim. Dag ham xuddi shu bilan mashg‘ul edi, garchi men bu haqda hech narsa bilmasam ham. Birinchidan, munosabatlarimizda men Muqaddas Kitob tamoyillariga amal qilardim. Ikkalamiz ham masihiy edik, shu sababdan Muqaddas Kitob ta’qiqlaganidek "imonsizlar bilan sherik bo‘lmanglar" kabi so‘zlar haqida gap bo‘lishi mumkin emas edi. Shuning uchun, munosabatlarimizda men vasvasalardan qochishga harakat qilardim va birinchi navbatda o‘zaro ruhiy o‘sishga e’tibor qilishga qaror qilgandim.
- Turmush qurganlaringda bokira edingmi? - Jeymi to‘g‘ridan-to‘g‘ri so‘radi, bunday savoldan dugonalarining ko‘zlari kattalashib ketdi.
- Ha, men bokira edim, - dedi Jenni asta jilmayib. - Ikkalamiz ham, nikohdan oldin o‘z pokligimizni saqlashga qaror qildik, garchi bu oson bo‘lmasa ham.
Eshli Jennidan bu masaladagi ochiqligi va samimiyligi uchun minnatdor edi. U va Bobbi ham turmush qurishdan oldin shunday qaror qilishgandi. Biroq, shunday lahzalar ham bo‘lganki, agarda Bobbi Eshlini shunga ko‘ndirganida, u bunga rozi bo‘lishga tayyor edi. Ammo Bobbi hech qachon bunday qilmagan.
- Ikkinchidan, men ibodat orqali Xudoning irodasini bilishga harakat qildim, - deb davom etardi Jenni. - Agar biz birga bo‘lishimiz mumkin bo‘lsa va bunga to‘sqinlik qilinmasa men Xudodan munosabatlarimizga yashil chiroq yoqishini so‘rardim, yoki aksincha, ularning rivojlanishiga qarshilik ko‘rsatsin, deb iltijo qilardim. Uchinchidan, men ruhiy jihatdan yetuk masihiylardan maslahat so‘radim. Aslida men Dag bilan munosabatlarimiz haqida ob’ektiv fikrni eshitishni istadim. To‘rtinchidan, bizni yaqinlashtirgan ba’zi bir vaziyatlarga e’tibor qildim. Demak, biz ikkalamiz ham Xudoga butun hayotimiz bilan xizmat qilishga intilardik, ammo u ham, men ham professional xizmat uchun chaqirilganimizni his qilmasdik. Biz bir jamoa sifatida birgalikda ishladik va biz birga bo‘lishni yoqtirardik. Shu sababli ikki yil davomida Xudo bizning munosabatlarimizga yashil chiroq berganligini kuzatib, turmush qurishga qaror qildik.
- "Biz qaror qildik" degani nimani bildiradi? - Eshlidan birdaniga savol chiqib ketdi. - "Xudo qaror qildi" - deb, aytmoqchisan, shundaymi?
- Bu aslida Xudo, men va Dag qaror qilgan holat edi, - dedi Jenni tabassum bilan. - Men Dag bilan bo‘lgan munosabatlarimiz Xudoga ma’qul kelganligini tushunardim, lekin Xudo mening o‘rnimga qaror qilmadi. Aslida, Dag bilan men qaror qabul qilishimiz kerak edi. Axir, Rabbimiz bizni shunchalik yaxshi ko‘radiki, agar bizning asosiy xohishimiz Uni sevish bo‘lsa, demak u qalbimiz istaklaridan lazzatlanishimizni istaydi. Aslida, agar Dagga turmushga chiqmaslikni qaror qilganimda yoki u menga uylanmaslikni qaror qilganida, ehtimol, men boshqa bir yaxshi masihiy yigitni uchratgan bo‘lardim va u Xudoning irodasi bilan mening erimga aylanar edi. Biroq, yuragimning xohishi aynan Dag edi va men uni tanlagandim, u esa meni tanlagandi. Turmushimizning o‘n bir yili mobaynida men bundan hech qachon afsuslanmaganman.
Eshliga bu gaplar unchalik yoqmadi. Xudodan keyin uning yuragi Bobbini orzu qilardi, lekin agar Bobbi unga nisbatan shunday munosabatda bo‘lmasachi? U Xudo qaror qabul qilishini, ya’ni ularni bir-biri uchun tanlaganini xohlardi. O‘zining kelajagi haqida Xudodan tashqari boshqa kimdir bilan gaplashishi kerakligini anglashning o‘zi unga og‘riq keltirardi. Va bu "kimdir" Bobbi Franklin edi.
Книга на Узбекском языке: Поиски Божьей воли (Джош Макдауэлл, Эд Стюарт)
В этой книге речь пойдет о поисках подростком Божьей воли.
Бобби Франклин, звезда школьной команды по бейсболу, ждет выпускного, с неуверенностью глядя в будущее. Следует ли ему, христианину, бросить любимый бейсбол и посвятить себя служению Богу? Или стать профессиональным спортсменом? И должен ли он жениться на своей подруге Эшли? Бобби стремится понять, чего хочет от него Бог, какова Его воля.
Если у тебя есть друг, который тоже стремится узнать Божью волю, то эта книга принесет пользу и ему: в ней ты найдешь практические советы, как ему помочь.
С помощью правдивой и увлекательной истории Джош Макдауэлл и Эд Стюарт предлагают библейский ответ на вопрос, как узнать Божью волю. Если ты как Бобби, задаешься этим вопросом, то эта книга для тебя.