Джош Макдауэлл, Эд Стюарт. Худонинг иродасини излаш - (Боббининг ҳикояси. 2-қисм) Китоб Ўзбек тилида
«Психологик биринчи тез ёрдам» туркумидан
Xudoning irodasini izlash (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchilik
Bobbining hikoyasi. 1-qism
Eshlining hikoyasi. 1-qism
O‘ylab ko‘rish uchun vaqt
Bobbining hikoyasi. 2-qism
Eshlining hikoyasi. 2-qism
O‘ylab ko‘rish uchun vaqt
Bobbi va Eshlining hikoyasi
O‘ylab ko‘rish uchun vaqt
Mualliflar haqida
BOBBINING HIKOYASI. 2-QISM
Bobbi Franklin dam olish kunini intiqlik bilan kutar edi. Jamoat yoshlari guruhidan to‘rttasi yaqinlashib kelayotgan maktabni bitirish kunini baliq ovlash va shunchaki yaxshi vaqt o‘tkazish uchun tog‘da uch kunlik safar bilan nishonlashga qaror qilishdi. Ulardan ikkitasi, Bleyk va Ien boshqa shtatdagi kollejga jo‘nab ketishi kerak edi, Bobbi va Jeff esa hali kuzda qayerda bo‘lishlarini bilishmasdi. Shuning uchun yoz oxirida bir birlaridan ajralishdan oldin, ular birgalikda vaqt o‘tkazishga qaror qilishdi.
To‘rtalasi bir ovozdan Dag Shouni o‘zlari bilan safarga chaqirishga qaror qilishdi. Dag va uning rafiqasi Jenni ularning jamoatlarida yoshlar bilan ishlashni tashkil qiluvchi ko‘ngilli edilar. Safarga chiqishlarni juda yoqtirgan Dag ularning taklifiga darhol rozi bo‘ldi. Rafiqasi Jenni esa o‘sha vaqtga o‘z uyiga bir nechta qizlarni taklif etdi, jumladan, Eshli Shepardni ham.
Bobbi va Dag bir yil davomida yelkama-elka ishlashdi. Bobbi yoshlar guruhi rahbariyatida faol ishtirok etgandi. Shu sabab u Dagni Masihdagi katta akasi deb bilardi. Bleyk, Ien va Jeff ham ko‘p marta Dagning maslahatlaridan va yordamidan foydalanishgan. Bobbi ularning beshovloni vaqtlarini yaxshi o‘tkazishiga amin edi. Shuningdek, u Dag bilan suhbat chog‘ida kelajak haqidagi savollariga javob olishi imkoniyatiga ega bo‘lishiga umid qilardi.
Juma kuni katta sinf o‘quvchilarida dam olish kuni edi, demak ertalab ular tog‘ sari jo‘nashdi. Kunning yarmida ular to‘xtab tushlik qilishdi, so‘ngra ryukzaklarini qattiqroq bog‘lashib o‘rmon tomon yo‘l olishdi. Kechki soat oltida ular tog‘dagi toza suvli ko‘l atrofida to‘xtash uchun ajoyib joy topdilar. Soat olti yarimga yaqin ular kechki ovqatni dabdabali o‘tkazish uchun yetarlicha xon baliq tutishga musharraf bo‘lishdi.
Kechki ovqatdan so‘ng ular tabiatdan bahra olib charsillagan gulxan atrofida o‘tirishardi, Dag va to‘rtta yigit maktab hayotidan qiziqarli voqealar bilan o‘rtoqlashib kulishardi. Albatta ular beysbol haqida juda ko‘p gaplashishardi, hazillari esa ko‘pincha ularning shaharlarida taniqli bo‘lgan Bobbi haqida edi. Bobbi ham ularga qo‘shilib hazillashardi va hamma bilan kulardi.
Suhbatlari qisqa vaqtga to‘xtagach, Bobbi kun bo‘yi o‘ylab yurgan savolini berishga qaror qildi:
- Dag, qayerda o‘qishni, hayotda nima qilishni va qolgan hammasini sen qay tariqa hal qilding?
O‘ylanib, Dag gulxan ichiga bir oz o‘tin tashladi.
- Men qanday qilib qaysi iste’dod va qobiliyatlarim bor ekanligini aniqladim demoqchimisan?
- Ha, ular bilan nima qilishni qanday hal qilding?
Dag jilmaydi.
- Ya’ni, sening yoshingda bo‘lganimda o‘z hayotimda Xudoning irodasini qanday qilib aniqlaganimni so‘ramoqchisan, shundaymi?
Bobbi darhol qizarib ketdi. Aslida ham aynan shuni so‘ramoqchi ekanligi aniq bo‘lib qoldi.
- Ha, shunday.
Gulxanning notekis nurida boshqalar uning yuzi qanday o‘zgarganini sezishmadi. Bundan tashqari Bleyk, Ien va Jeff Dagga qarab, uning javobini kutishayotgandi.
Bir necha soniya davomida Dag jimgina gulxanda ko‘mirni aralashtirardi. Keyin u gapira boshladi:
- Maktabni tugatganimda, men ham xuddi sizlardek masihiy edim. Va kelajakdagi hayotim uchun Xudoning rejalari haqida bilishni juda xohlardim. Maktabda doimo texnik fanlar va tashkilotchilik qobiliyatlarim yaxshi bo‘lgan. Va men kompyuterlar savdosi, texnik xizmat ko‘rsatish bilan yoki shunga o‘xshagan boshqa narsalar bilan shug‘ullanishim mumkin deb o‘ylardim.
- Senda axir kichikroq bosmaxonang borku, - dedi Bleyk. - Ya’ni, hozir sen taxminan xohlagan ishing bilan shug‘ullanyapsan desa bo‘ladi.
- Ha, shunday, lekin bosmaxonam menda har doim bo‘lmagan, - dedi Dag.
Bobbi Dag va uning hayoti haqida deyarli hech narsa bilmasligini tushundi, faqat so‘nggi uch yil bundan mustasno edi. Endi u haqida ko‘proq bilishni juda xohlagandi.
- Sen ilgari nima qilarding? - deb so‘radi u. Bobbining uchta do‘sti ham qiziqish bilan javobni kutardilar.
- Men ikki yil dengiz flotida bo‘ldim, to‘rt yil kollejda va yetti yil otamning mebel do‘konida ishladim.
Bobbining ko‘zlari kattalashib ketdi, u hayron qoldi.
- Qanday qilib Xudo seni dengiz flotidagi xizmatdan kollejga, kollejdan mebel do‘koniga, so‘ngra bosmaxonaga olib keldi?
Dag asta kulib qo‘ydi.
- Bu uzun hikoya va men sizga uni jonim bilan aytib beraman. Lekin, avvalo, sizlarga Xudoning irodasi haqida bir oz gapirib bermoqchiman - men buni maktabda o‘qituvchimdan eshitgandim. Aslida bu menga hayotimda katta yordam berdi va shu tufayli men hozir bo‘lishim kerak bo‘lgan joyimdaman. - Shu payt Dag qo‘liga tayoq olib, yerga gorizontal chiziq chizdi. - Xudo irodasining ikkita darajasi mavjud. Birinchisi, Xudoning irodasi hamma uchun yoki mening cho‘ponim aytganidek, Xudoning umumbashariy irodasi. - Dag tayoqchasi bilan chiziq ustidagi bo‘shliqni ko‘rsatdi. U tayoqning uchini pastga tushirib, davom etdi: - Ikkinchisi esa Xudoning har bir inson uchun irodasi. Ko‘pchilik Xudoning ularga nisbatan irodasini aniq bilishni istashadi, lekin Uning barcha odamlar uchun irodasini e’tiborsiz qoldiradilar. Bu jiddiy muammodir. Agarda biz Xudoning umumbashariy irodasini bajarishni istamas ekanmiz, unda nega Xudo bizga O‘zining aniq irodasini ochib berishi kerak ekan?
- Xudoning umumbashariy irodasi deb aytganingda, sen nimani nazarda tutding? - deb so‘radi Bleyk.
- Har bir kishi uchun aniq va ravshan bo‘lgan Xudoning irodasi Muqaddas Kitobda ochiq yozilgan - deb javob berdi Dag. - Masalan, biz Kalomdan bilamizki, Xudo hamma najot topishi uchun Masihga murojaat qilishini istaydi. Yoki Salonikaliklarga birinchi maktubning 5 bob 17-oyati: "Tinmay ibodat qilinglar" deganini eslang. Demak, biz doimo ibodat qilishimiz va U bilan do‘st bo‘lib yashashimiz – Xudoning irodasi ekanligini bilishimiz lozim. Xudo bizga o‘z irodasini Muqaddas Kitobda ochib beradi. Yigitlar, balki siz ham biror misollarni eslarsiz?
- U bizlar bir-birimizni sevishimizni xohlaydi, - eslatdi Bobbi.
- Ha, albatta, har kim boshqalarni sevishi Xudoning irodasidir, - deya rozi bo‘ldi Dag.
- Ota-onangizga bo‘ysunishga nima deysiz? - taklif qildi Ien.
Dag ma’qullagancha boshini irg‘adi.
Yigitlar Muqaddas Kitobdan yana bir nechta amrlarni esladilar. Keyin Dag shunday dedi:
- Maktabning oxirgi sinflarida men cho‘ponimning oldiga borib undan kollejga borishim Xudoning irodasimi yoki yo‘qmi, buni qanday bilishim kerakligini so‘radim? Bu savolimga javoban u mendan “Masihni Najotkorim deb bilasanmi? Ota-onangga bo‘ysunasanmi? Pok hayot kechirasanmi?” degan savollar berdi. Meni bunday savollar shu qadar hayratga solgandiki, cho‘pon shoshilib menga tushuntira boshladi: "Agar sen Xudoning umumbashariy irodasini bajarmasang, unda aniq bir holatda Uning irodasini qidirishdan foydasi yo‘q". Men uning so‘zlarini umrimning oxirigacha eslab qoldim. Men tushundimki, shaxsan biz uchun Xudoning irodasini bilishning kaliti - bilganlarimizni bajarishdir.
Dag gapini davom ettirayotganida, Bobbi o‘zini biroz tekshirib ko‘rishdan to‘xtata olmadi. Aslida u doim Xudoning irodasini bajarganmi? Afsuski, Bobbi mukammallikdan yiroqligini tan olishi kerak edi. Garchi u chin dildan Xudoning Kalomiga itoat etishga harakat qilgan bo‘lsa ham. U imoniga juda jiddiy munosabatda edi, hatto ota-onasiga bo‘ysunmaslik yoki o‘zining pokligi bilan murosaga kelish vasvasasi bo‘lganda ham. Albatta u hali ruhiy jihatdan o‘sishi kerak edi, lekin Bobbi uchun Masihga va Uning So‘ziga itoat qilish eng muhimi edi.
Bobbi Dag o‘z hikoyasining ikkinchi qismiga o‘tishini kutib turolmasdi, chunki uni eng yaqin kelajagiga oid Xudoning irodasi ko‘proq tashvishlantirardi.
Книга на Узбекском языке: Поиски Божьей воли (Джош Макдауэлл, Эд Стюарт)
В этой книге речь пойдет о поисках подростком Божьей воли.
Бобби Франклин, звезда школьной команды по бейсболу, ждет выпускного, с неуверенностью глядя в будущее. Следует ли ему, христианину, бросить любимый бейсбол и посвятить себя служению Богу? Или стать профессиональным спортсменом? И должен ли он жениться на своей подруге Эшли? Бобби стремится понять, чего хочет от него Бог, какова Его воля.
Если у тебя есть друг, который тоже стремится узнать Божью волю, то эта книга принесет пользу и ему: в ней ты найдешь практические советы, как ему помочь.
С помощью правдивой и увлекательной истории Джош Макдауэлл и Эд Стюарт предлагают библейский ответ на вопрос, как узнать Божью волю. Если ты как Бобби, задаешься этим вопросом, то эта книга для тебя.
