Саған Қутқарыўшы керек!
Ол сениң өмириңди қуўанышқа ҳәм мазмунға толтырып, ҳақыйқый мақсетке бағдарлайды
Мухаддес Китап былай дейди: "Себеби Қудай бул дүньяны соншелли сүйгенликтен, Өзиниң жалғыз Улын берди. Оның Улына исенген ҳәр бир адам набыт болмай, мәңгилик өмирге ийе болады." (Юхан жазған Хош Хабар 3-бап, 16-аят)
Ийса айтты: "Уры тек урлаў, өлтириў ҳәм набыт қылыў ушын келеди. Бирақ Мен олар өмирге ийе болыўы ушын, дәўлетли өмирге ийе болыўы ушын келдим." (Юхан жазған Хош Хабар 10-бап, 10-аят)
Бирақ бир машқала бар:
1. Кудай сени жақсы көреди ҳәм сениң өмириң ушын Оның режеси бар.
2. Ҳәр бир адам Қудай алдында гүна ислеген ҳәм соның ушын ол Қудай менен бирге жасай алмайды.
Бизлердиң айтқан, ислеген, ҳәтте, ойлаған барлық жаман нәрселеримизди Мухаддес Китап «гүна» деп атайды. Мухаддес Китапта былай делинген: «Өйткени ҳәмме гүна ислеген ҳәм Қудайдың салтанатынан айырылған». (Римлилерге жазылған хат 3:23)
Қәлеген гүна, ҳәтте, ең кишкене гүна да адамды өлимге алып барады. Бул физикалық өлим емес, ал Қудайдан мәңгиге айыратуғын руўхый өлим. «Себеби гүнаның тѳлеми – ѳлим, ал Кудайдың сыйы – Ийемиз Масийх Ийса арқалы берилетуғын мәңгилик ѳмир». (Римлилерге жазылған хат 6:23)
Бирақ жақсы жаңалық бар!
Бизлер Қудай менен мәңги жасай алыўымыз ушын, Ийса бизлердиң орнымызға өлди. "Бирақ, бизлер еле гүнакар болған ўақтымызда Масийх бизлер ушын өлди. Бизлерге деген сүйиспеншилигин Қудай усылай дәлилледи." (Римлилерге жазылған хат 5:8)
Бирақ Оның өлими – бул еле ақыры емес! Ол өлилер ишинен қайта тирилди ҳәм ҳәзир тири! "Өзим алған ең әҳмийетли нәрсени мен сизлерге жеткизген едим. Яғный, Мухаддес Жазыўлар бойынша, Масих бизлердиң гүналарымыз ушын өлди. Және де, Мухаддес Жазыўлар бойынша, Ол қәбирге қойылды ҳәм үшинши күни өлимнен қайта тирилди." (1-Коринфлилер 15:3-4)
Ийса - Қудайға алып баратуғын жалғыз жол! "Ийса оған былай деди: – Мен жол, ҳақыйқат ҳәм өмирмен. Мен арқалы болмаса, ҳеш ким Әкеге бара алмайды." (Юхан жазған Хош Хабар 14:6)
3. Қудай жерге Өз Улын жиберди. Оның Улы сениң гүналарың ушын өлди.
4. Мухаддес Китап: «Ийсаға исенген адам қутқарылады», дейди.
Қутқарылыўға тек ғана исеним арқалы ерисиў мүмкин: "Сизлер исенимиңиз арқалы Қудайдың мийрими менен қутқарылдыңыз. Бул сизлердиң жетискенлигиңиз емес, ал Қудайдың сыйы болғанлықтан, ҳеш ким ислерим себепли қутқарылғанман деп, мақтана алмайды." (Ефеслилер 2:8-9)
Бизлер Қудай менен мәңги жасай алыўымыз ушын, Ийса бизлердиң орнымызға өлди. "Бирақ, бизлер еле гүнакар болған ўақтымызда Масийх бизлер ушын өлди. Бизлерге деген сүйиспеншилигин Қудай усылай дәлилледи." (Римлилерге жазылған хат 5:8)
Қутқарылыў - бул гүнаның жазасынан қутқарылыў. Тек Ийса сени қутқара алады. Исеним - усы ҳақыйқатты қабыл етиў. Мәңгилик өмирди жәмәәтке барыў, саўап ислерди ислеў ямаса диний мәресимлерди орынлаў арқалы алыў мүмкин емес. Тек ғана Ийса Масийхтың қурбанлығына исениў ҳәм Оған қулақ салыў бизлерди мәңгилик өлимнен қутқара алады.
Ҳәр қандай гүманнан бас кешип, Қудайға сүйениң ҳәм жүрегиңе исеним менен Ийса Масийхты қабыл етиң. Бизлер саған ҳәзирдиң өзинде-ақ Қудайға дуўа етиўди ҳәм Оған өз шешимиңди айтыўды усыныс етемиз!
"Қудай, мен өзимниң гүнакар екенимди билемен. Мен өз күшим менен қутқарылыўға ҳәм мәңгилик өмирге ерисе алмайман. Мен өмиримде ислеген барлық гүналарыма кеширим сорайман. Мениң ислеген гүналарымның жазасын Ийса Өзине алып, мениң орныма өлгенине ҳәм мени Сениң алдыңда ақлаў ушын қайта тирилгенине исенемен. Ийса – мениң Қутқарыўшым екенине исенемен. Гүналарымды кеширип, маған мәңгилик өмир сыйын бергениң ушын рахмет. Аўмийин".
5. Сениң Ийсаға исениўиңе не тосқынлық етеди?
Сиз Ийсаны қабыл етиўди қәлейсиз бе?
Ҳәр қандай гүманнан бас кешип, Қудайға сүйениң ҳәм жүрегиңе исеним менен Ийса Масийхты қабыл етиң. Бизлер саған ҳәзирдиң өзинде-ақ Қудайға дуўа етиўди ҳәм Оған өз шешимиңди айтыўды усыныс етемиз!