Biyler 17 bob
1 Efrayımnın' tawlı u'lkesinde Mixa atlı bir adam bar edi.
2 Mixa anasına: – Sennen urlang'an bir mın' bir ju'z gu'mis shekel esin'de me? Sen onı urlag'andı ko'z aldımda g'arg'ag'an edin'-g'o. Sol gu'mis mende, onı men alg'an edim, – dedi. Sonda anası og'an: – Seni Jaratqan İye jarılqasın, balam! – dedi.
3 Mixa bir mın' bir ju'z shekel gu'misti anasına qaytarıp berdi. Al anası: «Ulımnın' bir jonılg'an ha'm bir quyma but isletiwi ushın, men bul gu'misti Jaratqan İyege bag'ıshlayman. Ulım, gu'misti o'zin'e qaytarıp berip atırman», – dedi.
4 Solay etip, anası Mixa qaytarıp bergen gu'misten eki ju'z ten'geni alıp, onı zergerge berdi. Zerger onnan bir jonılg'an ha'm bir quyma but islep berdi. Olar Mixanın' u'yine qoyıldı.
5 Mixanın' sıyınıw ushın saldırg'an muxaddes u'yi bar edi. Ol bir efod ha'm u'y butların isletip, ullarının' birin ruwxaniy etip tayınladı+. 6Ol da'wirde İzrailda patsha joq bolıp, ha'r kim o'zine durıs bolıp ko'ringen isti isleytug'ın edi.
6 Sol waqıtları Yahuda urıwının' Beytlehem qalasında jasap atırg'an lebiyli bir jas jigit bar edi.
7 Ol jasawg'a basqa bir jer tabıw ushın, Yahudanın' Beytlehem qalasınan shıqtı da, jol-jo'nekey Efrayımnın' tawlı u'lkesindegi Mixanın' u'yine keldi.
8 Mixa onnan: – Qay jerden kiyatırsan'? – dep soradı. Ol Mixag'a: – Yahudanın' Beytlehem qalasınan kiyatırman. O'zim lebiylimen, jasaytug'ın jer izlep ju'rmen, – dedi.
9 Mixa og'an: – Menin' u'yimde qalıp, menin' ken'esgo'yim ha'm ruwxaniyim bol. Men sag'an jılına on shekel gu'mis bereyin, tamag'ın'dı toydırayın ha'm kiyindireyin, – dedi.
10 Solay etip, lebiyli jigit Mixanın' u'yinde jasawg'a kelisim berdi. Mixa da onı o'z ulınday ko'rdi.
11 Mixa lebiylini ruwxaniy etip qoydı ha'm ol Mixanın' u'yinde jasap qaldı.
12 Mixa lebiylini ruwxaniy etip qoydı ha'm ol Mixanın' u'yinde jasap qaldı.
13 Sonda Mixa: «Endi men Jaratqan İyenin' mag'an jaqsılıq qılatug'ının bilemen. O'ytkeni menin' lebiyli ruwxaniyim bar», – dedi.
