1 Timofey 1 bob
1 Qutqarıwshımız Qudaydın' ha'm u'mitimiz Masix İysanın' buyrıg'ı menen Masix İysanın' elshisi bolg'an men, Pavelden,
2 isenimdegi haqıyqıy ulım bolg'an Timofeyge sa'lem! A'kemiz Quday ha'm İyemiz Masix İysa sag'an miyrim, rehim ha'm tınıshlıq bersin!
3 Men Makedoniyag'a ketip baratırg'anımda sag'an o'tinish etkenimdey, Efeste qal. Ol jerdegi ayırım adamlarg'a jalg'an ta'liymatlardı u'yretpewdi,
4 an'ızlar ha'm sheksiz shejireler menen ba'nt bolmawdı buyır. Bular isenim arqalı bilinetug'ın Qudaydın' islerine payda beriwdin' ornına, tartıslardı keltirip shıg'aradı.
5 Al bul buyrıqtın' maqseti bolsa – pa'k ju'rekten, taza hu'jdannan ha'm haqıyqıy isenimnen su'yispenshilikti payda etiw.
6 Geybir adamlar bulardan ju'z burıp, bos ga'plerge erip adastı.
7 Olar nızam mug'allimi bolıwdı qa'leydi, biraq neni so'ylep ha'm neni taban tirep tastıyıqlap atırg'anın tu'sinbeydi.
8 Durıs qollang'an adam ushın Muxaddes Nızam paydalı ekenin bizler bilemiz.
9 Ja'ne de, Muxaddes Nızam haq adamlar ushın emes, al nızamdı buzıwshılar ha'm boysınbaytug'ınlar, qudaysızlar ha'm gu'nakarlar, muxaddes emesler ha'm muxaddes na'rselerdi sıylamaytug'ınlar, ataanasın o'ltiretug'ınlar, adam o'ltiriwshiler,
10 Ja'ne de, Muxaddes Nızam haq adamlar ushın emes, al nızamdı buzıwshılar ha'm boysınbaytug'ınlar, qudaysızlar ha'm gu'nakarlar, muxaddes emesler ha'm muxaddes na'rselerdi sıylamaytug'ınlar, ataanasın o'ltiretug'ınlar, adam o'ltiriwshiler,
11 Durıs ta'liymat bolsa, alg'ısmaqtawlarg'a ılayıq Qudaydın' ullı Xosh Xabarına tiykarlang'an. Usı Xosh Xabardı Quday mag'an isenip tapsırdı.
12 Mag'an ku'sh-quwat berip qoyg'an İyemiz Masix İysag'a minnetdarshılıq bildiremen. Sebebi Ol meni sadıq dep esaplap, O'z xızmetine tayınladı.
13 Bir waqıtları men Og'an til tiygiziwshi, quwdalawshı ha'm zalım adam bolsam da, Ol mag'an miyr.Biraq İyemizdin' miyrimi Masix İysadag'ı isenim ha'm su'yispenshilik penen birlikte menin' u'stime molmol bolıp to'gildi+.m-sha'pa'a'tin berdi. O'ytkeni mende haqıyqıy isenim bolmag'anlıqtan, ne islep ju'rgenimdi bilmeytug'ın edim.
14 Biraq İyemizdin' miyrimi Masix İysadag'ı isenim ha'm su'yispenshilik penen birlikte menin' u'stime molmol bolıp to'gildi.
15 «Masix İysa bul du'nyag'a gu'nakarlardı qutqarıw ushın keldi», – degen so'zler isenimli ha'm ha'mme adamlar ta'repinen qabıl qılınıwg'a ılayıqlı so'zler. Men o'zimdi gu'nakarlardın' ishindegi en' jamanıman dep esaplayman.
16 Biraq, men gu'nakarlardın' ishindegi en' jamanı bolsam da, Masix İysa mag'an rehim etti. Keyinirek O'zine isenip, ma'n'gilik o'mirge erisetug'ınlarg'a o'rnek bolıwım ushın, Ol mag'an sheksiz sabırlıg'ın ko'rsetti.
17 Ma'n'gilik Patshag'a, o'lmeytug'ın ha'm ko'rinbeytug'ın jalg'ız Qudayg'a ma'n'gige hu'rmet ha'm dan'q bolsın! Awmiyin.
18 Ulım Timofey! Sen tuwralı aldın aytılg'an payg'ambarshılıq so'zlerine tiykarlanıp, sag'an buyıraman: usı so'zler boyınsha jaqsı a'sker sıyaqlı is-ha'reket et.
19 İsenimin'di ha'm hu'jdanın'dı taza saqla. Ayırımlar hu'jdanın satıp, iseniminen ayırıldı.
20 Olardın' arasında Gimeney ha'm İskender de bar. Qudayg'a til tiygizbewdi u'yrensin dep, men olardı ja'ma'a'tten shıg'arıp, shaytannın' qolına tapsırdım.
