2 Salonikalılar 1 bob
1 A'kemiz Qudayg'a ha'm İyemiz İysa Masixqa* tiyisli bolg'an Salonika iseniwshilerinin' ja'ma'a'tine, Pavel, Sila ha'm Timofeyden sa'lem!
2 A'kemiz Qudaydın' ha'm İyemiz İysa Masixtın' miyrimi ha'm tınıshlıg'ı sizlerge yar bolsın!
3 Tuwısqanlar! Sizler ushın ha'mme waqıtta Qudayg'a shu'kirlik etiw parızımız. Usılay islewimiz orınlı. Sebebi isenimin'iz ku'n sayın o'sip, ha'r qaysısın'ızdın' bir-birin'izge degen su'yispenshiligin'iz artıp barmaqta.
4 Sonlıqtan bizler basın'ızdan keship atırg'an barlıq quwdalaw ha'm azapaqıretler waqtındag'ı sizlerdin' sabırlılıg'ın'ız ha'm isenimin'iz ushın Qudaydın' ja'ma'a'tlerinde sizler menen maqtanamız.
5 Bulardın' ha'mmesi Qudaydın' a'dil jazasının' belgisi. Na'tiyjede, shegip atırg'an azabın'ız ushın sizler Qudaydın' Patshalıg'ına ılayıqlı dep sanalasızlar.
6 Quday a'dil: sizlerge azap bergenlerge Ol azap penen juwap qaytaradı.
7 Azap shegip atırg'an sizlerge bolsa, bizler menen birge tınıshlıq beredi. Bulardın' ha'mmesi İyemiz İysa O'zinin' qu'diretli perishteleri menen jalınlag'an ot ishinde aspanda ko'ringende ju'z beredi.
8 Sonda İyemiz İysa Qudaydı bilmeytug'ınlardı ha'm O'zi haqqında Xosh Xabarg'a boysınbag'anlardı jazalaydı.
9 Sonda İyemiz İysa Qudaydı bilmeytug'ınlardı ha'm O'zi haqqında Xosh Xabarg'a boysınbag'anlardı jazalaydı.
10 İyemiz kelgen ku'ni O'z muxaddesleri ta'repinen ullılanıp, pu'tkil iseniwshiler ta'repinen alg'ıslanadı. Olardın' arasında sizler de bolasızlar. O'ytkeni bizlerdin' Ol haqqında bergen gu'walıg'ımızg'a isendin'ler.
11 Sonlıqtan sizler ushın ba'rqulla duwa etip atırmız: Qudayımız sizlerdi O'zi shaqırg'an o'mirge ılayıqlı qılsın, ha'r tu'rli jaqsı arzıw-a'rmanın'ızdı ha'm isenimge tiykarlang'an ha'r bir isin'izdi O'z qu'direti menen a'melge asırsın.
12 Sonlıqtan sizler ushın ba'rqulla duwa etip atırmız: Qudayımız sizlerdi O'zi shaqırg'an o'mirge ılayıqlı qılsın, ha'r tu'rli jaqsı arzıw-a'rmanın'ızdı ha'm isenimge tiykarlang'an ha'r bir isin'izdi O'z qu'direti menen a'melge asırsın.
