Yuxan 1 bob
1 En' basta So'z bar edi. So'z Quday menen birge edi. So'z Quday edi.
2 En' bastan-aq Ol Quday menen birge edi.
3 Ha'mme na'rse Ol arqalı jaratıldı. Olsız hesh na'rse jaratılg'an emes.
4 Onda o'mir bar edi. O'mir adamlardın' nurı edi.
5 Nur qaran'g'ılıqta jarqıraydı, qaran'g'ılıq onı jen'e almadı.
6 Quday ta'repinen jiberilgen Yaqıya atlı bir adam bar edi.
7 Ol nur haqqında gu'walıq beriwge ha'm ha'mme ol arqalı iseniwi ushın keldi.
8 Onın' o'zi nur emes edi, biraq ol nur haqqında gu'walıq beriwge jiberilgen edi.
9 Ha'mme adamdı jaqtı qılatug'ın haqıyqıy nur du'nyag'a keldi.
10 So'z du'nyada edi. Du'nya Ol arqalı jaratılg'an edi, biraq du'nya Onı tanımadı.
11 O'z jerine keldi, biraq O'z xalqı Onı qabıl etpedi.
12 Biraq Ol O'zin qabıl etkenlerge, atına isengenlerdin' ha'mmesine Qudaydın' balaları bolıw huqıqın berdi.
13 Olar qannan da, denenin' qa'lewinen de, ya adamnın' qa'lewinen de emes, al Qudaydan tuwıldı.
14 Yaqıya Ol haqqında ba'lent dawıs penen gu'walıq berip bılay dedi: – «Menin' izimnen Keliwshi mennen ullı. Sebebi Ol mennen burın bar edi», – dep aytqan Adamım – Usı.
15 Yaqıya Ol haqqında ba'lent dawıs penen gu'walıq berip bılay dedi: – «Menin' izimnen Keliwshi mennen ullı. Sebebi Ol mennen burın bar edi», – dep aytqan Adamım – Usı.
16 Onın' tolılıg'ınan ha'mmemiz miyrim u'stine miyrim aldıq.
17 O'ytkeni Muxaddes Nızam Muwsa arqalı berilgen edi, biraq miyrim ha'm haqıyqat İysa Masix arqalı keldi.
18 Hesh kim hesh qashan Qudaydı ko'rgen emes. Biraq Onı A'kenin' qushag'ındag'ı O'zi Quday bolg'an jalg'ız Ul tanıttı.
19 Yahudiy basshıları Erusalimnen ruwxaniyler menen lebiylilerdi jiberip, Yaqıyadan: «Sen kimsen'?» dep sorag'anda, onın' gu'walıg'ı mınaday boldı.
20 Olar ja'ne Yaqıyadan: – Onday bolsa, sen kimsen'? İliyassan' ba? – dep soradı. – Ol emespen, – dedi Yaqıya. – Sen sol payg'ambarmısan'? – dep soradı olar. – Yaq, – dep juwap berdi ol.
21 Olar ja'ne Yaqıyadan: – Onday bolsa, sen kimsen'? İliyassan' ba? – dep soradı. – Ol emespen, – dedi Yaqıya. – Sen sol payg'ambarmısan'? – dep soradı olar. – Yaq, – dep juwap berdi ol.
22 Sonda olar Yaqıyag'a: – Kimsen', ayt, bizlerdi jibergenlerge bir juwap bereyik. O'zin' haqqında ne deysen'? – dedi.
23 Yaqıya: – İyshaya payg'ambardın' aytqanınday: «İyemizdin' jolın du'zetin'ler»* , – dep sho'lde baqırg'an dawıspan, – dedi.
24 Pariseylerden jiberilgenler Yaqıyadan:
25 – Eger sen Masix, İliyas, ya sol payg'ambar bolmasan', sonda nege adamlardı shomıldırıp ju'rsen'? – dep soradı.
26 Yaqıya olarg'a bılay dep juwap berdi: – Men suw menen shomıldıraman, biraq aran'ızda sizler tanımaytug'ın Birew turıptı.
27 Mennen son' kiyatırg'an Adam – Usı. Men Onın' ayaq kiyiminin' bawın sheshiwge de ılayıqlı emespen.
28 Bulardın' ha'mmesi İordan da'ryasının' arg'ı jag'asındag'ı Betaniyada, Yaqıyanın' shomıldırıp ju'rgen jerinde boldı.
29 Erten'ine Yaqıya o'zine qaray kiyatırg'an İysanı ko'rgende bılay dedi: – Mine, Bul – du'nyanın' gu'nasın O'zine alatug'ın Qudaydın' Qozısı!
30 «Mennen keyin bir Adam kiyatır. Ol mennen ullı. Sebebi Ol mennen burın bar edi», – dep aytqanım Usı.
31 Menin' o'zim Onı bilmeytug'ın edim, biraq İzraildın' Onı tanıwı ushın men suw menen shomıldırıwg'a keldim.
32 Yaqıya gu'walıq berip ja'ne bılay dedi: – Muxaddes Ruwxtın' kepter sıyaqlı aspannan tu'sip, Onın' u'stinde turg'anın ko'rdim.
33 Men Onı bilmeytug'ın edim. Biraq, meni suw menen shomıldırıw ushın jibergen Quday mag'an: «Muxaddes Ruwxtın' tu'sip, kimnin' u'stinde turg'anın ko'rsen', Muxaddes Ruwx penen shomıldıratug'ın Sol», – degen edi.
34 Men bunı ko'rip: «Bul – Qudaydın' Ulı» dep gu'walıq berdim.
35 Erten'ine Yaqıya ja'ne sha'kirtlerinin' ekewi menen birge turg'an edi.
36 Ol o'tip baratırg'an İysanı ko'rip: – Mine, Qudaydın' Qozısı! – dedi.
37 Eki sha'kirt onın' bul so'zlerin esitip, İysanın' izine erdi.
38 8 İysa artına burılıp, izinen kiyatırg'anlardı ko'rgende, olardan: – Ne izlep ju'rsizler? – dep soradı. – Qay jerde jasaysan', Ra'bbi? – dedi olar. (Ra'bbi – «ustaz» degendi bildiredi.)
39 – Kelip ko'rin'ler, – dedi İysa. Olar barıp, İysanın' qay jerde jasaytug'ının ko'rdi ha'm sol ku'ni Onın' menen qaldı. Saat to'rtler shamasında edi.
40 Yaqıyanın' so'zlerin esitip, İysanın' izine ergen eki adamnın' biri Simon Petrdin' tuwısqanı Andrey edi.
41 Andrey da'slep o'z tuwısqanı Simondı izlep tawıp, og'an: – Bizler Masixtı taptıq, – dedi. (Masix – Quday wa'de etken Qutqarıwshı.)
42 Andrey onı İysag'a alıp keldi. İysa og'an qarap: – Sen Yunus ulı Simonsan'. Sen Kifa dep atalasan', – dedi. (Kifa – Petr, yag'nıy «tas» degendi an'latadı.)
43 Kelesi ku'ni İysa Galilag'a barmaqshı boldı. Filipti tawıp, og'an: – İzime er, – dedi.
44 Filip te Andrey menen Petr sıyaqlı Betsayda qalasınan edi.
45 Filip Natanieldi tawıp, og'an: – Bizler Muwsa Muxaddes Nızamda, payg'ambarlar da Jazıwlarında jazg'an Adamdı, Yusuptın' Ulı, Nasıralı İysanı taptıq, – dedi.
46 Nataniel og'an: – Nasıradan jaqsı na'rse shıg'ar ma edi? – dedi. – Kelip ko'r, – dedi Filip.
47 İysa Natanieldin' O'zine jaqınlasıp kiyatırg'anın ko'rip, ol haqqında bılay dedi: – Mine, ishinde hiylesi joq, nag'ız izraillı.
48 Nataniel İysadan: – Meni qayaqtan tanıysan'? – dep soradı. – Filip seni shaqırmastan burın, seni a'njir ag'ashının' astında ko'rdim, – dep juwap berdi İysa.
49 Nataniel İysag'a: – Ustaz, Sen Qudaydın' Ulısan', Sen İzraildın' Patshasısan'! – dedi.
50 İysa og'an: – Seni a'njir ag'ashının' astında ko'rgenimdi aytqanım ushın isenip atırsan' ba? Bulardan da ullı islerdi ko'resen'! – ded.
51 İysa ja'ne: – Sizlerge shının, haqıyqatın aytaman: aspan ashılg'anın, Qudaydın' perishtelerinin' Adam Ulının' joqarısında minip-tu'skenlerin ko'resizler, – dedi.
