Matta 10 bob
1 İysa on eki sha'kirtin qasına shaqırıp alıp, olarg'a jawız ruwxlardı quwıp shıg'arıwg'a ha'm barlıq awırıwlar menen ha'lsizliklerge shıpa beriwge biylik berdi
2 On eki elshinin' atları mınaday: Petr dep atalg'an Simon ha'm onın' inisi Andrey, Zebedeydin' balası Yaqıp ha'm onın' inisi Yuxan.
3 Filip penen Bartolomey, Tomas penen salıqshı Matta, Alpeydin' balası Yaqıp ha'm Tadey.
4 Watansu'yer Simon ha'm keyin İysag'a satqınlıq islegen Yahuda İsqariot.
5 İysa usı on ekisin jibergende, olarg'a bılay dep tapsırmalar berdi: – Basqa milletlerdin' jerlerine barman'lar, samariyalılardın' qalalarına da kirmen'ler.
6 Al jog'alg'an qoylarday bolg'an İzrail xalqına barın'lar.
7 Baratırıp, jol boyı: «Aspan Patshalıg'ı jaqınladı», – dep ja'riyalap ju'rin'ler.
8 Awırıwlarg'a shıpa berin'ler, o'lgenlerdi tiriltin'ler, maqaw kesel bolg'anlardı tazalan'lar, jinlerdi quwıp shıg'arın'lar. Esheyin aldın'lar, esheyin berin'ler.
9 Bellik qaltaların'ızg'a altın, gu'mis ha'm mıs ten'geler salıp ju'rmen'ler.
10 Sizler qaysı qalag'a yamasa awılg'a kirsen'ler de, sol jerde kimnin' ılayıqlı ekenin izlep tabın'lar da, ketkenshe sol adamnın' u'yinde turın'lar.
11 Sizler qaysı qalag'a yamasa awılg'a kirsen'ler de, sol jerde kimnin' ılayıqlı ekenin izlep tabın'lar da, ketkenshe sol adamnın' u'yinde turın'lar.
12 Onın' u'yine kirgenin'izde, amanlıq tilep sa'lem berin'ler.
13 U'y ılayıqlı bolsa, tilegen amanlıg'ın'ız sol u'yge ornaydı, ılayıqlı bolmasa, tilegen amanlıg'ın'ız o'zlerin'izge qaytadı.
14 Eger sizlerdi birew qabıl almasa ha'm so'zlerin'izge qulaq aspasa, sol u'yden yamasa qaladan shıg'ıp baratırıp, ayaqların'ızdag'ı shan'dı qag'ıp ketin'ler.
15 – Mine, Men sizlerdi qoylardı qasqırlardın' arasına jibergendey jiberip atırman. Sonlıqtan jılanday aqıllı, kepterdey aq kewil bolın'lar.
16 – Mine, Men sizlerdi qoylardı qasqırlardın' arasına jibergendey jiberip atırman. Sonlıqtan jılanday aqıllı, kepterdey aq kewil bolın'lar.
17 Adamlardan saq bolın'lar, olar sizlerdi hu'kim etiwshilerge uslap beredi, ma'jilisxanalarında qamshılap sabaydı.
18 Men sebepli sizler ha'kimler ha'm patshalardın' aldılarına aparılasızlar. Usılayınsha sizler olarg'a ha'm basqa milletlerge Men tuwralı gu'walıq beresizler.
19 Sizlerdi uslap bergen waqıtta qalay yamasa ne aytıw haqqında qayg'ırman'lar: o'ytkeni aytatug'ın so'zlerin'iz sol waqıtta sizlerge beriledi.
20 Sebebi sizler emes, al sizler arqalı A'ken'izdin' Muxaddes Ruwxı so'yleydi.
21 Tuwısqanı tuwısqanın, a'kesi balasın o'limge uslap beredi. Balaları da ata-analarına qarsı shıg'ıp, olardı o'ltirtedi.
22 Menin' atım sebepli, sizlerdi ha'mme jek ko'redi. Biraq aqırına deyin shıdag'an qutqarıladı.
23 Sizlerdi bir qalada quwdalasa, ekinshi qalag'a qashın'lar. Sizlerge shının aytıp turman: sizler İzrail elinin' qalaların aralap bolmay-aq, Adam Ulı jetip keledi.
24 Sha'kirt ustazınan, xızmetshi xojasınan ullı emes.
25 – Solay etip, olardan qorqpan'lar. O'ytkeni ashılmaytug'ın hesh qanday sır, bilinbeytug'ın hesh qanday jasırın na'rse joq
26 – Solay etip, olardan qorqpan'lar. O'ytkeni ashılmaytug'ın hesh qanday sır, bilinbeytug'ın hesh qanday jasırın na'rse joq.
27 Menin' sizlerge qaran'g'ıda aytıp turg'anımdı sizler jarıqta aytın'lar. Qulaqların'ızg'a sıbırlap aytılg'andı u'y to'besinen ja'riyalan'lar.
28 Deneni o'ltirse de, jandı o'ltire almaytug'ınlardan qorqpan'lar. Al jandı da, deneni de dozaqta joq qıla alatug'ın Qudaydan qorqın'lar.
29 Eki shımshıq bir tiying'a satılmay ma? Biraq olardın' birewi de A'ken'izdin' erki bolmasa jerge qulap tu'speydi.
30 Basların'ızdag'ı shashlardın' ba'ri de Qudayg'a sanawlı.
31 Sonlıqtan qorqpan'lar: ko'p shımshıqlardan sizler qımbatlıraqsızlar-g'o.
32 Solay etip, kim de kim Meni adamlar aldında ta'n alsa, Men de onı aspandag'ı A'kemnin' aldında ta'n alaman.
33 Al kim de kim Meni adamlar aldında ta'n almasa, Men de onı aspandag'ı A'kemnin' aldında ta'n almayman.
34 – Meni jer ju'zine tatıwlıq a'kelgen, dep oylaman'lar. Men tatıwlıq emes, qılısh beriwge keldim.
35 Sebebi Men ulın a'kesine, qızın anasına, kelinin qa'yin enesine qarsı etip, ayırıwg'a keldim.
36 Adamnın' dushpanları o'zinin' u'y-ishi boladı.
37 Kim de kim o'z atanaq ag'ashın arqalap Menin' izime ermese, ol Mag'an ılayıqlı emes
38 Kim de kim o'z atanaq ag'ashın arqalap Menin' izime ermese, ol Mag'an ılayıqlı emes.
39 O'z janın saqlap ju'rgen adam onı jog'altadı, al janın Men ushın jog'altqan adam onı saqlap qaladı.
40 – Kim de kim sizlerdi qabıl alsa, onın' Meni qabıl alg'anı boladı, kim de kim Meni qabıl alsa, onın' Meni Jibergendi qabıl alg'anı boladı.
41 Kim de kim payg'ambardı payg'ambar bolg'anı ushın qabıl alsa, ol payg'ambar alatug'ın sıylıqtı aladı. Kim de kim haq adamdı haq bolg'anı ushın qabıl alsa, ol haq adam alatug'ın sıylıqtı aladı.
42 Men sizlerge shının aytıp turman: kim de kim usılardın' ishindegi en' qarapayımına sha'kirtlerimnin' biri bolg'anı ushın tek bir kese suwıq suw ishkizse de, ol sıysız qalmaydı.
