Sanlar 1 bob
1 İzraillılar Mısırdan shıqqannan keyingi ekinshi jıldın' ekinshi ayının' birinshi ku'ni Jaratqan İye Sinay sho'linde, Ushırasıw shatırında Muwsag'a bılay dedi:
2 – Sen Xaron menen birge pu'tkil İzrail ja'miyetin tiyreleri ha'm a'wladları boyınsha sanap shıq.
3 Sawashqa jaramlı bolg'an jigirma ha'm onnan joqarı jastag'ı barlıq erkeklerdi bo'limlerge bo'lip, birme-bir atların jazıp dizimge alın'.
4 Sizlerge ja'rdem beriwi ushın janın'ızda ha'r bir urıwdan bir adamnan bolsın. Olar a'wlad basshılarınan bolsın.
5 Sizlerge ja'rdem beretug'ın adamlardın' atları mınalar: Ruben urıwınan Shedeur ulı Elisur.
6 Shimon urıwınan Surishadday ulı Shelumiel,
7 Yahuda urıwınan Amminadab ulı Naxshon,
8 İssaxar urıwınan Suar ulı Netanel,
9 Zebulon urıwınan Xelon ulı Eliab,
10 Yusup urpag'ınan bolg'an Efrayım urıwınan Ammihud ulı Elishama, Yusup urpag'ınan bolg'an Menashshe urıwınan Pedasur ulı Gamaliel,
11 Benyamin urıwınan Gidoniy ulı Abidan,
12 Dan urıwınan Ammishadday ulı Axiezer,
13 Asher urıwınan Oxran ulı Pagiel,
14 Gad urıwınan Dewel ulı Elyasaf,
15 Naftaliy urıwınan Enan ulı Axira.
16 Xalıq arasınan tan'lap alıng'an bul adamlar o'z urıwının' ko'semleri bolıp, İzraildın' tiyre basshıları edi.
17 Muwsa menen Xaron atları atalg'an usı adamlardı shaqırtıp aldı.
18 Olar Jaratqan İyenin' buyrıg'ı boyınsha ekinshi aydın' birinshi ku'ni pu'tkil xalıqtı jıynadı. Jigirma ha'm onnan joqarı jastag'ı er adamlardı tiyreleri, a'wladları boyınsha atların birme-bir dizimge aldı.
19 Solay etip, Muwsa Sinay sho'linde xalıqtı sanap shıqtı.
20 Tiyre ha'm a'wladları boyınsha birme-bir atları dizimge alıng'an jigirma ha'm onnan joqarı jastag'ı urısqa jaramlı er adamlardın' sanı to'mendegidey edi:
21 İzraildın' tun'g'ısh ulı Ruben urıwınan – 46 500 adam,
22 Shimon urıwınan –
23 59 300 adam,
24 Gad urıwınan –
25 45 650 adam,
26 Yahuda urıwınan –
27 74 600 adam,
28 İssaxar urıwınan –
29 54 400 adam,
30 Zebulon urıwınan –
31 57 400 adam,+
32 Yusup ulı Efrayım urıwınan –
33 40 500 adam,
34 Yusup ulı Menashshe urıwınan –
35 32 200 adam,
36 Benyamin urıwınan –
37 35 400 adam,
38 Dan urıwınan –
39 62 700 adam,
40 Asher urıwınan –
41 41 500 adam,
42 3Naftaliy urıwınan –
43 53 400 adam.
44 Muwsa, Xaron ha'm İzraildın' on eki urıwının' ko'semleri ta'repinen dizimge alıng'anlar usılar edi. Ha'r bir ko'sem o'z urıwının' wa'kili edi.
45 İzrailda jigirma ha'm onnan joqarı jastag'ı urısqa jaramlı barlıq izraillılar o'zlerinin' a'wladları boyınsha esapqa alındı.
46 Esapqa alıng'anlardın' barlıg'ı 603 550 adam boldı.
47 Biraq Lebiy urıwı basqalar menen birge dizimge alınbadı.
48 Sebebi Jaratqan İye Muwsag'a bılay degen edi:
49 «Tek Lebiy urıwının' esabın alma ha'm olardı basqa izraillılar menen birge dizimge kirgizbe.
50 Lebiylilerdi ishinde buyrıqlar jazılg'an eki tas turg'an Muxaddes shatırg'a, og'an tiyisli ha'r bir buyım ha'm zatlarg'a juwapker qılıp qoy. Olar Shatırdı ha'm onın' barlıq buyımların ko'terip alıp ju'rsin ha'm abaylap qarap ju'rsin. Onın' do'geregine o'z shatırların qursın.
51 Muxaddes shatır ko'shirilgende, onı lebiyliler jıynasın, toqtag'an waqıtta da, onı lebiyliler qursın. Lebiylilerden basqa Shatırg'a jaqınlasqan ha'r bir adam o'ltirilsin.
52 İzraillılar bo'limlerge bo'linip, shatırların qursın. Ha'r bir adam o'z ordasında ha'm o'z bayrag'ı astında ornalassın.
53 Al İzrail ja'miyeti Jaratqan İyenin' g'a'zebine ushıramawı ushın, lebiyliler buyrıqlar qoyılg'an Shatırdın' do'geregine o'z shatırların qursın ha'm onı qarawıllasın».
54 zraillılar bulardın' barlıg'ın Jaratqan İye Muwsag'a qalay buyırg'an bolsa, anıq sonday etip orınladı.
