yenin' xalqın O'zine qaytarıw ushın shaqırıwı (1-6),Birinshi ayan: Atlar ha'm atlılar (7-17),Ekinshi ayan: To'rt mu'yiz ha'm to'rt temirshi (18-21).
Zexariya 1 bob
1 Dariydin' patshalıg'ının' ekinshi jılının' segizinshi ayında, İddonın' aqlıg'ı, Berexiyanın' ulı payg'ambar Zexariyag'a Jaratqan İyeden mına so'zler tu'sti:
2 – Men, Jaratqan İye, ata-babaların'ızg'a qattı g'a'zeplengen edim.
3 Sonlıqtan xalıqqa ayt, A'lemnin' Jaratqan İyesi bılay deydi: «Mag'an qaytın', Men de sizlerge qaytaman». Bunı A'lemnin' Jaratqan İyesi aytadı.
4 «Ata-babaların'ız sıyaqlı bolman'! Aldıng'ı payg'ambarlar A'lemnin' Jaratqan İyesinin' atınan olardı eskertip: „Jaman jolların'ızdan ha'm jawız qılmısların'ızdan qaytın'“ – degen edi. Degen menen, olar qulaq salmadı, Mag'an itibar da bermedi», – deydi Jaratqan İye.
5 – Qa'ne sol ata-babaların'ız? Payg'ambarlar ma'n'gi-baqıy jasay ma?
6 Qullarım payg'ambarlar arqalı buyırg'an so'zlerim ha'm qag'ıydalarım atababaların'ızdın' basına tu'sken joq pa? Sonda olar ta'wbe qılıp: «A'lemnin' Jaratqan İyesi bizlerdin' ju'rgen jollarımız benen islegen islerimizge jarasa neni niyetlegen bolsa, sonı isledi», – dedi.
7 Dariydin' patshalıg'ının' ekinshi jılında, on birinshi aydın', yag'nıy Shebat ayının' jigirma to'rtinshi ku'ni İddonın' aqlıg'ı, Berexiyanın' ulı payg'ambar Zexariyag'a Jaratqan İyeden ayan arqalı so'z tu'sti.
8 Tu'nde men jırada mirta putaları arasında qızıl atqa mingen bir adamdı ko'rdim. Onın' artında qızıl, qon'ır ha'm aq atlar bar edi.
9 Sonda menin' menen so'ylesip baslag'an perishteden: – Mırzam, bular ne? – dep soradım. Ol: – Bulardın' ne ekenin sag'an ko'rsetemen, – dep juwap berdi.
10 Sonda mirta putaları arasındag'ı adam da: – Jaratqan İye bulardı du'nyanı gezip shıqsın dep jiberdi, – dedi.
11 Sonda atlılar mirta putaları arasındag'ı Jaratqan İyenin' perishtesin maqullap: – Du'nyanı gezip shıqtıq, pu'tkil du'nya tınıshlıq ha'm amanlıq ishinde! – dedi.
12 Sonda Jaratqan İyenin' perishtesi: – A'lemnin' Jaratqan İyesi, jetpis jıldan berli Erusalim ha'm Yahuda qalalarına g'a'zeplenip keldin'. Endi qashang'a deyin olarg'a O'z rehimin'di ko'rsetiwden bas tartasan'? – dedi.
13 Jaratqan İye menin' menen so'ylesip turg'an perishtege mehriban ha'm jubatıwshı so'zler menen juwap berdi.
14 Menin' menen so'ylesip turg'an perishte mag'an mına xabardı ja'riyalawdı buyırdı: – A'lemnin' Jaratqan İyesi bılay deydi: «Erusalim ha'm Siondı qattı qızg'anaman.
15 Al biyg'am jasap atırg'an basqa milletlerge qattı g'a'zeplendim. O'ytkeni Men xalqıma azg'antay ashıwlang'an waqtımda, olar xalqıma qarsı jawızlıq u'stine jawızlıq islegen edi».
16 Sonın' ushın, Jaratqan İye bılay deydi: «Men Erusalimge miyrimsha'pa'a'timdi to'giw ushın qaytaman. Muxaddes u'yim ol jerde qayta qurıladı ha'm Erusalimge o'lsheytug'ın jip tartıladı». Bul A'lemnin' Jaratqan İyesinin' so'zi.
17 Mag'an ja'ne mınanı da ja'riyalawdı buyırdı: – A'lemnin' Jaratqan İyesi bılay deydi: «Menin' qalalarımda ja'ne molshılıq boladı. Men, Jaratqan İye Siondı ja'ne jubataman, Erusalim ja'ne Menin' tan'lag'an qalam boladı».
18 Keyin men na'zer taslag'anımda, to'rt mu'yizdi ko'rdim. 19Menin' menen so'ylesken perishteden: – Bular ne? – dep soradım. Ol mag'an: – Bular Yahuda, İzrail ha'm Erusalim xalqın tarqatıp jibergen mu'yizler, – dep juwap berdi.
19 Menin' menen so'ylesken perishteden: – Bular ne? – dep soradım. Ol mag'an: – Bular Yahuda, İzrail ha'm Erusalim xalqın tarqatıp jibergen mu'yizler, – dep juwap berdi+.
20 Sonnan son', Jaratqan İye mag'an to'rt temirshini ko'rsetti.
21 Men: – Bular ne isleyin dep atır? – dep soradım. Perishte: – Mına mu'yizler Yahuda xalqın bas ko'tere almaytug'ınday etip tarqatıp jibergen edi. Bul temirshiler Yahuda xalqın tarqatıw ushın hu'jim qılg'an milletlerdi qorqıtıp, mu'yizlerin qulatıw ushın keldi, – dep juwap berdi.
