Eremiya 38 bob
1 Mattan ulı Shefatiya, Pashxur ulı Gedaliya, Shelemiya ulı Yuxal ha'm Malkiya ulı Pashxur Eremiyanın' pu'tkil xalıqqa aytqan mına so'zlerin esitti:
2 «Jaratqan İye bılay deydi: Bul qalada qalg'an adam qılıshtan, ashlıqtan ha'm obadan o'ledi, al kaldeyler ta'repke o'tken adam tiri qaladı, janın qutqarıp aman qaladı.
3 Jaratqan İye bılay deydi: Bul qala a'lbette Babiloniya patshasının' la'shkerlerinin' qolına beriledi, ol qalanı basıp aladı».
4 Sonda saray ha'meldarları patshag'a: – Bul adam o'ltirilsin. Ol bul so'zlerdi aytıp, bul qalada qalg'an a'skerlerimizdin' ha'm pu'tkil xalıqtın' ruwxın tu'sirmekte. Bul adam xalıqqa jaqsılıq emes, al jamanlıq tileydi, – dediSonda saray ha'meldarları patshag'a: – Bul adam o'ltirilsin. Ol bul so'zlerdi aytıp, bul qalada qalg'an a'skerlerimizdin' ha'm pu'tkil xalıqtın' ruwxın tu'sirmekte. Bul adam xalıqqa jaqsılıq emes, al jamanlıq tileydi, – dedi.
5 Patsha Sedekiya olarg'a: – Mine, ol sizlerdin' qolın'ızda, men sizlerge qarsılıq ko'rsetpeymen, – dedi.
6 Olar Eremiyanı uslap alıp, patshanın' ulı Malkiyanın' saqshılar ha'wlisindegi suw saqlag'ıshqa arqan menen tu'sirdi. Suw saqlag'ısh suwsız bolıp, onda tek ılay bar edi. Eremiya balshıqqa batıp qaldı.
7 Patshanın' saray xızmetkerlerinen biri, xabashstanlı Ebed-Melex Eremiyanın' suw saqlag'ıshqa taslang'anın esitti. Sol waqıtta patsha Benyamin da'rwazası aldında otırg'an edi.
8 Ebed-Melex patsha sarayınan shıqtı da, patshag'a barıp:
9 – Taqsır, Eremiyanı suw saqlag'ıshqa taslap, bul adamlar jaman is qılıptı. Qalada nan qalmadı, Eremiya ol jerde ashtan o'ledi, – dedi.
10 Patsha xabashstanlı Ebed-Melexke: – Qasın'a otız adam al da, o'lip qalmasınan burın, Eremiya payg'ambardı suw saqlag'ıshtan shıg'arıp al, – dep buyırdı.
11 Ebed-Melex qasına adamlardı alıp, patsha g'a'ziynexanasının' astındag'ı bo'lmege kirdi ha'm ol jerden go'ne-ko'ksi shu'berekler menen go'ne-ko'ksi kiyimlerdi tawıp alıp, olardı arqang'a baylap, suw saqlag'ıshtag'ı Eremiyag'a tu'sirdi.
12 Keyin Eremiyag'a: – Arqan denen'e batpawı ushın, mına go'ne-ko'ksi shu'berekler menen kiyimlerdi qoltıg'ın'nın' astına qoy, – dedi. Eremiya solay isledi.
13 Olar Eremiyanı arqanlar ja'rdeminde suw saqlag'ıshtan shıg'arıp aldı. Bunnan keyin, Eremiya saqshılar ha'wlisinde qaldı.
14 Patsha Sedekiya adam jiberip, Eremiya payg'ambardı Jaratqan İyenin' İbadatxanasının' u'shinshi esiginin' aldına alıp keltirdi. Patsha Eremiyag'a: – Men sennen bir na'rse sorayjaqpan, mennen hesh na'rseni jasırma, – dedi.
15 Eremiya Sedekiyag'a: – Eger ırasın aytsam, meni o'ltirmes pe edin'iz? Ma'sla'ha't bergenim menen meni tın'lamaysız, – dedi.
16 Biraq patsha Sedekiya jasırın tu'rde ant iship, Eremiyag'a: – Bizge jan bergen tiri Jaratqan İye haqı ant ishemen: seni o'ltirmeymen ha'm janın'a qaslıq qılmaqshı bolg'anlardın' qolına tapsırmayman, – dedi.
17 Sonnan keyin, Eremiya Sedekiyag'a bılay dedi: – İzraildın' Qudayı, A'lemnin' Qudayı Jaratqan İye bılay deydi: «Eger Babiloniya patshasının' ha'meldarlarına ta'slim bolsan', janın' tiri qaladı, bul qala da o'rtep jiberilmeydi, o'zin' de, u'y-ishin' de aman qalasız.
18 Biraq eger Babiloniya patshasının' ha'meldarlarına ta'slim bolmasan', bul qala kaldeylerdin' qolına beriledi, olar qalanı o'rtep jiberedi, o'zin' de olardın' qolınan qashıp qutıla almaysan'».
19 Patsha Sedekiya Eremiyag'a: – Men kaldeyler ta'repke o'tken yahudiylerden qorqaman. Kaldeyler meni olardın' qolına tapsırsa, olar meni xorlaydı, – dedi.
20 Eremiya patshag'a bılay dedi: – Yaq, olarg'a tapsırmaydı. Aytqanlarımdı islep, Jaratqan İyenin' so'zine qulaq salsan'ız, tiri qalıp, abadan turmısqa erisesiz.
21 Eremiya patshag'a bılay dedi: – Yaq, olarg'a tapsırmaydı. Aytqanlarımdı islep, Jaratqan İyenin' so'zine qulaq salsan'ız, tiri qalıp, abadan turmısqa erisesiz.
22 Mine, Yahuda patshasının' sarayında qalg'an barlıq hayallar Babiloniya patshasının' a'skerbasısına alıp kelinedi. Sol hayallar sizge bılay deydi: «İsengen dosların'ız, Sizdi aldap, jen'ip ketti, Batpaqqa battı ayaqların'ız, Olar sizdi taslap ketti».
23 Sizin' barlıq hayalların'ız benen balaların'ız kaldeylerge beriledi. Siz de olardın' qolınan qashıp qutıla almaysız, Babiloniya patshasının' qolına tu'sesiz. Bul qala bolsa, o'rtep jiberiledi.
24 Keyin Sedekiya Eremiyag'a bılay dedi: – So'yleskenimiz tuwralı hesh kim bilmesin, bolmasa o'lesen'.
25 Eger ha'meldarlar menin' senin' menen so'yleskenimdi esitip, sag'an kelip: «Patsha menen neler tuwralı so'yleskenin'di jasırmay ayt, bolmasa o'lesen'», – dese,
26 sen olarg'a: «Meni İonatannın' u'yine qaytarıp jiberme, bolmasa, men ol jerde o'lip qalaman, dep patshag'a jalbarındım dep ayt», – dedi.
27 Barlıq ha'meldarlar kelip, Eremiyanı sorawg'a tuttı. Ol da patsha buyırg'anınday etip juwap berdi. Patshag'a aytılg'anlardan hesh kimnin' xabarı bolmag'anlıqtan, olar u'ndemey qaytıp ketti.
28 Erusalim qolg'a alıng'an ku'nge deyin, Eremiya saqshılar ha'wlisinde qaldı.
