1 Bel degen quday dize bu'kti, Nebo degen quday bu'gildi, Olardın' butları janıwarlarg'a ha'm o'gizlerge ju'klendi. Burın saltanatlı tu'rde ko'terip ju'rgen na'rselerin'iz, Endi sharshag'an haywanlarg'a ju'k boldı.
2 Olardın' qudayları bu'gilip, dize bu'kti, Olar ju'klerdi qutqara almas, O'zleri su'rgin etilip atır.
3 Olardın' qudayları bu'gilip, dize bu'kti, Olar ju'klerdi qutqara almas, O'zleri su'rgin etilip atır.
4 Qartayg'anın'ızda da, Men solay isleymen, Shashın'ız ag'arg'anda da, sizlerdi ko'teremen. Men sizlerdi jarattım, O'zim qollayman, Sizlerdi ko'terip ju'remen, qutqaraman.
5 Meni kimge uqsatıp, kimge ten'lestirejaqsız? Kimge salıstırıp, uqsatajaqsız?
6 Adamlar altındı shıjlanınan shıg'arıp to'lep, Gu'misti ta'rezide o'lshep, Bir zergerdi jallap aladı. Zerger olardan bir quday sog'ıp beredi, Adamlar jerge jıg'ılıp, og'an tabınadı.
7 Qudayın iyninde ko'terip alıp ju'redi, Ornına qoyadı, ol sol jerde tura beredi. Ornınan qozg'ala almaydı. Og'an jalbarınsa, juwap bermeydi, Hesh bir apattan da qutqarmaydı.
8 Ha'y, gu'nakarlar, bunı umıtpan', Ma'rt bolın', yadtan shıg'arman'.
9 A'yyemgi bolıp o'tken islerdi eslen'. Men Qudayman, basqası joq, Men Qudayman, Mag'an uqsag'anı joq.
10 Men aqırg'ı bolatug'ınlardı a'wel bastan, Keleshekte bolatug'ınlardı a'yyemnen bildirip kelemen. Men: „Maqsetlerimdi iske asırıp, O'zime unag'an na'rselerdin' ha'mmesin isleymen“, – deymen.
11 Shıg'ıstan jırtqısh qustı, Maqsetimdi orınlaytug'ın bir adamdı, Uzaq jurttan shaqıraman. Men aytqanımdı orınlayman, Jobalastırg'anımdı a'melge asıraman.
12 Ju'regi qaysarlar, Jen'isti uzaq dep oylag'anlar, meni tın'lan'lar!
13 Jen'isim jaqın, Ol uzaq emes, Qutqarıwım keshikpeydi. Men Siong'a qutqarılıw, İzrailg'a dan'qımdı sıylayman».
