İyshaya 25 bob
1 Jaratqan İye, Sen menin' Qudayımsan'! Seni ullılayman, atın'a alg'ıs aytaman. Sebebi Sen a'jayıp isler qıldın', A'zelden du'zgen rejelerin'di, Sadıqlıq ha'm isenim menen ju'zege asırdın'.
2 Sen qalanı tas u'yindisine, Qorg'an qalanı qarabaqanag'a aylandırdın'. Jat jerlilerdin' sarayı bolg'an qalanı joq qıldın', Ol endi hesh qashan qayta qurılmas.
3 Sonlıqtan ku'shli xalıqlar dan'qqa bo'ler Seni, Rehimsiz xalıqlar qorqar Sennen.
4 Sonlıqtan ku'shli xalıqlar dan'qqa bo'ler Seni, Rehimsiz xalıqlar qorqar Sennen.
5 Qurg'aq jerdegi ıssıg'a uqsar. Sen jat jerlilerdin' shawqımın, Issını bult sayası menen bastırg'anday bastırdın', Rehimsizlerdin' qosıg'ı da so'ndi.
6 Sion tawında A'lemnin' Jaratqan İyesi, Pu'tkil xalıqlar ushın mol tag'amlı, Jıllag'an sharaplı, maylı jilikli, Tazartılg'an sharaplı zıyapat beredi.
7 Bul tawda Ol barlıq xalıqlarg'a jabılg'an pa'renjelerdi, Barlıq milletlerge jabılg'an japqıshlardı joq qıladı.
8 Ol o'limdi ma'n'gige jutıp jiberedi. Quday İye ha'mmenin' ko'z jasın su'rtip qoyadı, O'z xalqının' shermendeligin pu'tkil jer ju'zinen alıp taslaydı. Bunı Jaratqan İye ayttı.
9 Sol ku'ni adamlar bılay deydi: «Mine, bizlerdin' Qudayımız, Og'an u'mit baylag'an edik, bizdi qutqardı, Bul – u'mit baylap ku'tken Jaratqan İyemiz, Onın' qutqarg'anına quwanıp, shadlanayıq».
10 Jaratqan İyenin' qolı Sion tawın qorg'aydı, Da'ris taslang'an shuqırda sabannın' ezilgeni kibi, Moab ta o'z elinde ayaq astı bolar.
11 Ju'ziwshi qolın ju'ziw ushın sermegeni sıyaqlı, Moab ta da'ris ishinde qolların sermer. Biraq qansha ha'reket etse de, Jaratqan İye onın' menmenligin basıp qoyar.
12 Biyik ha'm bekkem diywalların jıg'ıp, qulatıp, Jer menen jeksen qılar.
