Hikmetleri 8 bob
1 Shaqırıp atırg'an Danalıq emes pe? Dawıslap turg'an tu'sinik emes pe?
2 Ol jol shetindegi ba'lentliklerdin' u'stinde, Da'rbent jollarda turadı.
3 Ol qala da'rwazalarının' aldında, Qalag'a kirer awızda turıp jar saladı:
4 «Ha'y adamlar, men sizlerdi shaqırıp turman, Shaqırıg'ım adam balasına qaratılg'an!
5 Sadalar, uzaqtı ko'riwdi u'yrenin', Aqmaqlar, tu'sinikke iye bolın'!
6 Tın'lan'lar, a'hmiyetli na'rselerdi aytpaqshıman, Haqıyqattı bayan etpekshimen.
7 Tilim haqıyqattı so'yleydi, Awzım jalg'annan jerkenedi.
8 Awzımnan shıqqan ha'r bir so'z haqıyqat, Onda hiyle ha'm jalg'an joq.
9 Sanalıg'a barlıg'ı ayan, Bilimlige ba'ri durıs.
10 Gu'misti emes, menin' na'siyatımdı al, Sap altın ornına bilim al
11 Danalıq ga'whardan da qımbat, An'sag'an hesh na'rsen' og'an ten' kelmes.
12 Men – Danalıqpan, Aqıl-parasat penen birge jasayman, Bilim ha'm sanasezim mende bar.
13 Jaratqan İyeden qorqıw – jamanlıqtan jerkeniw. Men menmenlik ha'm ta'kabbirlikti, Jawızlıq jolın ha'm o'tirik so'zdi jek ko'remen.
14 Mende jaqsı ken'es bar, mende u'git-na'siyat bar, Men tu'sinikpen, ku'shquwat ta mende bar.
15 Men arqalı patshalar biylik eter, Hu'kimdarlar a'dil hu'kim shıg'arar.
16 Jer betindegi barlıq hu'kimdarlar, A'dil basqarıp otırg'an ha'mme aqsu'yekler men arqalı basqarar.
17 Meni su'ygenlerdi men de su'yemen, Meni ıqlas penen izlegenler, meni tabadı.
18 Meni su'ygenlerdi men de su'yemen, Meni ıqlas penen izlegenler, meni tabadı.
19 Beretug'ın jemisim altınnan, sap altınnan da jaqsı, Men beretug'ın payda saylandı gu'misten de joqarı+.
20 Men a'dillik jolınan, A'dalat soqpaqlarınan ju'remen.
21 Meni su'ygenlerge baylıq sıylap, Olardın' qaznaların toltıraman.
22 Jaratqan İye O'z isin baslamastan aldın, O'z jolının' bası retinde meni jarattı.
23 En' basta, du'nya jaratılmastan aldın, Men tayınlang'an edim.
24 En' basta, du'nya jaratılmastan aldın, Men tayınlang'an edim.
25 Ele tawlar ornatılmastan aldın, To'belerden de burın men tuwıldım.
26 Ol waqıtta Ol ele jerdi de, dalalardı da, Du'nyanın' birinshi topırag'ın da jaratqan joq edi.
27 Ol aspandı ornatqanda, Teren' ten'iz ju'zine jiyek sızg'anda, men sol jerde edim.
28 Joqarıg'a bultlardı qoyg'anda, Jer astı bulaqlarına tiykar salg'anda,
29 Suwlar shegaradan shıg'ıp ketpesin dep, Ten'izge ko'rsetpe bergende, Jerdin' tiykarın belgilegende,
30 Men Onın' janında usta boldım. Ha'r ku'ni Onı quwantıp, Onın' aldında shadlanar edim.
31 Ol jaratqan du'nyada kewlimdi ko'terer edim, Adam balası menin' quwanıshım edi.
32 Solay eken, balalarım, meni tın'lan'lar, Jolımdı tutqanlar qanday baxıtlı!
33 Na'siyatımdı tın'lap, dana bolın'lar, Hesh qashan onnan ju'z burman'lar!
34 Na'siyatımdı tın'lap, dana bolın'lar, Hesh qashan onnan ju'z burman'lar!
35 Meni tapqan o'mirdi tabadı, Jaratqan İyenin' miyrimine erisedi.
36 Al Meni qoldan shıg'arg'an o'zine zıyan keltiredi, Meni jek ko'retug'ınlardın' ha'mmesi o'limdi su'yedi».
