1 Erten'gi ku'n menen maqtanba, Onın' ne alıp keletug'ının bilmeysen'.
2 Seni o'z awzın' emes, basqa awız, O'z tillerin' emes, o'zge til maqtasın.
3 Tas ta salmaqlı, qum da awır, Aqmaq tuwdırg'an g'a'zep ekewinen de awır.
4 Ashıw qatal, g'a'zep basılmaydı, Biraq qızg'anıshqa kim qarsı tura aladı?
5 Ashıq eskertken, Jasırın su'yispenshilikten jaqsı.
6 Dostın' eskertiwi sadıqlıq, Dushpannın' su'yiwi aldamshı.
7 Toyıng'an paldan da bas tartar, Ashqa ashshı da mazalı ko'riner.
8 O'z ma'kanın taslap, gezip ketken, Uyasın taslap, gezip ketken qusqa megzer.
9 Xosh iyisli may ha'm tu'tetki ju'rekti quwantar, Dostın' shın ju'rekten aytqan ken'esi kewilge jag'ımlı bolar.
10 O'zin'nin' ha'm a'ken'nin' dostınan qol u'zbe, Basın'a is tu'skende ag'ayinlerin'e juwırma, Uzaqtag'ı ag'ayinnen jaqındag'ı qon'sı artıq.
11 Balam, dana bolıp ju'regime quwanısh bag'ıshla, Sonda meni ayıplag'anlarg'a ne dep juwap beriwdi bilemen.
12 Aqıllı qa'wip-qa'terdi ko'rip, bas sawg'alar, Sada alg'a basıp bara berip, za'lel ko'rer.
13 Biytanısqa kepil bolg'annın' kiyimin sheship al, Onı basqag'a kepil bolg'anı ushın girewge uslap tur.
14 Tan' azannan qon'sısına dawıslap alg'ıs aytqan, G'arg'ag'an sanalar
15 Urısqaq hayal, Jawınlı ku'ni tınbay tamshılaytug'ın jawıng'a megzer.
16 Urısqaq hayal, Jawınlı ku'ni tınbay tamshılaytug'ın jawıng'a megzer.
17 Temir temirdi qayrap o'tkir qılg'anı sıyaqlı, Adam adamdı jetik qıladı.
18 A'njirdi ta'rbiyalag'an jemisin jer, Mırzasına g'amxorlıq etken hu'rmette bolar.
19 Adam suwg'a qarap ju'zin ko'rgendey, Ju'regine qarap o'zin ko'rer.
20 O'liler ma'kanı ha'm nabıt bolıw ma'kanı toyımsız bolg'anı sıyaqlı, Adamnın' ko'zi de toyımsız.
21 Gu'mis balqıtıwxanada, altın oshaqta sınalar, Adam maqtalg'anda sınalar.
22 Aqmaqtı biyday menen kelide tu'ysen' de, Onnan aqmaqlıg'ı ayırılmas.
23 Su'riwlerin'nin' jag'dayın jaqsı bil, Padaların'a jaqsılap qara.
24 Baylıq ma'n'gilik emes, Taj da a'wladtan-a'wladqa berilmes.
25 Otlar orılıp, taza sho'p shıg'ar, Tawdag'ı sho'pler de jıynap alınar.
26 Sonda qoylar seni kiyindirer, Tekeler jer satıp alıwg'a pul bolar.
27 O'zin'e ha'm u'y-ishin'e azıq ushın, Eshki su'ti mol bolar, Shorıların'nın' ishiwi ushın da jeter.
