1 Na'siyattı su'ygen bilimdi su'yer, Eskertiwdi jek ko'rgen – nadan.
2 Aq kewil adamg'a Jaratqan İyenin' kewli tolar, Niyeti buzıqtı jazag'a hu'kim qılar.
3 Adam jawızlıq penen ka'mal tappas, A'dildin' negizi terbelmes.
4 Jaqsı hayal – ku'yewinin' tajı, Ku'yewin uyatqa qaldıratug'ın hayal – su'yegindegi irin'li jara.
5 A'dildin' oy-niyeti a'dalatlı, Zalımnın' ken'esi aldamshı.
6 Zalımnın' so'zi – qan to'giw ushın duzaq, Haq adamnın' so'zi qan to'giliwden qutqarar.
7 Zalım qulap, joq bolar, A'dildin' u'yi bekkem turar.
8 Adamdı aqılına qarap maqtar, Niyeti buzıq kemsitiler.
9 Nang'a zar bola tura, ko'kirek ko'terip ju'rgennen, Qarapayım bolıp, xızmetshi bolg'an jaqsıraq.
10 A'dil o'z malının' da janın ayar, Zalımnın' rehimi de jawızlıq.
11 Jerine ta'rbiya bergennin' tamag'ı toq, Bos arzıw-qıyalg'a berilgennin' aqılı joq.
12 Zalım adam jawız adamnın' oljasın ku'ser, A'dildin' tamırı en jayar.
13 Zalım gu'nalı tili sebepli tutılar, A'dil ba'leden shıg'ıp keter.
14 Adam o'z so'zinin' miywesinen jaqsılıqqa eriser, Qollarının' miyneti de o'z haqısın alar.
15 Aqılsızdın' jolı o'z ko'zine durıs bolıp ko'riner, Dana adam ma'sla'ha'tke qulaq salar.
16 Aqılsızdın' ashıwı da'rriw betine shıg'ar, Aqıllı shekken ja'birin jasırar.
17 Tuwrı so'yleytug'ın gu'wa haqıyqattı, Jalg'an gu'wa o'tirikti aytar.
18 Oylanbay aytılg'an so'z qılıshtay jaraqatlar, Dananın' so'zi shıpa berer.
19 Iras so'yleytug'ın til ma'n'gi turar, O'tirikshi til tek bir sa'tlik.
20 Jaman niyetlilerdin' ju'reginde jalg'an, Tınıshlıqtı niyet etkennin' ju'reginde shadlıq bar.
21 Haq adamg'a hesh qanday ba'le kelmes, Nahaqtın' bası ba'leden shıqpas.
22 O'tirikshi til Jaratqan İyege jerkenishli, Tuwrı is isleytug'ınlarg'a Onın' kewli tolar.
23 Aqıllı adam bilimin jasırar, Aqmaqtın' ju'regi nadanlıg'ın ja'riya qılar.
24 Miynetkesh qol biylik qılar, Erinshek ma'rdikarg'a alınar.
25 Ju'rektegi uwayım adamdı sho'ktirer, Jaqsı so'z onı quwantar.
26 Haq adam jaqınına jol ko'rseter, Nahaq adamnın' jolı olardı adastırar.
27 Erinshek tutqan an'ın pisirip jemes, Talapshan' qımbatbaha baylıqqa iye bolar.
28 A'dillik jolında o'mir bar, Onın' soqpaqlarında o'lim joq.
