1 Atqarıwshılardın' jetekshisine. Qorax a'wladının' jırı
2 Jaratqan İye, O'z elin'e miyrim ko'rsettin', Yaqıp urpag'ın abadanshılıqqa ja'ne eristirdin'.
3 Xalqın'nın' ayıbın keshirdin', Olardın' barlıq gu'nalarınan o'ttin'.
4 Pu'tkil g'a'zebin'di uslap qaldın', Lawlag'an qa'ha'rin'nen qayttın'.
5 Bizlerdi qutqarg'an Quday, aldıng'ı awhalımızg'a qaytar, Bizlerge degen g'a'zebin'di toqtat.
6 Ma'n'gi g'a'zeplenesen' be bizlerge? G'a'zebin'di a'wladtan-a'wladqa dawamlaysan' ba?
7 Xalqın' Sende quwanısh tabıwı ushın, Bizlerdi qaytadan janlandırmaysan' ba?
8 Jaratqan İye, su'yispenshiligin'di ko'rset, Bizlerge qutqarıwın'dı inam et.
9 Qudaydın', Jaratqan İyenin' so'zine qulaq tu'remen, Ol O'z xalqına, O'zinin' sadıq adamlarına tınıshlıq so'zin aytadı, Endi olar aqılsız jollarına qaytpasın.
10 Onın' saltanatı elimizde ma'kanlawı ushın, So'zsiz, Onnan qorqqanlarg'a Onın' qutqarıwı jaqın.
11 Su'yispenshilik ha'm sadıqlıq ushırasadı, A'dillik penen tınıshlıq su'yisedi.
12 Sadıqlıq jerden ko'gerip shıg'adı, A'dalatlıq aspannan qaraydı.
13 Jaratqan İye iygilikti jawdıradı, Jerimiz o'z o'nimin beredi.
14 A'dalatlıq Onın' aldında ju'redi, Onın' qa'demleri ushın jol tayarlaydı.
