1 Qosıq. Asaftın' jırı
2 Quday, u'nsiz qalma, So'ylemey, tıp-tınısh bolma, Quday!
3 Mine, dushpanların' shawqım shıg'arıp, Seni jek ko'retug'ınlar bas ko'termekte.
4 Xalqın'a qarsı hiyleli joba du'zip, Qa'dirlegenlerin'e qarsı oylasıq o'tkermekte.
5 Olar: «Kelin', olardı xalıqlar arasınan joq qılayıq, İzraildın' atı qaytadan eske alınbasın», – deydi.
6 Mınalardın' ha'mmesi til biriktirip, Sag'an qarsı awqam du'zgen:
7 Edomlılar ha'm İsmayıl urpag'ı, Moablılar ha'm Ajar urpag'ı,
8 Gebal, ammon ha'm amalek xalıqları, Filist xalqı ha'm Tir turg'ınları.
9 Assiriya da olarg'a qosılg'an, Olar Lut urpag'ına qosımsha ku'sh bolg'an.
10 Midyang'a ne islegen bolsan', Kishon sayında Sisera ha'm Yabinge ne qılg'an bolsan', Olarg'a da sonı isle.
11 Olar En-Dorda joq qılınıp, Jer ushın to'gin bolıp qaldı.
12 Olardın' aqsu'yeklerine Oreb ha'm Zeebke islegenin'di isle, Barlıq ko'semlerine Zebax ha'm Salmunnag'a qılg'anın'dı* qıl.
13 lar: «Kelin', Qudaydın' jaylawlarına, İyelik eteyik», – degen edi.
14 Qudayım! Olardı quyın ko'tergen shan'day, Samal ushırg'an qawıqtay etip tasla,
15 Ot tog'aydı jalmag'anday, Jalın tawlardag'ı sho'plerdi ku'ydirgendey,
16 Boranların' menen olardı quwıp, O'z dawılların' menen qorqınıshqa sal.
17 Shermendelikten qızarsın ju'zleri, Solay etip, olar Senin' atın'dı izlesin, Jaratqan İye.
18 Olar ma'n'gi uyatqa qalıp, qorqınıshqa tu'ssin, Xorlanıp, joq bolsın.
19 Bilsin olar Senin' atın' Jaratqan İye ekenin, Jer ju'zinin' jalg'ız Quday Taalası ekenin'di.
