1 Atqarıwshılardın' jetekshisi Edutun ushın. Dawıttın' jırı
2 Janım tek g'ana Qudayda tınıshlıq tabar, Qutqarılıw mag'an Onnan keler.
3 Jalg'ız Ol menin' qorg'awshı jartasım, Qutqarılıwım ha'm qorg'anım, Men hasla su'rnikpeymen.
4 Ha'y, dushpanlar, qıysıq diywalg'a uqsag'an, Qulayın dep turg'an qoraday bolg'an mag'an, Qashang'a deyin hu'jim qılasız?
5 Sizlerdin' joban'ız joqarg'ı da'rejemnen to'men tu'siriw, Jalg'an so'zlerden la'zzet alasız, Awzın'ız benen pa'tiya berip, İshin'izden na'let aytasız.
6 Ha'y janım, jalg'ız Qudaydan tınıshlıq tap, Menin' u'mitim Onın' O'zi.
7 Jalg'ız Quday menin' qorg'awshı jartasım, qutqarıwshım, Qorg'anım Oldur, sonın' ushın, su'rnikpespen.
8 Qutqarılıwım ha'm abırayım Qudaydan keler, Qu'diretli jartasım, panam Oldur.
9 Ha'y xalıq, ha'mme waqıtta Onnan u'mit qılın', Ju'regin'izdi Og'an ashın', Bizlerdin' panamız Qudaydur.
10 Adamzat hesh na'rse emes, Awa, adam balası o'tkinshi. Eger ta'rezige tartılsa, Olar hawadan da jen'il.
11 Tonawshılıqqa isenip qalma, Urlang'an malg'a u'mit baylama, Eger baylıg'ın' ko'beyip qalsa, og'an kewil qoyma.
12 Quday bir ma'rte so'yledi, Bunı eki ma'rte esittim: Ku'sh-qu'diret Qudayda.
13 Su'yispenshilik te Sende, İye! Ha'r bir adamg'a qılg'an isine jarasa qaytarasan'.
