1 Atqarıwshılardın' jetekshisine. «Kelisim lala gu'li» namasına aytıladı. Ta'lim ushın arnalg'an.
2 Dawıt Aram-Naharayım ha'm Aram-Soba xalqı menen urısqannan son', İoab qaytıp kelip, on eki mın' edomlını Duz oypatlıg'ında o'ltirgende, Dawıttın' aytqan jırı
3 Quday, bizlerden bas tarttın', Bizlerdin' qorg'anımızdı jarıp o'ttin', G'a'zeplendin', endi aldıng'ı awhalımızg'a bizlerdi qaytar!
4 Jerdi silkip, onı jardın', Jarıqların du'zet, ol shayqalıp atır.
5 Xalqın'a awır jag'daylar berdin', Tentireklep ju'rsin, dep bizlerge sharap ishkizdin'.
6 Dushpan oqlarınan saqlanıw ushın, O'zin'nen qorqatug'ınlarg'a bayraq ko'tert.
7 On' qolın' menen jen'is ber, bizlerdi esit, O'z su'ygenlerin' qutqarılsın!
8 Quday Muxaddes ma'kanında bılay dedi: «Shadlanıp, Shexemdi bo'lemen, Sukkot oypatlıg'ın o'lshep beremen.
9 Gilad Menikidur, Menashshe de Meniki, Efrayım duwlıg'am, Yahuda hu'kimdarlıq hasam.
10 Moab juwınatug'ın la'genim, Edomg'a ayaq kiyimimdi taslayman, Filist jerinde jen'is dabılın qag'aman».
11 Kim meni qorg'anlı qalag'a alıp baradı? Kim mag'an Edomg'a deyin jol ko'rsetedi?
12 Sen bolsan', Quday, bizlerden ju'z burdın', A'skeriy ordamızg'a basshılıq etpey qoydın'
13 Dushpang'a qarsı gu'reste ja'rdem ber, Adamzattın' ja'rdemi biyhudadur.
14 Quday, Senin' ja'rdemin' menen birge qaharmanlıq ko'rsetemiz, Dushpanlarımızdı basqılap taslaysan'.
