Nexemiya 7 bob
1 Qala diywalı qurılıp, da'rwazanın' qapıları ornatılıp bolıng'annan son', da'rwaza qarawılları, qosıqshılar ha'm lebiyliler xızmetke qoyıldı.
2 Men tuwısqanım Xananiyge ha'm qorg'annın' a'skerbasısı Xananiyag'a Erusalimge jetekshilik etiwdi tapsırdım. A'skerbası Xananiy basqalarg'a qarag'anda sadıq ha'm Qudaydan qorqatug'ın adam edi.
3 Men olarg'a bılay dedim: «Ku'n qattı qızg'an waqıtta, Erusalim da'rwazaları jabıq tursın. Da'rwaza qarawılları xızmette turg'anda qapılar jabılıp, ildirip qoyılsın. Qarawıllar Erusalim turg'ınlarınan tayınlansın. Olardın' ayırımları na'wbetshilikte tursın, al ayırımları o'z u'yinin' qarsı aldın qarawıllasın».
4 Erusalim ken' ha'm ullı qala edi. Biraq onın' xalqı az bolıp, qurılg'an jaylar da ele az edi.
5 Sonda Qudayım menin' ju'regime aqsu'yeklerdi, basshılardı ha'm xalıqtı jıynap, olardı shejiresi boyınsha dizimge alıwdı saldı. Men su'rginnen birinshi bolıp qaytıp kelgenlerdin' jazba tu'rdegi shejiresin taptım. Onda bılay dep jazılg'an edi:
6 Babilon patshası Nabuxodonosordın' Babilong'a tutqın etip alıp ketken adamları su'rgin etilip, tutqında bolg'an wa'layatlardan Erusalimge ha'm Yahudadag'ı o'z qalalarına qaytıp keldi.
7 Olar Zerubbabel, Eshua, Nexemiya, Azariya, Raamiya, Naxmaniy, Mordoxay, Bilshan, Misperet, Bigway, Nexum ha'm Baananın' basshılıg'ında qaytıp keldi. Su'rginnen qaytqan İzrail erlerinin' dizimi to'mendegishe:
8 Parosh urpaqlarınan – 2172 adam;
9 Shefatiya urpaqlarınan – 372 adam;
10 Arax urpaqlarınan – 652 adam;
11 Paxat-Moab, yag'nıy Eshua ha'm İoab urpaqlarınan – 2818 adam;
12 Elam urpaqlarınan – 1254 adam;
13 Zattu urpaqlarınan – 845 adam;
14 Zakkay urpaqlarınan – 760 adam;
15 Binnuy urpaqlarınan – 648 adam;
16 Bebay urpaqlarınan – 628 adam;
17 Azgad urpaqlarınan – 2322 adam;
18 Adoniqam urpaqlarınan – 667 adam;
19 Bigway urpaqlarınan – 2067 adam;
20 Adin urpaqlarınan – 655 adam;
21 Ater, yag'nıy Xizkiya urpaqlarınan – 98 adam;
22 Xashum urpaqlarınan – 328 adam;
23 Betsay urpaqlarınan – 324 adam;
24 Xarif urpaqlarınan – 112 adam;
25 Gibon urpaqlarınan – 95 adam;
26 Beytlehemliler menen netofalılardan – 188 adam;
27 Anatotlılardan – 128 adam;
28 Beyt-Azmawetlilerden – 42 adam;
29 Kiryat-Yarimlilerden, kefiralılardan ha'm beerotlılardan – 743 adam;
30 Ramalılardan ha'm gebalılardan – 621 adam;
31 Mixmaslılardan – 122 adam;
32 Beyt-Ellilerden ha'm aylılardan – 123 adam;
33 Basqa nebolılardan – 52 adam;
34 Basqa elamlılardan – 1254 adam;
35 Xarimlilerden – 320 adam;
36 Erixolılardan – 345 adam;
37 Lodlılardan, xadidlilerden ha'm onolılardan – 721 adam;
38 Senalılardan – 3930 adam;
39 Ruwxaniyler: Eshua na'silinen bolg'an Edaya urpaqlarınan – 973 adam;
40 İmmer urpaqlarınan – 1052 adam;
41 Pashxur urpaqlarınan – 1247 adam;
42 Xarim urpaqlarınan – 1017 adam.
43 Lebiyliler: Hodewa na'silinen tarag'an Eshua ha'm Qadmiel urpaqlarınan – 74 adam.
44 Qosıqshılar: Asaf urpaqlarınan – 148 adam;
45 Da'rwaza qarawılları: Shallum, Ater, Talmon, Aqqub, Xatita ha'm Shobay urpaqlarınan – 138 adam.
46 İbadatxana xızmetshileri: Sixa urpaqlarınan, Xasufa urpaqlarınan, Tabbaot urpaqlarınan,
47 Keros urpaqlarınan, Sia urpaqlarınan, Padon urpaqlarınan,
48 Lebana urpaqlarınan, Xagaba urpaqlarınan, Shalmay urpaqlarınan,
49 Xanan urpaqlarınan, Giddel urpaqlarınan, Gaxar urpaqlarınan,
50 Reaya urpaqlarınan, Resin urpaqlarınan, Neqoda urpaqlarınan,
51 Gazzam urpaqlarınan, Uzza urpaqlarınan, Paseax urpaqlarınan,
52 Besay urpaqlarınan, Meunim urpaqlarınan, Nefushesim urpaqlarınan,
53 Baqbuq urpaqlarınan, Xaqufa urpaqlarınan, Xarxur urpaqlarınan,
54 Baslit urpaqlarınan, Mexida urpaqlarınan, Xarsha urpaqlarınan,
55 Barqos urpaqlarınan, Sisera urpaqlarınan, Temax urpaqlarınan,
56 Neziax urpaqlarınan ha'm Xatifa urpaqlarınan edi.
57 Sulaymannın' xızmetshilerinin' urpaqları:Sotay urpaqlarınan, Soferet urpaqlarınan, Perida urpaqlarınan,
58 Yala urpaqlarınan, Darqon urpaqlarınan, Giddel urpaqlarınan,
59 Shefatiya urpaqlarınan, Xattil urpaqlarınan, Pokeret-Hassebayım urpaqlarınan ha'm Amon urpaqlarınan edi.
60 İbadatxana xızmetshileri menen Sulaymannın' xızmetshilerinin' urpaqlarınan barlıg'ı bolıp 392 adam edi.
61 Tel-Melax, Tel-Xarsha, Kerub, Addon ha'm İmmer qalalarınan ko'ship kelgen, biraq o'zlerinin' shıg'ısın ha'm İzraildın' qaysı urıwına tiyisli ekenin da'lilley almag'anlar mınalar edi:
62 Delaya, Tobiya ha'm Neqoda urpaqlarınan – 642 adam.
63 Sonday-aq ruwxaniyler na'silinen bolg'an Xabayya urpaqları, Haqqos urpaqları ha'm giladlı Barzillaydın' qızlarının' birine u'ylenip, qa'yin atasının' atı menen atalg'an Barzillay urpaqları.
64 Bular jazba shejireden o'z shıg'ısın izledi, biraq taba almag'anlıqtan qanı taza emes dep, ruwxaniylik xızmetinen shetletildi.
65 Ha'kim olarg'a Urim ha'm Tummimnen paydalana alatug'ın ruwxaniy shıqpag'ansha, tek ruwxaniylerge beriletug'ın en' muxaddes tag'amnan jemewdi buyırdı
66 Pu'tkil ja'miyet ha'mmesi bolıp 42 360 adam edi.
67 Bulardan tısqarı, olardın' 7337 qul ha'm shorıları, 245 erkek ha'm hayal qosıqshıları da bar edi.
68 Ja'ne de, 736 atı, 245 g'ashırı,
69 435 tu'yesi ha'm 6720 eshegi bar edi.
70 Ayırım a'wlad basshıları isti ju'rgiziw ushın sıylar berdi. Ha'kim qaznag'a 1000 darik altın, 50 qırma, 530 dana ruwxaniylik kiyimin berdi.
71 Ayırım a'wlad basshıları istin' ju'riwi ushın qaznag'a 20 000 darik altın, 2200 mina gu'mis berdi.
72 Al xalıqtın' qalg'an bo'legi 20 000 darik altın, 2000 mina gu'mis ha'm 67 ruwxaniylik kiyimin berdi.
73 Solay etip, ruwxaniyler, lebiyliler, da'rwaza qarawılları, qosıqshılar, ayırım adamlar, İbadatxana xızmetshileri ha'm pu'tkil İzrail xalqı o'z qalalarına ornalastı.
