4 Patshalar 3 bob
1 Yahuda patshası Ehoshafattın' patshalıg'ının' on segizinshi jılında, Axab ulı İoram Samariyada İzrailg'a patsha boldı ha'm on eki jıl patshalıq etti.
2 İoram Jaratqan İyenin' na'zerinde jaman bolg'an islerdi islewdi dawam etse de, onın' isleri o'z ata-anasının' islerindey ju'da' jaman bolmadı. Ol a'kesinin' Baalg'a arnap soqtırg'an kiyeli tasların alıp tasladı.
3 Degen menen, ol Nabat ulı Yarobamnın' İzraildı baslag'an gu'nalarına erip, olardan waz keshpedi.
4 Moab patshası Mesha sharwashılıq penen shug'ıllanatug'ın edi. Ol İzrail patshasına jılına ju'z mın' qozı ha'm ju'z mın' qoshqardın' ju'nin beretug'ın edi.
5 Biraq patsha Axabtın' o'liminen son', Moab patshası İzrail patshasına qarsı bas ko'terdi.
6 Sol waqıtta patsha İoram Samariyadan shıg'ıp, pu'tkil izraillılardı bir jerge topladı.
7 Ol Yahuda patshası Ehoshafatqa: «Moab patshası mag'an qarsı bas ko'terdi. Moablılarg'a qarsı urısıw ushın menin' menen birge barasız ba?» – degen xabar jiberdi. Ehoshafat og'an: «Awa, baraman, meni o'zin'izdey, xalqımdı o'z xalqın'ızday, atlarımdı o'z atların'ızday ko'rin'», – dedi.
8 Son'ınan ol: «Bizler qaysı joldan barayıq?» – dep soradı. İoram og'an: «Edom sho'li arqalı», – dep juwap berdi.
9 Solay etip, İzrail, Yahuda ha'm Edom patshaları birge jolg'a shıqtı. Olar aylanba jollar arqalı jeti ku'n ju'rgennen keyin, suwları tawısılıp, a'skerler de, janındag'ı haywanlar da suwsız qaldı.
10 Sonda İzrail patshası: – Wah, Jaratqan İye bizlerdi, u'sh patshanı moablılarg'a ta'slim etiw ushın bir jerge jıynag'an eken-da'! – dep baqırdı.
11 Biraq Ehoshafat: – Bul jerde Jaratqan İyenin' payg'ambarı joq pa? Ol arqalı Jaratqan İyenin' erkin sorap biler edik, – dedi. Sonda İzrail patshasının' xızmetkerlerinen biri: – Bul jerde Shafat ulı Elisha bar,ol burın İliyastın' qolına suw quyg'an sha'kirti bolg'an, – dep juwap berdi.
12 Ehoshafat: – Ol Jaratqan İyenin' ne aytajag'ın biledi, – dedi. Solay etip, İzrail patshası, Ehoshafat ha'm Edom patshası Elishag'a ketti.
13 Elisha İzrail patshasına: – Sen nege mag'an kiyatırsan'? A'ken' menen anan'nın' payg'ambarlarına bar, – dedi. İzrail patshası og'an: – Yaq, sebebi bul u'sh patshanı moablılarg'a ta'slim etiw ushın bir jerge toplag'an – Jaratqan İye, – dep juwap berdi.
14 Elisha og'an: – O'zim xızmetinde bolg'an A'lemnin' Jaratqan İyesinin' tiriligi haqı aytaman: eger Yahuda patshası Ehoshafattı hu'rmet etpegenimde, sag'an qaramag'an da, na'zer de salmag'an bolar edim.
15 Endi mag'an lira shertetug'ın bir sazendeni alıp kelin', – dedi. Sazende kelip, lira shertkende, Jaratqan İyenin' ku'shi Elishanın' u'stine tu'sti.
16 Sonda Elisha bılay dedi: «Jaratqan İye bılay deydi: „Bul oypatlıqtın' basınan ayag'ına deyin orlar qazın'lar. 17Sizler samal da, jawın da ko'rmeysizler. Biraq mına oypatlıq suwg'a tolıp, o'zlerin'iz de, malların'ız ha'm haywanların'ız da onnan suw ishesizler“.
17 Jaratqan İye ushın bunı islew an'sat. Ol moablılardı da sizlerge ta'slim etedi.
18 Sonda sizler olardın' barlıq qorg'anlı qalaların ha'm bas qalaların qıyratıp, olardag'ı ha'r bir miywe ag'ashın kesip taslaysızlar, barlıq bulaqlarının' ko'zlerin bekitip, o'nimdar atızlarının' ha'mmesin taslaqqa aylandırıp, jaramsız qılasızlar».
19 Erten'ine azanda qurbanlıq beriletug'ın waqıtta, birden Edom ta'repten suw ag'ıp kelip, jerdi basıp ketti.
20 Moablılar patshalardın' o'zleri menen urısıw ushın kiyatırg'anın esitkende, urısqa jaramlı u'lken-kishini toplap, shegarag'a kelip turdı.
21 Moablılar patshalardın' o'zleri menen urısıw ushın kiyatırg'anın esitkende, urısqa jaramlı u'lken-kishini toplap, shegarag'a kelip turdı.
22 Olar azanda erte turdı. Quyash ko'terilip, suw betine tu'skende, bul suwlar arg'ı jaqtag'ı moablılarg'a qang'a uqsap qızarıp ko'rindi.
23 Sonda olar: «Mınaw qan-g'o. Patshalar o'z ara urısıp, bir-birin qırıp taslag'an eken. Qa'ne, moablılar, oljag'a!» – dep baqırıstı.
24 Biraq moablılar İzrail ordasına kelgende, izraillılar moablılarg'a hu'jim jasap, olardı qıra basladı. Sonda moablılar qasha basladı, al izraillılar olardı quwıwın ha'm qırıwın dawam etti.
25 Olar qalalardı qıyrattı, o'nimdar atızlarg'a ha'r biri bir tastan ılaqtırıp, olardı tasqa toltırdı. Suw bulaqlarının' ko'zlerin bekitip, miywe ag'ashların kesip tasladı. Tek Kir-Xaresettin' tas diywalları g'ana o'z ornında qaldı. Biraq saqpanshılar qorshap alıp, onı da qıyrattı
26 Moab patshası o'zinin' jen'ilip atırg'anın ko'rgende, janına jeti ju'z qılıshpazın alıp, Edom patshasının' a'skerlerin jarıp o'tpekshi boldı. Biraq jarıp o'te almadı.
27 Sonda ol o'z taxtının' miyrasxorı bolg'an tun'g'ısh ulın shalıp, diywal u'stinde jandırılatug'ın qurbanlıq etip berdi. Bul izraillılarda ku'shli g'a'zep oyattı ha'm olar qalanı ta'rk etip, o'z ellerine qaytıp ketti.
